見好多牌子都開始出洗衣乾衣機
係咪真係可以乾到唔洗再晾衫
有冇人用緊可以介紹下邊部好用🧐

LG ….. 8/5 Thin Q
- 1/3 滿 100%乾透
- 1/2 滿 9x-100%乾透
- 2/3滿 90%左右乾透
- Full Load 5kg 衣物會有局部未乾透
- 一般混合洗半機～大半機衫冇問題

要視乎衣物有沒有足夠空間（舉例，衫很輕不吸水、不重但多到沒什麼空間）那就未必能乾透

牛仔褲能乾透

薄被袋、床單能乾透

乾衣時有噴水防「巢」，衫乾完不硬

LG thin q, 乾衣功能真係用過返唔到轉頭. 除咗返工衫，貴嘅衣物會用抽濕機抽乾，其他棉質嘅嘢會用乾衣機。係完全乾晒可以立即放入衣櫃櫃

一乾衣就縮水架喇

其實一般都會揀晾衫，因為好多質地嘅衫都容易縮水，但乾衣功能喺需要時就好好用，例如洗被袋、牀單呢啲

根據觀察，多數客係洗衣機換洗衣乾衣機

好少見洗衣乾衣壞左換淨洗衣機

而家香港咁嘅天氣晾都冇乜用，反而乾完暖笠笠！

我用緊panasonic, 用咗兩年了
對比起潮濕天啲衫晾極都唔乾，有乾衣真係好好
但一定唔可以貪快塞太多衫，
會乾唔透

你部機乾衣之後會唔會有陣好似夏天d狗無沖涼嘅異味？

我又唔覺得有異味🤔 不過我定期會用洗衣機清潔劑

要乾幾粒鐘 ， 等得嚟都瞓咗
除非晨咁早開機洗+乾 🫠🫠🫠🫠

智商税
洗衣8公斤，乾衣5公斤，洗完要分兩機乾
乾衣只乾到九成，每次乾衣要超過一粒鐘
仲要限制好多衣物質地吾乾得
不如用抽濕機算啦

我經朋友介紹啱啱買咗部西門子，可以乾完即刻收落衣櫃，不過洗乾一機衫要5個鐘，乾完啲衫會皺晒要熨

我用西門子，2kg內用快洗，15分鐘洗+45分鐘乾，出到黎效果好好

如果多衫唔想15分鐘快洗但又想快，你簡完程序仲加個quick wash制

用左Miele 十年，無壞過，貴係貴啲，但品質好，除不能乾衣的物料外，縮水機會係5%左右，真心推介，我已經不能缺少乾衣機。我係獨立乾衣機

最近了解完洗衣乾衣機，最後都係揀淨洗衣機
1. 本身都係室內晾衫+長開抽濕機
2. 8kg洗衣機，乾衣只可以5kg，厚同薄嘅衫要分開乾，有機會縮水
3. 乾衣要幾個鐘

係，如果有位都係分兩部

買咗無蝕抵呀，又唔阻地方，又唔貴，用嚟乾毛巾、底褲、床單呢啲粗嘢都好呀。
我用LG 阿娘用西門子，效果分別唔大，兩部都算靜，但LG 啲mode 啱用啲。

我依加都係15 16緊呢兩部

另外，Siemens 都多人揀，LG 就薄身，外型靚啲, 都有意見話佢易壞, 我用咗一年so far OK嘅. 你研究吓邊部啱用啲。乾衣通常會加柔順紙，啲衫會冇咁巢同實😘

