📌 萬能嘅threads
共 56 條紀錄
萬能嘅threads
請問有冇喺calgary嘅人認識或者可以介紹當地律師
是咁的
我有個大陸friend係直播主
佢有一位金主
上年啱啱攞到楓葉卡 人喺calgary
前後喺直播間課咗接近60萬人民幣
所以私底下攞到我朋友contact
積極表現想追佢
但佢對我朋友佔有慾好強
唔希望佢繼續直播接其他金主單
咁啱佢都想休息 所以停過一排
上年佢拍咗拖
希望同呢個金主斷絕來往
對方開始不依不饒
電話同訊息騷擾
我朋友先得知佢課金嘅錢
係同公司老細同大老細借
如果唔係為咗打榜唔會借咁多錢
所以要我朋友同佢一齊
最近我朋友開始做返直播
佢騷擾行為越演越烈
先係威脅我朋友轉帳兩萬蚊畀佢
話轉兩萬畀佢就唔再聯絡
我朋友過完數佢依然冇停過騷擾行為
半夜叫美團外賣去我朋友屋企
甚至搵到我朋友媽咪電話
大陸派出所嗰邊嘅講法係跨國佢哋冇得搞
只可以民事
我哋上網睇過加拿大嗰邊應該係有相關嘅法規
所以想問下有冇人喺當地可以幫手提供意見🧎🏿♂️🙏🏿
想搵律師做諮詢
所有證據都有留底
我朋友本身係個fanbase頗大嘅PUBG直播主
一直都係唔出樣直播
最高峰單日流水都去到幾十萬（扣起平台傭金
好似呢啲課得多金嘅大哥通常都會私下加contact接陪打單
好多人覺得佢係直播主 一定係搵金主爸爸
我都預咗幫佢post上嚟問實有人講難聽說話
我用金主呢個term可能都帶有歧義
但係喺我眼中
課金畀直播主同課金追星本質上係一樣
私聯呢樣嘢
追奀星/去簽售去得勤都會有機會攞到contact㗎
但對方因為得唔到自己想要嘅回應去威脅/開盒
就係私生飯行為
我交代咁多唔係要力證我朋友係一個完美受害人
就算佢處理唔得體
但對方嘅行為就係有問題
佢而家已經夠煩
希望大家可以口下留情
又唔算係嘅
除咗接佢嘅打機單之外
其他都係佢自願課金
應該用果2萬蚊搬屋轉電話
好多時唔係人點樣搵到你
係你自己暴露左平時太多行縱
開盒喺大陸真係唔係咩難事
所以我friend先想問有辦法可以警告下佢
隔岸應該做唔到d 咩 除非你朋友有人脈可以幫佢搞掂 正常途徑應該冇用
你朋友直播時收到的打賞（即以所謂「課金」形式收到款項）包括那600,000 人民幣，有在AB和federal 報稅的吧？
我以為這是常識：
"A Canadian tax resident is an individual with significant residential ties to Canada—such as a home, spouse, or dependents—or who stays for 183+ days in a year. Tax residents report worldwide income to the Canada Revenue Agency (CRA), regardless of citizenship."
