📌 致後生仔們：可以
共 76 條紀錄
致後生仔們：
可以聽吓我呢一位中年人 客觀對樓市嘅分析，別好似我同年紀嘅朋友們多次錯失財富增值嘅機會。當然 唔啱聽可以當笑下。
佔最大嘅兩個因素
香港嘅資金池沒有流走過，反而西方咁亂啲錢仲入返嚟。樓市回到2016年位置。但是人均月入中位數目前是$24100 並沒有回落到2016年的$15050
人口繼續上緊歷史高位 雖然生育率低，但係政府數字回流的確係有三份一，仲有國內人依然係想過來的 專才數字覆蓋咗生育率落差果3萬人
一定會有人問
供樓利息好犀利？ 其實有對沖戶口 一定平過你租
如果失業點算？ 咁其實你失業一樣係比唔起租金的。反而自己有層樓可以租出去頂一陣自己返去同屋企人住
我已收回自己不被歡迎的幾個論點了，其實我都係講數據啫，希望大家明白呢個係學術討論 🙏🏻
希望不好變成互相罵戰 你又祝佢屋企火燭 佢由祝你由治及興咩刀手😥😅
我反而我自己收回，因為我喜歡讓步😁
只係唔想兩派對罵
或者大家有冇乜嘢想考吓我？或想聽故？
樓市可能真係太遙遠回本期太長
我又俾人話係A A😂 如果講海運航運生意經歷有冇人想聽呢？我曾經非洲都俾人綁過一次 幸好平安無事😀😀😄😄
可能講投資我唔係好全面，其實我都有幾年冇買樓了，我對上一次大投資都係恆指 萬六點開始浦貨坐去到萬四點，跟住再坐上嚟27000左右走 。美股就蝕蝕到攤攤腰！
人生淨係考過自動波1A牌，但試過喺非洲揸10個鐘頭18噸貨櫃車😀
其實我想表達，雖然我哋前人雖有優勢，但係我哋嘅努力都可以很驚人的。正如你哋肯付出嘅話 都會比同期唔付出嘅人有收穫。
唔知點表達好
你搵到供樓使費可以低過4000，先好講［失業一樣比唔起租金］
冇工作收入，你供唔起樓，就係供唔起。
但租樓可以揀平租d既地方，租金唔使4500既地方香港其實都唔少，起碼你叫有個位訓先。
唔係個個人都有屋企人做支援，有d甚至係好後生已經要出社會做野去支撐返自己屋企人。
當你仲係度講［買樓係用黎財富增值］，更多00後而家就業因為比AI關哂大門，又內卷，又經濟通縮，學歴開始變得一文不值，仲有外勞問題，年輕一代可以生存係社會而未有精神病，已經算係好堅強。
建議你認真走入00／10後既圈子，同佢地多d交流，企係佢地既角度睇呢個社會，或者你會明你講既野有幾離地。
講呢啲係嘥氣，呢度大部份係兩種人：食物鏈最底層＆反社會人格者。
由得佢哋靜靜哋租樓，身為業主我好歡迎。
之前都唔覺得係反社會人格，
但剛剛覆咗一句火險有得賠尾款，佢就祝你屋企被火燒🤠😅😥
政府炒人，HSBC炒人，牛角集團年賺200萬，不看好下半年樓市/經濟
樓主嘅問題係淨係識同以前比較
以前未有AI未有外勞
笑死 驚無人接你火棒呀？ 有麝自然香就唔洗promote啦 #呢期賺夠我都想比人賺下
樓，永遠不是看短期，到你70-80歲，看看有沒有人敢租俾你？
月入中位數 的確上升了
十年前大約16000 現在二萬二千左右
不過失業率都上升了 就業人口減少了
另外人口老化得好嚴重
年齡中位數20年前喺三十幾歲
現在已經接近50歲
如果失業的話
首期就係自己嘅救命錢
從來喺社會上買樓嘅都係一小撮人
決定買唔買樓嘅原因，並唔係當下經濟及政治嘅環境因素，而係對未來嘅期望值。
當後生一代唔再熱衷於買樓，係因為對未來冇期望，於是乎買樓嘅繼續集中於中老年人（又稱利益既得者），資源漸漸集中喺少數人手中，後生仔對未來更加冇期望，形成惡性循環。
但呢個亦都係典型嘅資本主義形態，發展到最後一定係寡頭壟斷，越難越向上流動。
題外話，AI嘅出現加速咗呢個過程
