📌 而家做文職或政府工，
共 56 條紀錄
而家做文職或政府工，想問電腦速成倉頡輸入法有人用和重要嗎？
而家呢個年代最多用語音輸入或者手寫，但見政府工例如流動圖書館助理，都有要求要中文輸入法，。
但我唔識入喎，咁我咪冇咗去優勢，點算好？
一個識輸入法(冇keyboard 都識語音)
一個淨係識語音+手寫
你係老細個腦再細都識揀
你其實都有優勢
你有更大嘅進步空間更大嘅學習動力
PS. 入得閘去in都係鬥"演"，鬥"包裝"
CV 係廣告，面試係表演
冇人叫你係額頭寫住"我淨係識語音輸入法"
😂😂
你呢個問題本身就已經說明咗你點解輸蝕——連基本嘅中文輸入法都唔識，仲好意思話自己做文職、想入政府工？你估政府部部電腦都俾你駁咪、慢慢寫？倉頡速成呢啲基本嘢都唔肯學，仲想有優勢？唔係冇優勢，係你自己親手掉咗佢咋。
十幾二十年前有套輸入法叫九方
有班學唔掂倉頡速成嘅走咗去學
記得當年見工有幕好經典
有個求職者望住部電腦
「我想問有冇九方？」
「冇。」
完
想知樓主打算自備咪定手寫板
並不是所有公司機構政府部門可用自己設備的
英文打字讀U要做功課學，畢業第一份工做外資，唔洗打中文。到生左小朋友想整野比佢玩自學速成，2星期學識啦，依家返工打中文都ok, 但近排又轉左份只需打英文既工。唔識，咪去學囉，要老師教？
唔通成個Office喺度講嘢用語音輸入打字咩？咁咪好似街市咁嘈😂
政府如果要搞手寫嗰啲可能另外要裝一啲合法嘅軟件，跟住又要有一啲審批，所以唔會咁容易
除非你個位置係坐房嗰啲高級位
應該成個office 得佢1個唔識，全部人聽住佢文件內容
姐係你問緊你未讀過醫科，問做醫生會唔會無哂優勢？🤔
好心你唔好搞笑啦，乖乖地去應徵做清潔工洗廁所去M記做打雜，好好面對自己，少d發白日夢😗
正苦電腦唔會支援到語音同手寫
就算自己有相關設備都唔得㗎
所以要學電腦本身有嘅輸入法
倉頡同速成原理接近嘅
學就學倉頡
到時睇下會唔會想學速成
其實對住電腦電話出世點解會唔識，90，00後果班小學已經要學打字，又stem 又program,有個年代仲要學flash, Dreamweaver，返而依家講唔識打字，乜L野事。
學吧，唔通你對住部電腦用語音輸入咩？
如果畀你用嘅配置冇得語音或者手寫呢 ？
人哋嘅要求擺喺度，
你做唔到，唔通你仲想要人哋遷就你 ？
其實冇咩話重唔重要，總之你用乜嘢輸入法都好，可以符合到工作環境，可以符合到保密條件，又做到同一樣嘅速度效果，你用乜嘢都冇所謂。
你在圖書館用語音輸入，無病呀？ 正常office 都要保持安靜啦，可況圖書館。政府工連連申請都超額幾倍，其實都唔會介意少你一個人申請。
學！！！ 我好記得廿年前因為不會輸入法不能由速遞員轉為輸入文員. 至此之後我好比心機自學，總之你選一個好快打中文的方法都可以
打字都唔學？唔好成日貪方便語音啦，咁鬼懶點學人做文職
有野唔識而工作要求要識就去學，點解咁簡單既道理都要問，想不勞而獲？
好多公司電腦冇得俾你加外置設備（保安問題或者你權限唔夠或者IT唔想搞），只可以用Windows內置輸入法，你唔識用內置輸入法冇辦法
就拎流動圖書館助理做例子, 你要輸入人地個名, 然後語音輸入人地個名, 你估會唔會有人話你講人地私隱?? 另外政府電腦支唔支援呢?
