📌 虛心請教各位高級大人
共 71 條紀錄
虛心請教各位高級大人意見🙏🙏🙏
宜家啲新聞鋪天蓋地講樓市升升升，父母係咁催我買，話幫我俾首期，感激佢地幫忙，但宜家個環境好混亂睇唔透，始終落唔到決心去買。我唔係咩有錢人，容錯率低，一供就係30年，做錯決定好大鑊😣但日日俾父母chur去買樓真係好辛苦😣
父母幫忙首期$200萬，我自己一直睇緊$600萬左右樓齡20年嘅屋苑，月入45k
留意返，樓下好多comments 都提到： 買樓供完係先自己，租樓係洗左出去既錢。地產佬同呢句話哄左好多老一輩，老一輩又好鐘意用同一句去說後生既。
但如果你買完係自己住，咁呢個慨念就唔會成立。 呢筆買樓供樓既錢一樣都係純住屋支出，只不過係形式上唔同左。並唔會話供樓係自己袋錢入自己袋咁著數。
一定有人話買樓可以賣，ok咁賣完你唔洗住？如果想用賣樓既收益唯持原有居住品質（同樣地點同樣lv既質素），一樣要按返行情比返呢舊錢出去。 最終個net依然會係expenses。
我簡單啲咁舉個例，假設你而家$100萬fullpay買左層港島新樓，三年後升左一倍，你賣晒左自己層樓，收左$200萬。 帳面上係賺左一倍。但係如果你賣完樓之後係香港仲有住屋需求，而你又想有返之前既living quality唔降grade，咁你一樣要捱返樓價升完既行情去同人買返。 最終你最開頭買樓果$100萬都係洗左出去settle唔到。
少少意見：
1. 目前距離樓市高位2022年仲有段距離，香港整體經濟都係上升中，更多外企回流，金融業欣欣向榮，大部份投資者趁機出手，樓市全年嘅趨勢都係預測向上升。
2. 目前息口低 + 美國伊朗有望停戰，低息環境供樓會更輕鬆。通常減息周期都為期三至五年。美國都係舊年先開始減息，所以至少你啱啱上車呢段時間利息都係偏低。
3. 香港租金指數上升，比起樓市升得仲快。如果你唔係同屋企人住，你淨係俾租金都供到你嗌救命。租樓係消費，係幫其他業主供樓；買樓，始終係你自己嘅資產。
未來經濟嘅走勢冇人可以100%預測，但如果極多資深投資者，連發展商自己依家都出嚟積極投地皮，目前去買樓都係個好選擇。
記得留多啲buffer俾自己，除咗首期之外，要預埋一至兩年供樓嘅費用，你個行業唔係咁輕易俾AI取代到嘅話，我覺得都值得入市
過來人話你聽，老閪都買！
唔啱住就賣左佢或者出租囉
我就係2012年信錯班公屋無能淡友
賣左層自住樓落錯車
之後係出面租左十幾年樓！越搬越貴 越搬越細
上年先有能力上番車
如果果時無賣 我隨時供滿啦！仲洗交租幫人供樓
你唔供樓第時都要畀租金，除非你一世同父母住。而且供啲錢都係比自己，租金畀人哋冇得返轉頭。
有人俾首期，供樓就唔算太難
有人幫，冇理由唔接受嘅
讀過經濟的話，認識politics的話，應該知道⋯新聞講聲=鼓勵大家買。鼓勵背後的用意，就不一定啦。（我自己唔care ed新聞，只在乎自己需求，唔好比人帶走你自己的pace）
就算你自己分析長期看覺得會不會繼續升都無所謂，因為最重要係你自己負擔得起嗎，你自己舒服嗎？你想要嗎？不要人云亦云。
幫你比首期不如比你存定期好過啦。
怕咩？有咩事供唔起咪放租囉，租金夠頂啦，個個都話樓市跌輸好多，股市跌夠會死人啦，又係大把人玩，仲要冇得放租添，有人幫都唔買，買唔起先會同自己講怕做錯決定
本身屋企居住免費
如果買600萬樓 借四百萬
