聽日要走了。
格魯吉亞/佐治亞呢個國家集四家之短於一身：
蘇聯式制度（愛好管理而不行）
歐盟式創新（愛好創新而亂做）
小國式混亂（交通全靠運氣，流浪狗細路通街亂走，揸車司機特別兇悍，會發生咩事大家估到了）
山民式奸猾（首都人除外，首都人普遍有教養而且對東方人非常友好；Gori人也除外，那裏的人是蘇聯人）

所有嘢要用歐盟方式搞到完全電子化
完全冇任何機可以用錢畀咪錶位錢（英國咁鍾意電子化嘅地方都係有硬幣畀咪錶位錢的）
然後用冇number就用唔到。
付款機只可以畀現金，然後你找錢係要使用你本地手機號碼收餘額的。
飲緊酒搵返嚟救命嘅姐姐都話幫唔到手。

首都正中心舊城區定係新城區馬路都係完全沒有交通燈的
過馬路全靠配合。
古城可以直接對住你影相做goods兜售。
同埋山區特有嘅天氣差。

呢個國家就係如同佢首都嘅單車像一樣，前轆前現代後轆後現代，兩邊都攞缺點。

縱然工業物產發達文化燦爛風景好睇姐姐幾靚紅酒好飲嘢食真係好好食
都係基本可以唔使再嚟嘅地方。
不過應該會再喺海外食下佐治亞餐廳飲下佐治亞汽水。
希望五月去同樣差唔多背景嘅亞美尼亞冇咁辣...應該都好難。

同埋網絡都幾數一數二地差的
喺我去過嘅地方嚟講。

但其實紅酒唔差

咁矛盾，電子化但又有地方只收現金，又唔收卡😂

咁咪好似香港咁，電子化，總有幾間茶記唔收信用卡