我係政府考倉頡合格！應該仲係優異果隻！但佢話我廿年前會考成績唔ok! 所以不考慮🤦🏼♂️🤦🏼♂️🤦🏼♂️
其實做文職工作，識速成係基本，點都要過到個面試先，同學車一樣，學既野只係配合個考試，考到個車牌我理得你飛天
其實學打字唔使好耐 ga
你用幾個月、用半年學一個技能換工作機會同以後日常工作處理既便利
其實呢幾個月好短 ga 咋
人哋入職要求就係要做速成或者倉頡中文輸入測試
你而家唔識
就要諗吓點樣過技能測試
過唔到
好自然都入唔到職
自己諗下用語音打文件就知唔適合啦。
文件要正式，一個字都唔可以錯，遇到啲非常用字句佢認唔到咪企晒喺度。
而家唔係要遷就強國人，要準備好拼音輸入法㗎啦咩？🤣🤣
至少拼音倉頡速成一定有，冇理由仲用手寫板
唔係部部機都可以裝手寫，語音。
如果派你去無尼d裝置的電腦你點搞？
特別圖書館未必每人有固定電腦。
用電腦真心唔知你用乜語音同手寫
唔識就學
有邊個一黎就識，個個都要學架啦
想做文職打字係基本野黎架
唔係無優勢咁簡單喎？係無咗基本入職資格呀！花少少時間練下中文輸入法啦！幾個星期就上手㗎喇！
政府工 如果個個職位有需要 係會要求你考電腦TEST 合格先有面試。文職 就各自有要求 有D可以手寫板
學啦，用3-4個月去練習好快上手,
好多公司包括政府都用緊輸入法，
未必俾你用語音或者裝手寫版。
人地個要求就已經講清楚，你有部份係唔識，你可以學或者搵其他，而唔係覺得人地個要求不合時宜
你去銀行客戶服務 職員讀你個姓名 銀行戶口資料 出黎語音輸入法，你會點🤣手寫咁慢 點搵食？
Sor9y,除左中銀 and/or其他中資，全部銀行都係用英文
考政府嘅CA/ACO全部要考中英文打字喎……
私人公司文職都有啲機嘅，但你唔識咪輸蝕囉。
依家好多後生都唔知點解唔識打速成或者倉頡，全部都用口音輸入法🤷🏻♀️
你用電話就話用語音啫，電腦要用語音係咪要另外買支咪俾你？手寫要買手寫板？
都有部入人係用拼音嘅，但絕大部人都係速成，有2成直頭用倉頡啦！尤其老闆
各位無謂教精佢，機會係留俾有準備嘅人，文職工留返俾識打字嘅人啦
考政府工招聘廣告有寫用指定的中文輸入法，你唔識係考唔到政府工
部首筆畫，又或者睇個筆劃類型咁，照以前讀小學練字咁順序打就得
點算？拿拿聲去學囉。
你去任何公司申請職位，都要跟要求㗎喇。
唔明點解而家啲人唔識倉頡速成？
係懶係蠢？
定係覺得唔需要？
唔好講倉頡輸入法呀，而家年輕人係用拼音㗎，唔好暴露年齡😂
可以去私人公司做，求職時講明唔識中文打字，要求提供手寫板
識打中文（無論乜輸入法）唔係基本咩？等同識唔識寫字一樣。
手寫板同咪呢啲 device 如果 IT 嚴嘅話係唔俾裝嘅, 所以要學倉頡
想像下，如果office內每位同事都用語音輸入法，應該會很嘈😂
做文職吾識打字覺得冇問題果D，人地請個清潔阿姐識中文咪得
你考入去政府做嘢就要跟人地遊戲規則玩架啦～係咪咁講呀？
佢要求
你唔識
就經已唔係冇咗優勢
係你唔符合資格
自己帶個手寫板返工，但你寫完一個字人地都打左十幾個字啦
仲有，唔係個個機構畀你安裝公司standard以外嘅software，你冇admin password ，你以為你偷雞就可以裝到？
輸入法是很容易學的技能，若然咁都放棄，真係唔知你點算好
請問你係咪大陸人嚟㗎？
點解會問埋啲咁唔合常識嘅問題？
我知好多以前年代的人係唔識打中文，仲有新世代都唔識。