Full paid先係資產
Long term 仲係超大槓桿
供中細價樓最多可以話當租，供比自己
靠隻流動性咁慢嘅資產翻身，早十年仲有得咁諗嘅
資金無走但唔入樓市 以前外國公司會買樓比員工住 你睇返係唔同
以前炒起係成個世界錢炒香港樓
而家得返人民幣。仲要集中係新樓
好似d 70後買左樓係度教人躺住發達
香港大半樓30年樓齡，50年以上佔三成，買左等比人大圍標？
新樓因為當年地價貴，好多發展商偷工減料
呢位人兄係咪講緊新加坡？香港外勞搶香港人飯碗，人工向下調整緊啵
咁你入左市未？ 自住樓無肉食，借爆買多兩間先有得炒下
樓主唔洗谷氣，你逆向d諗，如果人人都唱好樓市就真係水尾啦，仲有咁多人唱淡做業主反而要安心先係😎
相信十年後回顧，買左樓既會升值很多。(每年有3-5%通漲)。可以自住，可以作被動收入。交租的其實是變相替別人供樓。不過前提是有份穩定的收入，選擇些性價比高的樓盤，按自己的能力，為未來做好規劃。
當 北部都會區 成形，成氣候之日，就是樓價大跌的日子。
所以即使買樓，都要在北部都會區之前，完成所有供款贖樓。
啱啱有個問題同你都幾相似，我試吓一樣咁回答
首先地契應該會續期
第二就係好大機會冇咗證件關口，但係過關手續依然存在，因為港幣同人民幣兩者一定要存在 檢查行李及現金資金流動到時都會需要。
但係物業市場應該會形成類似北京嘅五環地段，由港幣外匯國際融資中心港島兩岸開始計 第一環
九龍
北部都會
南山區深圳灣
跟住先到福田羅湖
我哋可以用南山區今日平均$160,000一平方米（當$15k一尺）去跟住用每年2%通脹貨幣貶值去計算2047年嘅北部都會樓價值。
呢啲咁正嘅財務建議，居然係免費👍🏻
香港業主人品好👍🏻
冇辦法，有時見到啲靚仔好迷惘。但網上剩係得一班中年自己買唔到樓嘅人比意見😅
我係一個中年人as well, 買賣過幾次港樓，我確信宜家係香港經濟下滑開始而已，以前高桿杆買港樓係有升值加收租兩個保險，你睇下宜家二手基本上保到本已經thx God, 新香港人只會買一手，大幅蝕入肉二手成交比比皆是，事實上，大陸新移民對香港實體經濟同移民港人貢獻差天共地, 英國回流港人我自己見唔好話3分1,10分1也未必有，加拿大回流人士可能多d, 重點係香港資產泡沫同債務問題到今日從未解決，除左住宅物業負資產數字一直上升，商業資產價值跌左一半，金融機構金管局一定拖住呢個債務炸彈唔敢拆，新世界只係其中一個例子，好戲在後頭
對沖利息嗰一點，最多都是按揭額50%有利息，同樣如果上會後我仲有按揭額50%現金，另外嗰2個因素，都唔會令我入唔入市，因為買樓唔係短期持有，而係手頭上資金頂唔頂得住短期社會/個人問題，頂唔住即係未有能力入市（小弟正是16年9月入市，社會問題，個人問題都經歷過，得出看法）
買股票基金年回報一定跑贏樓
仲要轉身快，要走都容易
買樓都唔只香港一個地方
我都同意 所以我對上一次大投資都係恆指 萬六點開始浦貨坐去到萬四點。跟住再坐上嚟27000左右走
入市大約係3球左右7200。
如果網民係認真想交流，我可以下一個post貼真倉😁🤠以免俾人話係地產佬，其實我係投基佬
其實我認同，尤其係網絡上太多上邊留言的睇法，我反而覺得係入市好時機
但要簡啱有增值嘅樓盤同自己有份穩定的工供樓
分分鐘未供完已經要俾多幾十萬做大維修，一個唔好彩燒撚埋，成世人心血冇哂就真係恭喜晒
其實你哋留意吓
佢哋火險係幫到佢哋唔使供尾數的，我都唔講政府後期援助了
大家只係理性討論 互相學吓野
唔啱聽都唔使咁樣的😥當我沒有講過可以了吧
