落街買嘢都會成日見到啲店員，通常都係比完錢就走，冇任何交流，試過有店員問我今日唔買糖水呀😂？另一間問我復活節唔去旅行呀😂？我心諗唔好以為人哋唔認得你，其實佢哋係認得只不過冇出聲啫😂，大家有冇遇到？

認人是前線員工日常同基本生存條件，資深員工係一定點都會記得人...

我做兼職收銀，每個鐘頭大概服務100人次
一日幾百個
雖然大多數係熟客。
但係除非有啲特別好，有啲特別差，先會有印象
而且我做咗差唔多五個月啦，先開始記得啲人
但係有啲重要係一嚟到乜都唔講，就話我日日都嚟㗎啦，日日都係食嗰啲㗎。
然後我就在心入邊詛咒佢，真係以為你係咩大人物我一定要記住你嘅。仲要記得你食乜嘢飲乜嘢？

因為佢覺得佢日日都嚟你就一定要記得佢嘅所有，我唸佢個人應該都衰衰地，應該係阿叔?

系～
所以佢成功左，我記住佢了

😂

我做零售，大部份一星期落嚟兩三次嘅起碼都記得都認得，除非你生得好大眾化😂

😂

仲有嗰啲人嘅聲線比較特別都會認得出😂例如男人雞仔聲，或者可能比較有滲透力😂

每一個客都有佢特質😂

其實我好怕同店員太多交流
一兩次ok
但如果變熟客feel我會好唔自在

係呀，有時路過見到面會打招呼🙋🏻‍♀️😂

你好