見到有健身教練出咗條片話大重量訓練會增加好多fat，睇完嚇一嚇😂😂。成條片充滿錯誤，相信所有make sense嘅教練睇完都一額汗😂。

呢篇文主要係想糾正錯誤觀念，非引戰，等大眾可以分辨到網絡世界嘅marketing陷阱：

迷思❶：大重量訓練會增加好多 Fat（脂肪）？

呢句嘢係反科學😂，脂肪增加嘅唯一原因係「熱量盈餘（Caloric Surplus）」，而非重量訓練，簡單啲講姐係食多過身體所需。

而相反，大重量訓練（多關節複合動作）可以顯著提高基礎代謝率（BMR）同運動後過耗氧量（EPOC），係燃脂最高效嘅方式之一！

（BMR為我哋乜都唔做/唔郁，身體為咗「維持生命」（心跳、呼吸、大腦運作、維持體溫等）必須消耗嘅……

最低熱量；EPOC即係after burn，運動後燃燒額外卡路里。）

呢種立論除傳播錯誤資訊，亦製造恐懼（fear mongering），誤導人恐懼重量訓練🫩，做gym係唔會變肥！

迷思②：大重量訓練會練到好大隻/肌肉一舊舊？

女仔天生雄性激素水平低過男性，要練出所謂「一舊舊」嘅效果係 極 其 困 難！

呢種講法只係加深緊「重訓會變大隻」嘅刻板印象（你估咁易咩？！），「線條感」本身就係「適當肌肉量 + 低體脂」嘅表現，所以如果準新娘們想要「緊緻」嘅shoulder/背/手線條，反而係需要透過足夠強度嘅重量訓練嚟達成。

迷思❸：鎖骨有得練，可以局部減脂？

「局部減脂（Spot Reduction）」係健身界別經典嘅謊言LOL。

• 副乳：大部分係脂肪堆積或乳腺組織。運動可以加強胸肌、改善圓肩，令副乳位置睇落更平整，但「減少」副乳脂肪必須透過全身減脂/抽脂。

• 鎖骨：鎖骨係骨頭😂，骨頭嘅明顯程度取決於「體脂率」同「肩胛骨嘅排列」，即係基因決定你個鎖骨明唔明顯，唔存在「重塑」骨頭嘅方法。

做教練係唔應該承諾學生可以消除特定部位嘅…….

脂肪（同骨頭有得練😂😂😂），而係引導學生去學習正確嘅健身知識。

迷思④：12星期就可以變model身材？

每星期僅2個鐘（假設分兩堂，每堂一個鐘），對於一個需要「重塑體態、減少脂肪、改善姿勢」嘅系統嚟講，頻率偏低🙂‍↕️。

除非飲食控制極度嚴格（like 節食），否則單靠每星期兩個鐘運動，要喺12星期內達到「雜誌 Model般」嘅蛻變，係非常誇張嘅承諾。

呢種「低努力、高回報」嘅宣傳，大家覺唔覺好熟口面？地鐵、電視啲美容/瘦瘦針廣告咪都係同一套路？

結論：一切都係行銷手段。

製造同散播恐懼，傳播錯誤資訊，加劇容貌焦慮 —— 我認為唔係健身教練嘅職責。

都係個句，呢篇thread最主要想大家分清咩係真實，咩係marketing嘅陰謀🫶🏻。希望大家可以開心鍛鍊，擁有強壯嘅身體同心靈💖。

（附圖想話畀大家知，everything takes time，不論是想瘦身，定變大隻一舊舊，當中都要投以年計嘅時間，而我呢幾年都keep住有大重量訓練🦾。）

肌力訓練身體產生無氧糖解之後係會產生EPOC, 但係對減肥幫助其實不大，最大嘅作用都係喺返增肌然後令BMR升高 ,缺點係比較難去用fat oxidation 做主要嘅energy source。

有時intake大過output 因為心引又好因為出去交際場合飲多咗食多咗又好有時都無可避免

肌力訓練同埋帶氧運動就幫到你去將Excessive Calories變成脂肪嘅機會降低，優先變糖原儲入肌肉
1. 身體有一個機制叫（Supercompensation）： 當你跑完長途，肌肉糖原被耗盡，身體會產生「驚恐機制」，下次補給果陣會儲存比之前更多嘅糖原，防止再次斷糧。有效嘅帶氧運動可以增加糖原合成酶（Glycogen Synthase）嘅活性，將血糖轉化為糖原嘅速度變快。
2. 有效嘅肌力訓練可以將肌肉嘅size變大，即係可以儲嘅能量嘅potential變大(fuel rank變大）

所以最有效減肥訓練係interval training (VO2 max 同乳酸臨界值⬆️）+ zone 2 cardio (fat burning zone)，再加weight training

我都見有人講， 邊條片？
想睇下佢條片講咩😂

大重量會增加好多fat嘅原因，係單純冇進行飲控的藉口罷了😌

嗰條片真係笑死，但真係好多呢啲誤人子弟嘅所謂「教練」
多謝你講出問題所在同埋帶出正確資訊🫶🏻

🫡🫡

如果大重量訓練會增加好多fat嘅話，我希望我多啲Fat 🙂‍↕️🙂‍↕️

偏肥嘅女性朋友表示: 重訓會變肌肉婆, 長跑帶氧運動會受傷早死, 都係瞓喺屋企168斷食法, 8個鐘頭瘋狂食雪糕薯條零食飲廢水念力減肥法最好

大重量訓練並唔等於多關節複合動作🙇🏻‍♂️
多關節複合動作係指一個動作同時涉及兩個或以上關節嘅動作，而唔係用做幾重嘅重量去定義。你可以用多關節複合動作做輕重量，例如 15–20 下都完全冇問題。相反，就算係單關節孤立動作，例如槓鈴彎舉，你都可以用大重量做 1–5 下。所以多關節複合動作不一定是指大重量訓練

大重量訓練的確泛指compound movement
and佢條片入面係用RDL做例子
都係回應佢啫😌
篇幅有限解釋唔到咁多嘢

我一做完大重量就會狂食
四捨五入= 會增fat

Same here 😂😂😂

有冇一個可能，對方只係想搵個「藉口」（謬誤）去令一啲冇健身/營養知識嘅人，理解點解佢咁肥
利用資訊性誤差，去騙取客人
（嚴重嚟講都算詐騙）

大力一推，要比更多女仔睇到呢條threads！

🫶🏻🫶🏻

淨係聽過表層脂肪會變厚
做大重量應該同增肥無關，想知佢睇咗咩studies/research

游泳*

婚禮乜乜乜呀嘛！？佢癲㗎

呃神騙鬼

我有學習營養, 要做飲控相好容易
做運動我未搵到有咩樂趣經常做, 我唔夠肌肉

冇理由嘅 我越操越肥🥲

你要cut好易啦😏

大重量五大神技樣樣做一下遮