你朋友攞完人錢少少甜頭都唔俾人，有腦諗吓都知，做人有冇咁著數呀？
我知好多人對直播主呢個職業有有色眼鏡
但唔係因為我朋友唔係一個完美受害人
就代表佢要畀人騷擾㗎嘛
佢本身係一個唔露樣嘅打機直播主
除咗接代打/陪打單
其他所有錢對方都係經平台打賞
我課金追星
就一定代表對方要畀啲咩著數我㗎咩
如果係咁權志龍爭我一隻結婚戒指
呢個人嘅行為完全係私生飯咁樣
咁人哋要求你朋友停咗主播工作，你朋友又停？
你朋友會唔會同人哋中間講過啲乜嘢係令人誤會而冇同你講呀？
我睇cap圖當然唔係好完整
唔肯定中間係咪有咩溝通誤會
但係就算有都好
我都係嗰句
對方嘅行為已經係喺犯法嘅邊緣
我唔需要證明我朋友係完美受害者
跨國邊個得閒理你 差佬最多咪幫你立案 加拿大半個法外之地咁 你呢d case 搵律師都係晒錢
如果錢唔係問題嘅話
佢可以搵Big7頂級律師行+僱傭私家偵探去解決
請律師向卡加利警方報警，對事主發出律師警告信+請私家偵探再去蒐集對方騷擾嘅證據，再向Alberta省級政府提出人身保護令，如果件事上到刑事角度嘅話，就可以威脅佢再唔收手，就有機會影響到佢PR嘅身份
加上佢勒索$20000 其實已經犯咗刑事罪 好有可能取消佢嘅PR身份並且遣返
跟你建議已經搵到calgary嘅律師諮詢緊🧎🏿♂️🙏🏿
條友都唔係同一個地方，都轉帳畀佢？？跨國嘅睬佢都傻，封鎖咪完事咯
block極都仲係換個方法嚟騷擾佢
唔通要搬埋屋咩
點解你朋友地址、家人電話會流出？
至於騷擾家人朋友，都係個句，封鎖就完事，見一次封鎖一次
利申：被騷擾經驗我都經歷唔少
呢個就係問題
不過講真大陸乜鬼都實名又有ip
要開盒唔難
睇大陸追星私生飯咁氾濫就知
搵快錢個時咁開心無諗過有代價，榜一大哥啲啲野講左咁多年你個fd仲要鋌而走險搵啲啲錢，cap成60萬水好心就咪再浦頭消聲匿跡啦
我朋友以前有簽mcn嘅時候
以佢嘅流量絕對唔係快錢
課金課得多嘅都唔止呢一個
只係佢特別癲啫
🤣又要一路收人著數受人溝無拒絕人，收齊60粒之後無價值再R就厭人煩
我係佢就還返60粒俾人當無數算啦🫨
我朋友人喺大陸
全部都係合法收入有報稅
就算要還 中間平台有抽傭 都唔係去到60
有曬證據
啲人睇post 錯曬重點，po 主fd 喺大陸，金主喺calgary喎，其實你個fd應該搵大陸律師，睇下有無得告佢勒索/騷擾（轉過兩萬比金主） whatsoever 啦，除非金主呢世都唔返大陸嫁姐，大陸警察做唔做野好睇你點樣報案，律師會教你講
正解
已經搵咗大陸律師
派出所嗰邊話冇辦法搞係因為淨係控告滋擾
只要對方唔返大陸 就吹佢唔脹
加拿大報警我有經驗🚔
叫你朋友留底所有證
Messages 騷擾、電話騷擾嘅證據都留底
再用啲時間整理一份 timeline of harassment
條友搵到你朋友住址同屋企人電話已經算係 Criminal Harassment
係好嚴重嘅問題
報完警，警察應該會當日拉人
如果警察之後正式起訴佢
你朋友都會收到信
信入面都有法律支援嘅資料
想了解多啲再PM問我
多謝你
我哋已經搵咗律師幫手
而家將啲證據整理緊做英文版
等CRA做嘢。瞞稅應該只係罰錢唔使坐監?如果要坐監你朋友起碼好安全唔會受騷擾
我朋友人喺大陸
係對方喺加拿大
我朋友所有收入都有跟大陸規矩報稅 係正當收入
換電話、搬地址、搬去第二個省。
做完這些後，同他的公司的HR、主管說關於那些錢銀問題.. 希望不要被騷擾… 
就咁聽呢件事，搞大佢
中國派出所唔會理，加拿大警察都唔會插手
但會引到稅局
搬屋搬省轉電話轉行啦
我朋友喺大陸
大陸唔係唔受理
只係對方喺加拿大 可以做到嘅嘢實際上唔多
你朋友即是你😝，搬屋換號碼都唔識，之後再騷擾 ，搵專責網紅管理公司切斷網上欺凌。
邊個網紅冇被騷擾？ 除非你 朋友 想繼續對方打賞
我都想我朋友即是我
佢一個月搵嘅錢都唔止呢條友課嘅金
我朋友已經冇再簽mcn
其中一個最頭痛嘅點係大陸開盒太容易
搬屋都唔係一定安全
條友仲要喺加拿大
所以先想搵個方法治一治條友
搬走唯一出路 呢邊告佢都無用 1來成本高 2來唔係加拿大犯法唔會理
問咗律師
敲詐勒索呢單嘢應該成事
只係受害者唔係加拿大户籍
故事似層相識
新聞：榜一大哥貸款刷榜，壓榨不成痛下殺手
我覺得你可能請教一啲有遇過法律問題嘅vtuber (我剩係知 dokibird) 去搵至少熟直播生態嘅律師？🤔