見學校社工可唔可以信佢
同埋有冇用
如果佢知道我有情緒病會點做？
完全明明白你嘅擔心，尤其嗰個係學校環境，會驚講咗嘢之後有咩後果。
其實信任唔係0或100，你可以慢慢試。
一開始你可以揀啲比較輕ken嘅嘢講，睇下個社工點回應、會唔會尊重你、有冇真係聆聽你，定會否定或質疑你。
如果你感覺ok，先慢慢講多啲，你有權控制自己想分享幾多，唔需要一開始就全部咩都講晒出嚟。
如果佢知道你有情緒病，專業嘅社工會保密（除非你有即時危險）、評估你需要咩支援、可能轉介你去更專業嘅服務、同你一齊諗點樣應對。
我明白一定有聽過唔好嘅故事分享，而我都遇過好多學校社工都係真心關心學生，同有好專業嘅態度，但始終每個人都唔同，所以最重要係你自己慢慢感受，睇下呢個社工係咪值得信任。
另外呢，你願意去試，本身已經好有勇氣！
祝你早日搵到你要嘅輸出口。
應該看精神科醫生，食藥控制情緒，然後作心理輔導。
就如胃痛食胃藥一樣。
好睇你個情緒病既嚴重性
如果你有self harm 就一定會同家長老師講 走唔甩 同時都會更加重視你 eg.會揾cp , ep 畀你見
如果只係普通抑鬱情緒 就正常輔導進行
至於信唔信得過就好睇你個學校社工 我個社工我認為係信得過嘅 冇特別將我啲野爆畀屋企人同老師聽 不過都好睇每個社工既做法
祝你每日開心🫂
信任係雙方的
如果影響到自己生活 就一定要同身邊可以信任嘅人講
包括專業人士 喺學校可以同社工講
通常知道有咗情緒病 會做返最基本嘅assessment
如果係小學 就會開IEP會 搵EP/CP 陪去醫院複診等等

補充一點
千萬不要覺得自己有精神病 而覺得自己係冇得救 香港呢個環境 精神病其實好普遍 正視自己情況就可以💪
學校社工只會幫學校做嘢，有啲咩事推責任俾家長同學生，我身為家長只會睇事情發生，結果我小朋友轉咗學校，反而開心咗
先看家庭醫生，看看意見，然後才轉介精神科。
首先唔好被（精神科）三個字嚇怕自己，現今社會壓力大，小朋友如我的孫女七歲第一次小一考試已經有［鬼剃頭］出現，漸漸地我們陪伴分散佢注意力唔好睇重成績，跟她多些嬉笑。現在才小三年級，身為家長的我們察覺這情況，大家小心處理。
關於社工 ，可在交談論中看看可否啟發令你內心無咁擔怕，醫生才是診治根源的好幫手。
咁你都要見下佢先，你有唔開心嘅嘢就同佢講下囉，好過無人傾訴嘅可能佢可以俾多少少意見你。