按揭利息一萬一個月
管理費差餉地租大約三千
水電煤寬頻維修費等等
每月萬五以上消費 一年消費18萬
供款每月萬八左右
總開支 每個月兩萬幾
超過一半人工
另外 要預留二十萬手續費 十至幾十萬裝修費
另外父母本身大把錢還是只有二百萬養老
呢個啱
買樓唔可以只睇月供
如果搬出去住好多雜費要俾
到時46k本來好多錢 得閒可以去旅行 日日一杯啡 食餐好 變成咩都要慳
如果父母無醫療保險
萬一有事無現金流或者儲蓄都係難搞
呢個世界永遠都咁混亂 你永遠亦唔會睇得透
呢啲只係唔敢踏出第一步的藉口
上一代人買樓邊會諗到咁遠 要住 供得起就買
你問特朗普佢都唔知下年會發生乜事 仲要諗30年
父母俾首期,咁睇下可以俾到幾多。唔好心頭咁高,隨時早人幾年財務自由。
例如佢哋俾到二百萬,你搵間四百萬左右,咁借二百萬左右,月供都只係一萬內。而且買咗樓又無話一定要你搬出去住,出租的話就cover晒個按揭添。
比個tips你, 一般只供6年左右, 唔應該供足一世呢! 之後轉大, 轉小, 套現投資其他......loop loop loop.
咁如果係咁，第一層係咪應該有咁平買得咁平，重點係盡快供完
買4球樓他們比2球。剩2球。月供大約是萬3蚊。租出去。基本上你只係比差餉管理費。舊樓就以荃灣中心計4球可以買賣租大約可以買到受歡迎400幾呎樓同時很容易租萬幾蚊。唔好買山卡拉地方新樓。要買有校網易租出去
我買左居屋，但未來唔睇好樓市，自住Ok，但唔好當投資工具，股票你可以一股股買，但樓你冇得買3份1層樓，風險比較高
買到居屋好呀可以easy mode👍🏻合乎申請資格，其實居屋係最實際嘅自住選擇👍🏻
請問你係買二手居屋嗎？
居屋比起私樓難賣返出去
你可以留意下居屋屋苑嘅賣盤同成交量
供得起建議買，但建議月供只可以佔人工四成最多，同埋買返啲成交量高嘅屋苑，如果有咩事要套現比較容易
做過一細份樓價研究
其實樓價好難用一般既分析方法做
如果你單用基本分析角度 地産佬花十年去庫存
30年框架等普通人可支配收入回升樓價就會上番去
因爲已經唔係封閉系統 有同城化同人民幣既因素
納入中国因素就判斷難度就高左好多
但整体認知係中国城投債推死香港樓市既機會唔細
香港自己都會進入衰退期
所以我地呢代其實最需要係流動性
俾我就唔會買
岩 諗清楚先 我有朋友當年樓市好熾熱果陣入手 諗住都唔會跌 點知就跌左四成
又或者咁講 唔好因為父母催你就去落決定 你自己諗清楚承唔承擔到風險先
如果你30歲，又俾到4、5成首期揀到新樓可以諗吓，唔係嘅話之後壓力好大
我哋都係租左6年樓左右，最後都係決定買樓！買左真係無咩跌，唸住當儲下錢囉，第時老左再決定走去邊度住，定係換間細屋係香港，未決定！
港樓回報得2-3厘,點解唔將啲錢買收息股/ETF去Cover租金支出。用幾百萬住價值千萬既樓。最緊要係個cash flow,供樓供到俾人鏈住春袋,持續幾廿年,真係好咩？
月入45K，應該有足夠分析力。最緊要配合自己需要，每個人手上嘅牌都唔同，網友講嘅嘢未必適用你！
得一個人兼無住屋需要不建議供
除非你一個人搵十萬左右，唔係將來兩個人一齊做按揭選擇多好多
你而家唔買，到時升到買唔起，你一樣都叫做錯決定
相反買左跌既話，如果你份工穩定又供得起，又唔會因為帳面跌咗就抑鬱嘅話，咁咪買囉
其實當你借300 粒 供樓利息每月7000，你300粒首期每月定期利息約6000 ， 圍返13000 加少少夠你租樓🤣