租樓要做7成按揭，供樓按9成已經high high，仲點租比人。未害人啦⋯⋯
唔係㗎， 24年8月開始如果面臨失業情況是可以九成照放租
不過當然九成按揭利息10分高，加埋管理費一定係蝕錢，不過叫做頂住雞頭。
所以建議都真係有八成左右按揭先上車
8成都唔係個個比得起架，你估買棵菜咩。香港比哂班大陸人炒高哂樓價，香港人就百上加斤，要安居樂業唔係易事。買居屋都要有綠表，唔通你叫一個搵開3萬蚊既人，唔做份工去拎公屋咩，根本上成個房屋政策係有問題，無惠及香港真正既市民（唔計新移民同專才）。
呢樣問題已經講咗好多年，就係為咗個市唔好霖，你班有錢佬唔蝕錢，攪到香港人要賠你哋受苦，呢啲就係良知既問題。
我都希望更多人 想出去租/買樓
起碼租到出去 唔租去買 咁樓市都頂得住
最怕係 人都走埋移民 或者 痴屋企住
樓市最重要係有需求
做業主先有被動收入
買樓係賭緊你未來廿幾年唔會失業 但係依家咁多磚才落黎爭食一齊卷 依家係爭低技術職位 唔好話十年 五年後專業位仲夠唔夠爭都成問題 仲諗買樓？
你話短炒一兩年賣咁不如我玩槓桿 仲快 反正都係賭錢
嚟緊仲有北部都會區咁多供應
連四大發展商都唔去投地喎
你咁好而家叫人買樓？
仲有，大陸要香港融入大灣區，呢個唔只係講緊生活習慣嘅融入，仲有人工同樓價，咁嘅情況，樓價仲有得升咩？
我贊成有能力買樓這部分。
因為我是過來人，租樓好麻煩。。。
有樓個人安心好多。
其它你所指的入息~大6人來香港，我更加要指出，我呢的大叔可做可退休，無乜所謂。將來會香港人的失業會越來越嚴重。
雖然好多都認同
但
“你失業一樣係比唔起租金的。反而自己有層樓可以租出去頂一陣自己返去同屋企人住“
如果有屋企人地方，失業時買同租都可以返屋企人度住
係無分別，返而買仲要擔心租唔到要照比管理費etc
一車車外勞專才落嚟香港就係要打殘你香港個人工，你覺得政府會唔會停咗唔輸入人才？ 仲未睇透？
大家真係要明白🙏🏻
喺數據上嚟講，佢唔會理你香港人 定係新香港人
好似你話齋，車咗落嚟
只要係喺呢度工作，呢度租住，就屬於呢度本地嘅人口
咁你話佢搶咗你份工 問題依家中位數仲未跌，如果跌咗嘅話你嘅說話先會成立
認真問點睇2047 有人話大限有人話唔驚 冇立場純發問
我試吓解答
首先地契應該會續期
第二就係好大機會冇咗證件關口，但係過關手續依然存在，因為港幣同人民幣兩者一定要存在 檢查行李及現金資金流動到時都會需要。
但係物業市場應該會形成類似北京嘅五環地段，由港幣外匯國際融資中心港島兩岸開始計 第一環
九龍
北部都會
南山區深圳灣
跟住先到福田羅湖
我哋可以用南山區今日平均$160,000一平方米（當$15k一尺）去跟住用每年2%通脹貨幣貶值去計算2047年嘅北部都會樓價值。
2026年3月，深圳南山區平均樓價為全深圳最高，二手房均價約為每平方米 9.3萬-9.5萬元人民幣
福田區 (均價約7.0-9.1萬/m²)
寶安區 (均價約5.1-5.8萬/m²)
羅湖區 (均價約4.8-8.0萬/m²)
鹽田區 (均價約4.0萬/m²)
龍崗區 (均價約3.6-3.7萬/m²)
坪山區 (均價約2.7-3.8萬/m²)
爸爸媽媽已經買咗樓、又無兄弟姊妹同我爭、買多間樓嚟擺？嚟收租？收租個回報有幾多？
主要係通脹問題，2026既2萬蚊同2016既2萬數已經差好遠
冇自己屋企/家庭冇位置俾自己返去而要租樓，呢種情況最理想係咪搵個伴侶大家分擔下嚟供最好？
講到個市好似好好咁 出面大把人比人炒 數據畢竟只係數據 面對現實吧 要供樓已經大壓力 仲要供供下失業…好多人買樓都係買到岩岩好過到壓測 會十分痛苦