📌 與其話買不起其實係唔
共 49 條紀錄
與其話買不起其實係唔想買，年輕人買樓嘅心態同埋責任已經交返俾父母，未必買到樓嘅，亦都可能接受到返大灣區居住，亦都可能等待公屋。
已經唔同以前，不接受買樓影響生活質素
當然唔代表樓市冇支撐點，而家樓市國內客話事，租金助攻
一個後生仔無屋企back up，千辛萬苦儲到七位數，寧願比首期繼續捱定係去富途或者幣圈搏？主要係樓市無財富效應
買樓同結婚生仔掛勾，如果呢兩個rate跌，當然一齊跌。
另外而家生活係多左選擇，同一舊錢，我退休住大陸、泰國、馬拉。 靜番舊錢買個高端醫療保。
肯定比買樓有保障。
現實，現在樓市嘅支撐位，國內買家同租金，當然不確定性都會增加
有日同個由細識到大嘅朋友食飯吹水，講到樓，個朋友講咗句，自己唔搬喇，遲啲睇吓有冇嘢啱，買返兩層俾仔女。 我即刻覺得自己已經好老 😆 其實香港經濟發展到今日，已經好成熟，好多人儲落好多錢樓都買埋俾啲仔女，啲仔女使乜努力
以前可以唔用腦夠首期就買因為一定賺
而家買完分分鐘會跌仲要個幅度連埋mortgage可以幾十萬咁上上落落
我要承受呢個風險咁不如去炒 crypto…
認同！以前買樓係投資工具，驚上唔切車
依家賺錢方法多咗，買唔買樓真係好睇「剛性需求」。
二人世界嗰陣，住細啲平啲唔緊要，最緊要可以去旅行
但好多人有咗小朋友之後，發現租樓住嘅開支未必比買樓少。
要顧及校網、要有工人房
一間位置好少少嘅三房連套
租金閒閒地三萬幾起跳
計落條數同供樓差唔多
仲要忍受成日搬屋嘅煩惱
最終好多人都係無奈地「租轉買」。
去到呢啲時候
買樓就變得好現實，一定要計準條數
始終講緊供30年
與其自己盲中中研究，不如交俾我哋專業團隊
幫你比較全港銀行按揭Plan、查足估價、攞盡優惠
決定上車前，歡迎隨時搵我哋免費傾傾幫你計計數先～
真係睇到唔同時代諗法唔同
以前會覺得有個安樂窩就好足夠
依家一講親買樓就話拎供樓錢每個月買股係一定必賺既，亦可以好叻咁另外搵到筆錢黎交租
有人覺得比業主加租迫走搬屋好煩，亦有人覺得唔同地方住下冇咁悶，冇對錯既，就係有唔同人既諗法先平衡到市場
係，市場唔同以前就搏命買買得就買搞掂個被動收入
而家變數多，就用咗先算
當然股票同埋虛擬貨幣，總有大部份人會輸錢，租咗樓交咗租租金就等於洗咗，往後凝聚財富嘅能力將會繼續減弱
我儲到錢都去日本買樓啦，香港乜都貴，唔想退休仲俾地產商收割
有能力買樓嘅後生 一係移 一係醒咗躺平夠用就得心態
大陸樓冇2手市場,1手買反黎預左自住,預期冇得炒班大陸人咪黎香港買囉.大陸所謂放鬆其實係唧牙膏,反而香港不斷秒速減息原因得1個,幾十年經濟一直靠地產,全球唯一
香港人今時不同往日了
香港同大陸融合得咁快令我好質疑十年後d物價仲係咪而家咁貴，到時融合完變左大陸價我仲揹緊幾百萬mortgage咪食得屎
又唔太擔心，因為深圳樓價絕對唔平，香港仲有租金頂住，反而係諗樓價有冇一個好大升幅
當然擔心嘅係收入會唔會下降
唔止唔生仔 直頭連結婚都冇興趣
遇到合適嘅 租個地方同居
分手就算數
所以而家本土香港人係更加只想躺平，唔想玩樓市呢個遊戲
都好明白嘅，鍾意嘅樓心態我都開始有啲改變，年紀唔同，唔想孭一筆足夠生活的供款，寧願唔特意去改善自己香港嘅居住環境
特別係睇住樓價係都跌唔落去，跌咗一小截就開始有內地客嚟托市，咁仲同你玩樓市嚟托咩？自住都死啦。一係就焗住買舊樓，但筆錢都唔少㗎
現實，過關去到中山珠海可以買大好多
而家香港樓真係For國內嘅朋友
月入中位數兩萬，扣除房租和各種開支只剩五千，買400萬樓要儲50幾萬先，大约儲九年，好多人是買不起，又怕失業供唔起。
我有錢都拎去買美股/ETF 啦，買磚頭有幾多回報呀？仲有好多人個眼界闊左，根本都唔會plan 香港係退休地方，歐洲/澳洲甚至近近地東南亞大把可以選擇
最緊要係- 錢/Cash/流動資產（唔一定係磚頭，仲要大維修果隻）
接受到香港返工大陸住，上去租平好多。但如果工作位置唔近關口，上去租真係玩自己
係呀，即係深圳返工既人，都唔會貪租平去到東莞租樓咁，因為件事係唔work
貴就一件事啦，返放工坐車時間就係另一件事，返放工時間長，我覺得好似日日加班咁，感覺蝕左
唔係買唔起，只係覺得住屋呢d開支唔應該由的承受。我賺錢，我享受，點解要我俾
個價合理我會買，而家禁離地就唔買，同屋企人住都差唔多，必買既理由。
氣氛唔同，當大家冇咁着意，一定要買樓自然諗法都唔同
作為一個年輕人根本完全唔夠膽諗買樓，好難想像，而家我住緊嘅又尖旺舊樓得嗰鬼咁細都要100萬，淨係買間咁細嘅屋都唔知要儲幾耐，仲要隔幾年就要俾人圍標，劏一次大肥豬。