用緊西門子幾好用，潮濕天氣、落雨就會烘乾啲衫。烘乾會巢少少同埋棉質會有點縮水。

有無人用過小米😂

D 衫晾住曬太陽才殺到菌
乾衣機都比不上的效果🤣

我淨係會用嚟乾床單、被鋪、毛巾，衫會照晾，開抽濕機，咁樣用咗十幾年🤡

西門子用咗好多年，2個鐘左右全乾，勁正

請問係西門子既咩型號？🙏

iq500

🙏🙏🙏

開始用洗衣乾衣真係好方便
但唔可以一次過set洗完直接乾
即要洗完，拎啲衫出後揚開再放入機乾，同埋唔可以太大機

LG ThinQ係唔錯，但你唔好期望洗一機乾足一機，太多衫焗埋有部分位唔乾再掛入衣櫃會勁臭，
最好每次洗+乾半機衫。
同埋棉質tee乾完都幾皺，建議買乾衣紙。

首先唔知d牌子會唔會差異好大
我個部就唔係完全乾透

我屋企一般都預時間"洗連乾"
過程4小時
之後都已經乾左8/9成
不過都仲有感覺到d濕氣
所以我地都會日日再晾衫
先至會完全乾透

請問你嗰部係邊個牌子？🙏🏻

好多衫都只係 max 30-40度。
頂唔順乾衣機嘅溫度 會縮水
其實用抽濕機目標 50%, 一晚就已經乾咗8成。

用 LG 5 年，用過翻唔到轉頭。。。試過中間短租一個月第二間屋，最感動嘅位系佢哋都用洗衣乾衣機 😆

睇咩質料啦，polyester/ cotton嗰類咪可以用，靚少少有羊毛成份嘅唔可以用乾衣機

一直用煤氣公司乾衣機，服無縮水，乾衫乾被都得

LG 洗+乾非常好

用緊西門子用咗2年
你要預咗啲衫乾得多會縮水
同埋洗連乾只可放半機衫
洗連乾要6個鐘左右
我通常會訓之前開機
第二朝就有洗乾淨同乾晒嘅衫
唔洗等啲衫晾乾真係好正
之前用金章
用咗2年就壞咗

用完乾衣啲衫縮水又皺 本身好多衫唔洗熨都要特登再熨仲曬左時間 之後我都係繼續晾衫

Miele

绝大部份新屋苑 標配西門子洗衣乾衣机, 好多業主表示多维修，而且每次檢查費$850 ，維修費另計

見你問緊洗衣乾衣機
我最近用緊P G嘅抗臭洗衣產品
洗得乾淨又唔易發霉真係幾正
不過我都想問下邊款乾衣機用得
同問有冇用過可以分享下

潮濕天/唔夠位曬衫時一定會用
上年第一次買，以後都喺繼續用同買

用咗乾衣返唔到轉頭，出街衫貴衫驚整皺影響質地可以唔乾照晾，但睡衣毛巾被單被袋之類，就算得一set有乾衣機之後可以實現即日再用

用緊LG 9洗5乾, 基本上放1套4件裝嘅雙人被袋床單係完全乾哂, 如果放4-5KG嘅衫洗+乾都乾到9成半, 放耐d仲會keep住轉防止皺. 而且LG仲可以連手機app有好多mode揀, 平時洗衫又靜又唔震, 幾好用~

如果要乾曬，用電，2in1, 要4個鍾！except 煤氣town gas 的乾衣機，1個鍾就得，但佢係分開另一部機，要有地方把

乾衣只會乾床單、毛巾、睡衣
岀街衫怕會縮又巢到癲咗

係，完全唔洗晾衫，乾床單同浴巾呢啲一流。
但衫會用返魔衣櫥乾，咁就唔傷衣物又唔皺，又唔需要拎衫出去乾洗

係可以乾晒嘅，不過時間會比淨乾衣機耐啲，同埋一機衫如果多就要分兩機乾。

我屋企用LG，只要唔好塞太滿係可以洗+乾唔需要晾。如果有機衫係打算連洗帶乾，大概塞5-6成滿就開機，因為洗同乾本身唔同kg。用過真係返唔到轉頭

Miele 洗加乾 1.75小時，放烘衣球可以全乾啲衫無咁巢

出街衫就用抽漏機抽

用緊 Siemens , 除非天氣乾爽，否則一定用乾衣功能去乾床單被鋪毛巾，抌埋張香味乾衣紙落去，乾完又鬆又香😗

用緊LG ,平時主要係洗床單、毛巾會乾埋，遇著香港啲回南天時，啲衫晾極都唔乾，就會乾埋衫，不過都係睇返標籤有啲唔乾得就用浴室寶乾衣。

洗衣乾衣機你預乾衣只係一半份量
例如洗6kg, 乾3kg, 可以全乾, 唔覺得啲衫殘得快咗, 但留意件衫個label件衫可唔可以乾

慳時間之選