唔好俾其他人左右自己
包括家人
真係要買嘅話建議個單位係預左自住同埋住10年20年你都唔會後悔先買
一旦開始供樓 經濟壓力會好大
其他plan例如裸辭 讀書乜乜都無曬選擇
同埋到你有一日真係想買樓 有睇中嘅其他單位 你就會俾現時供緊嘅樓綁住
利申: 過來人
如你計完數，真係要供 30年至供完，自住都唔建議買。
有人話睇見經濟好至買/唔買，我自己唔係睇咁 2元的Either Or Scenario。 我其實都中線唔睇好經濟，但香港租金一定同經濟唔太直接關係，向無強租管法下，呢個只要人口（包括非長居但要住的學生）唔大量減 的前題下，樓價同租要跌的路會好遠。加埋有Inflation，要見大跌要睇長好多，但Projection一去太長線就好多不可預知的變化。
未來5-8 年有好多經濟轉變，要Plan自己的Financial Commitment唔好多過 8-10 年。住始終要，但如你可同父母住就無急切需要，儲多陣錢先。我自己買都係計過 5-8 年內可供斷至買的。
正正係因我Foresee經濟 5-8年後會有大轉變（今天見的只係開始同細型），我想準備好佢變時我自己的每月必要開支會細些。
其實一日唔死都係要住，係一供供30年，但你可以提早還款，亦可以未供完就賣樓，與其恐懼咁多未知，不如好好地諗下長遠嘅住屋需要，供樓當儲錢，租樓交左租就乜都冇，層樓點跌都仲叫係資產，起碼可以繼續住，有屋企人幫首期已經好好，之後30年你供樓當交租囉。
係唔係都買咗先。未住就放租出去。
最緊要選擇啱，防守力強嘅地方。
200萬首期改買美債30年期每年利息有10萬大概5厘，夠晒津貼你租樓，或者留俾父母去個長旅遊
租樓或自住回報約2厘
除非你非常睇好後市，份工超級穩陣，如果失業都可以維持生活兩年先買
肯比首期？一係問下睇下佢地，睇肯唔肯比80%-90%首期😎買間一千萬都係供一百萬左右30年okla
做乜工，有冇危機？會唔會被AI 取代？個人個性人生目標結婚生仔？⋯⋯
工作穩定半公營機構，個性冇咩野心，結婚但不打算生仔🫠
我諗地點好緊要
計岩條數上到車就上左先 長遠黎講租金係一定會升 供唔掂就租出去都有著數
我自住都係買同父母同區，新界西，但唔係元天屯🫠
宜家睇緊嘅屋苑樓齡20年成交價6xx 左右
首先要睇下自己份工夠唔夠穩定，之後就係搵一個真係合適自己嘅單位買，唔好因為俾人催搞到為買而買。
買樓嘅時間最緊要， 2000年至到2014年 買都幾好依家就 有啲不明朗因素， 可以參考返陸東最近嘅interview所講 中港融合香港唔值咁多錢。 我當咗香港係一個政治市， 政治上無提供一個政治穩定嘅環境比香港市民 我就唔會買。 如果手上有一大夠錢係有好多投資嘅用途， 如果比較到就知道買褸係排第三四左右。
升又唔敢買，跌又唔想買，都係每個月交租安全，但只能交到65歲，之後冇業主租俾你
如果你好後生，冇話咩容唔容錯率好低。樓市係講周期，最熊嘅1997-2003，樓價跌7成，之後升足20年咁滯，升穿埋97年嘅高位。樓市上升周期往往比下跌周期為長，而家樓市已升跌左3-4年，跌幅有2成，買樓怕咩？
唔駛首期 搵45k供應該萬幾蚊？咁都唔夠膽？除非冇住宿需求 同屋企人住緊啫
當個樓市升升升嘅時候先至買樓就祝你好運😉利申：本人上年六月買咗人生第一間物業