📌 見有po講散水餅，我
共 61 條紀錄
見有po講散水餅，我上手個女仔，受盡old seafood排擠，做滿一年，出左bonus即刻resign，我同佢有10日交接期，last day係呢間野買散水餅，我記得買左六百幾蚊，三點零四點，我見佢不停叫同事食，男同事禮貌上都比面，但班女同事就無乜人去食，我就自己攞左一舊埋位食。
當時我覺得好慘，已經做得唔開心，重要求人食，我就一律唔派散水餅果種人，工作完左就完左，除非好friend，否則離開左就不相往來果種。
派乜撚野，放係度，出個email
食就食，唔食把撚就
要我一個個問，我一定成份車落佢塊面度
我係用交情嚟分派咩餅，仆街嗰啲我試過拎住罐嘉頓雜餅埋去佢個位，同佢講你嘅人格值得你食幾塊嘉頓雜餅
以前做過一間公司 全女班 我新入職就已經被1.2個人帶風向bully我 為左以後路好行 專登去買左d 高級cake 居然幾盒 原封不動 我全部自己拿返走 自此之後 就係辭職喇
女人environment真係好恐怖 集是非 妒忌 於一身 就不能好好做野
呢個女仔有量度、胸襟，必成大器。
小人永遠是小人，唔係同一個高度，何需再提起？
同意呀！做人要有氣度！全間公司唔會個個都係衰人,做自己就得喇
我都做過一間唔係好開心，嘗試融入搵吓話題同人傾，但人哋就係唔鍾意你唔so你🤡
結果我last day喺附近fine foods買盒蝴蝶酥放喺公家位，你食就食唔食罷就
題外話：而家嗰間公司勁霉生意嚴重萎縮，唔知嗰班人仲健唔健在
點可能，佢搵工，新公司要reference check, hr都寫衰佢
咁佢請HR請得啦 洗乜請其他人
同埋唔係所有公司都會問過往工作表現
通常只是check下係咪真係做過呢間公司
個女仔太好人喇，啲女同事賤到咁，真係唔值得，買散水餅唔係問題，但至少要買俾有正常同事關係嘅人🥹嗰啲排擠人/欺凌人嘅同事，叫佢食屎就啱，食乜嘢散水餅？😂
個女仔好有家教，比同事排擠都做夠一年仲肯離職前買散水餅😐好奇問下，個女仔點解比old seafood排擠？
其實比人咁孤立法， 做咩仲做d 嘢去討好人， 佢的確係做多左
希望佢學精
我以前返工試過，18歲第一份工，當時返咗三個月工，俾個主任無中生有篤背脊，我冇得留低，同組另外有三個人，最後我都有扮唔知，請佢哋連埋個篤背脊主任四個飲茶。
另一間公司差唔多70人，我唔鍾意同啲八婆做朋友，咁啱我走嘅時候，有另外一個同事同我一個月走，我哋夾錢訂咗幾箱橙，一人一個算，冇人走嚟多謝我。
呢啲衰同事，從此不相往來，喺街見到當睇唔到，跟住10幾年後我睇到新聞，其中兩個同事呃錢犯法，俾人拉左。
我之後學識咗，食散水飯算，同啲好同事一齊午餐，午餐時間有限唔使應酬咁多，每人夾返自己嗰份錢。
其實幾時開始要買散水餅。
都已經辭職，仲要自己畀錢買餅請同事食（當中會有唔中意既人），究竟係乜嘢邏輯？
如果係遇到好同事將來約出嚟食飯還可以。
但係如果遇著啲仆街嘅，咁就毫無意思。
一旦離職後，應該唔會再見面。其實打工都係求財啫。
仲要搞咁多嘢正式整水，為乜？
散水餅呢啲文化取消佢啦，我之前離開一份工都淨係俾啲鍾意嘅同事。做咩個個都要有得食，my money my choice 。呢啲老土文化唔應該要屈服，我做咗咁多年我都冇屈服過。賺錢已經咁辛苦，買唔買係我嘅自由🦦
人善比人欺
學識一次後
就會唔會同同事交心各樣
有心嘅同事會同你食下飯
人都走啦
買嚟把撚
我諗返起，連續三間我走時都冇派，第一間learning centre，本來做得好地地，個老細都成日讚我，點知有日反轉豬肚就系💩，突然狂針對我，無論我做咩，佢話everything is wrong，放工返到屋企突然收到佢msg話佢決定聽日開始放我一個月no pay leave. 我除左尋求教協（嗰陣仲喺度）同勞工處意見之外，都即刻搵工，一有offer，我即刻resign。然後去左一間所謂international kindergarten，做左冇幾耐，突然covid停課，校監逼大家簽「自願」cut人工去到1/3，每月返8日嘅「雙方協議」（根本冇協議過），唔肯簽嘅老師即炒仲要唔賠錢（佢後台硬，聽講勞工處嘅file成幾寸厚都冇老師告得佢入，所以告佢都嘥氣）。我諗住做住先一邊搵工啦，後來短暫復課，但校監唔知係咪退學人數太多日日鬧人，鬧到我同另外兩個同事齊齊遞信，即刻拜拜。裸辭後即刻搵工，去左而家呢間幼稚園，佢有N間分校，我所在嘅分校d主任係一手遮天嘅老💩忽，想屈我食死貓，我當場翻臉，佢唔敢亂黎，但又唔忿氣玩唔死我。後來我睇準機會向校長申請調分校，校長即批我即走。三次都冇派餅嘅機會同呢個諗法
