而家身邊好多人問我幾時洗禮
然後我見佢哋個撚個嘅見證都係神俾咗佢哋啲咩咩咩
有時候覺得如果他朝有日真係入教
然後我嘅分享係：
呀其實我求嘅所有嘢一樣都無撚實現過但我都係洗咗
班傻仔嗰刻究竟會有咩反應
⋯
我好掛住某個時候我係好多唔同街角捕獲到嘅基督徒。
我諗要講嘅話
其實我嘅信係「我認為你存在，但我地大家各自安好咪搞大家好嗎？」咁🤣🤣🤣
Bro我覺得你呢種信心先係top tier喎
唔係因為神俾左啲咩你所以信
而係因為你信所以信
我直頭脫離教會
成日覺得受洗只係一個儀式，如果執著要逼人做呢個儀式而佢言行舉止無跟隨主耶穌，咁其實同敵基督無咩分別
無敵答案，你軟弱，唔夠信心，求主加你力量，主有佢既時間！
聽過幾多次？唔緊要，最緊要係能夠拆解到，自己知道點樣走位，幾時應該反駁同埋點樣反駁
我以前曾經試過係舊教會參加過一個活動，其中一個環節係抽人講見證，之後我講嘅內容就係暗示緊你講嘅野，就係無撚實現過我嘅禱告，台下啲導師牧者好似get到🌚🌚🌚
(但其實呢個信仰唔係咁，基督教嘅神本來就唔係對你無微不至照顧嘅神，只係教會將基督教變做成功神學)
個陣係靈恩派。信徒反應會好啲，話見證好真實。但牧者話我超咗講見證時間，唔知點解好強調個時間多過見證內容，內容有涉及先知禱告，解釋翻點解唔應驗，話唔求印證（其實呢啲係無聖經根據）。最hard feeling係抽人上台講見證，見證係自願講，點解要抽人講？咁佢格硬要我講，咪講曬最真實嘅見證，就係神無應驗禱告。後來逃離靈恩派，轉翻福音派教會，牧者有解釋翻基督教世界觀係自然定律同成個信仰唔係建立應驗於否，而係悔改等等，而呢啲先係符合教義嘅解釋，正常嘅做法，而唔係將信徒變為一件sell人入教商品，或者將基督教商業化。
想洗先洗，唔使理人
我信咗四年幾都未洗
神都冇逼過我快啲洗
無見證而受洗等同無見證而決志一樣，誰說哪一天耶穌一定不會給你彰顯他的榮耀？很多人相信耶穌後都經歷過耶穌呀。什麼叫受洗，就是公開承認自己的罪承認耶穌救恩並一生跟隨祂
我只係好奇好多人感受到嘅見證都係某程度嘅願望成真
但我只係喺學理同直觀上知道呢個神係真嘅
然後嗰啲感動就真係感受唔到
覺得好奇咁
不一定有見證才可以受洗，有些人仰慕耶穌，很想經歷神，也可以決志及受洗
老實說我也看過很多人受洗後完全失踪還無故惡言惡語對弟兄，所以要看那人是否重視跟隨耶穌
其實受洗本身就唔係一個「信與不信」嘅表現，而係一個公開場合中、信仰上嘅見證。當然，因為一般教會架構運作，受浸都等同加入埋教會，但係其實一開始嘅時候，受浸嘅意義並唔係加入當地教會，而係普世教會。所以，有人keep住問你洗禮係唔意外。（利申：係浸信會大，主張信而受浸，但唔主張為加入教會而浸）
同埋我好鍾意你果句「我求嘅所有嘢一樣都無撚實現過但我都係洗咗」😂 呢個信心先係最真。「信就是所望之事的實底，是未見之事的確據。」（希伯來書11:1）
Buy你喎
信教原因一定係 「世界觀/道德觀/心腸/眼光改變」遠勝「獲得什麼」
如果只有黃大仙式求神應驗類見證先算係見證 對慕道既人係有反效果