舊年《觸電》係靠口碑由CUT場到加返場咁打返上嚟
我希望今年《電競女孩》都係咁
但同樣講電競，電競女孩係故事上差好多，前設build up又唔夠好，角色單調，有個仲講D唔講D（唔想歸家果個）
五個女孩磨合又無乜火花，但又要無啦啦安排袁禮淋玩突出而炒禍件事，完全唔同風格咁
劇本砂石好多係事實，但係特效場景、服裝、音樂都已經係低budget之下極之出色，我覺得係值得起碼多返啲場次嘅
（同埋真係有人同我講，佢覺得電競女孩好睇過觸電）
都係，Ansonbean有係電影上映後夥拍其他角色，拍左幾條好華麗嘅動作video放上ig
其實我一早都係咁諗，我就係觸電未正式上映之前，第一次睇林敏聰優先場。套戲首日票房得5萬，咁主角之一呀Will係ig告急、導演又落力係Threads宣傳（主角Ansonbean仲走訪好多好謝票場添）。之後漸漸多人留意&share,睇住大家一齊入場撐套戲（咁真係好戲丫嘛），從cut緊場既情況下，戲院加返場。同大家一齊打呢場仗嘅過程好熱血，真係唔可以未打先認輸。我總共少少地，入場支持左10次觸電！（有fans支持左30場）。
咁我初初見電競女孩都少人見到（宣傳唔太夠），明明呢套雖然係電競比賽嘅電影，睇落好賞心悅目，淨係音樂、視頻特效cg 令到香港街道變成cyberpunk city已經值得大讚，我心諗各方面都可以同觸電咁様平分秋色咁出色。劇情方面可能未咁緊湊，但細心留意既話，其實帶出好多正面訊息，堅持追夢等等（其他網友詳細分享左好多啦）。咁我就直接同導演講睇吓有d乜嘢做可以幫手、都有鼓勵吓導演，我呢個小小fans再出埋力、$（略盡綿力）. 越嚟越多人支持呢套戲，幫手&分享，其實我都幾感動，無論最後結果點都好，大家一齊為套戲𡚒鬥，以後回顧返，應該心感恩惠。未到最後都唔好認輸
希望繼續支持呢套戲
淨係講觸電
觸電真係靠入場觀眾嘅口碑(threads讚)打返上去
仲有ansonbean嘅ig reels
呢套真係值得大家睇
如果第時上串流平台同出碟，真係要睇多次
仲有其實fans都前排都仲有搞戲院包場同新應援物，真係要有幾欣賞套戲先會咁supportive，佢地都好犀利
觸電用左1200萬。電競女孩500萬。但電競女孩既視覺效果真係太出色，一D都唔會輸比荷里活電影，我話既。
簡直係用蔗渣嘅價錢，拍出燒鵝味道嘅電影。值得多啲人看見。
真係欣賞係香港咁有heart既新導演。
兩套睇晒
觸電真係好好太多😢
幾多討論幾多noise都救唔返電競女孩
觸電係古生嘅？計埋宣傳應該洗咗1500-1800萬，完全冇得比較。