而家d古惑仔（黑社會）同廿年前嘅唔同，以前就要靠打打殺殺出位、響朵，咁先有機會搵到d老細，幫手收下數、做下睇場有份功收下、好彩嘅打本俾你開間夜場。

踏入AI年代，後生嘅唔會收你一萬幾千同你打打殺殺，一定係搵錢行先。早幾年10個有9個都係做賭網/現金網但好快就飽和，又有頂數風險，而家就搞詐騙，「特務」、「彈票黨」、「假收數」、「假演唱會飛」。

之前threads 有師兄活捉彈票黨騙徒（圖2），睇個樣頂多廿歲，好可能佢係專做各種騙案嘅駁腳，接單出去收取各種騙款或財物。

呢啲十幾廿歲既都係收錢做野既豬仔黎

記唔記得金雞SSS呢套戲
張家輝坐咗十幾年
出返嚟就發覺完全唔同晒
吹雞，佢以為係打交
點知原來係排隊😂😂😂

仲有呃啲街車司機扮送貨，實質要司機上門派收數信

以前老黑？交野啦，講咁多
我金身出自山河 禮義文章有幾多 笑問星君何日醉 星君細說問星河 口中常吐軍師計 亁坤一轉定山河

時代唔同，黑社會已經淪落到做啲偷呃拐騙野先勉強搵到食

騙徒永遠都存在

古惑仔去L曬做物業維修、建材物料、維修顧問啦，佢哋响應政府每年咁多舊樓強制大圍修，每棟維修費都最少億億聲全部揾大錢，揾得仲多過讀死書打份牛工嘅人，唔係撈偏又完全唔使打家劫舍，不過錢要落袋咪偷工減料害死人囉，都係生仔無屎忽架，仲要報應報三世，做人定做古惑仔自己諗啦！

特務係咩意思呀😮

嗯 真正嘅「應運而生」，大有大昆，細有細呃。香港近年重好流行借公司個殼比啲詐騙傳銷之類嘅資金盤公司越洋去美股上市，所以真係要提子。😎

文科先搵到食😂

詐騙仲賺得多過打劫啦依家

所以以前叫大陸黑工做 烏鼠唔係冇原因