好彩依家嗰間分校好，不過因為之前嘅經歷，依家唔會再投入咁多心力落去，做足本份就算。萬一邊日要走都可以好瀟灑咁走😂
熟同friend嘅就派，唔熟唔friend嘅連鼻屎都唔會請佢哋食
我上一份工買咗三千幾蚊😂
好多同事
每人成本$50左右
散水餅呢啲 總有班口臭友
唔派又屌你唔派 派又要嫌三嫌四
講真我肯派餅已經係我對呢份工嘅最後溫柔
班友又要屌又要嫌三嫌四 好撚煩🙂↔️
補充返，我以前有一份工係跑數嘅，上面d管理層日日玩權鬥，我就唔識埋堆on居居咁，變左有山頭嘅同事都唔會同我太熟，我又理撚得佢地，搵到有路走就byebye你條尾，last day 低調放工零散水餅😆😆
話說我當時返緊一份好辛苦嘅工，D同事上司又超級仆街，做左一年就頂唔順辭職。當時諗住唔派，但突然醒起之前有人結婚收到餅咭300蚊，就諗住終於有機會清左d餅咭（我本身完全唔食嗰間餅店，覺得難食到癲，收到餅咭時呆一呆，唔知點用哂佢地，就唯有一直保留住）。
當日仲有一個同事離職問我同另外一個同事諗住點派散水餅（當日仲有2個同事走），跟住我就答佢用餅咭。佢地就話同我夾。跟住我地要左最平的西餅，當時好似3蚊一件，最後用盡晒d餅咭，當時嗰同事就畀番我一百蚊夾，另外一個做高層同事嘅cheap精諗住free ride我d餅咭扮晒野唔畀錢，咁我當然叫佢畀番錢啦。我已經勁憎你地班仆街，我做small potato人工勁少，你係高層同事收幾錢人工，臉皮厚到仲想響我身上拿著數！？
當時都算好開心，清左d唔用嘅餅咭，賺左200蚊，睇住班pk食住我最憎嘅三蚊西餅，食到津津有味，開心到飄飄然。到左今日諗會起都好快樂！哩次係我人生唯一一次派散水餅，我睇唔到要走仲要花一筆錢lor！
我以前做一間4年，走果日都無派。有幾個同事走果日收工重同我打邊爐
做d普通薯仔，每間公司走時，一塊餅都冇買冇派
反正人走茶涼，走先唔再做門面野
垃圾公司只識包庇擦鞋仔仲有有背後關係既人，同醫管局伊利沙白醫院放射部個治療師經理一q樣！
熟既再見亦會成為朋友，私底下食飯啦，食咩散水餅，唔熟既當路人啦，派來做咩
莎莎已經係有集體欺凌，好彩最後我都冇做……（自此之後，冇買佢哋嘅嘢）
我前公司得六個人，我辭職之後同另外三個講到明唔會請老闆同佢身邊個八婆左右手食散水餅，之後有一日，佢兩個都唔係公司，我就請佢哋食tea。
到我走嗰日，公司買左個cake，原來係我個鬼佬前老闆早一日問個男同事講，我走有咩安排，但佢又唔問佢左右手，個同事咪話買個cake囉。
之後個鬼佬見我出咗去同接我手既女仔食飯，就同我男同事講話睇吓我一陣會唔會買散水餅返黎。
結果我咩都冇買，話左唔會請佢兩個食，結果男同學出咗買cake。佢出去前同八婆講聲話買cake, 個八婆仲話，唔係應該調返轉咩，我知道時心諗，屎就俾你食，老奉架咩。
八婆仲要話自己想食Italian tomato，我男同事唔采佢，買龍島。
呢間公司的女士咁不懂人情世故，拒絕散水餅，公司文化可見一斑
畀人恰仲要請人食散水餅，畀我睬佢都傻，唔屌柒班仆街已經算偷笑
如果做得唔開心，d同事唔好仲要玩擠既，請佢食屎就得仲請餅比人食？你前同事比人恰到出面仲咁on9
係咪為咗山水有相逢觀念才派？唔係既派來做乜，但通常quit咗一兩日都唔記得你啦
Day 1已經自己食lunch唔想煩，我亦唔想人埋我堆，我只想自己一個
比人排點解仲買散水餅？
比我就乜野都唔買，話走就走，廢事嘥錢
樓主態度正確！
職場不談感情，餅你老味，食自己啦！
真，邊個無交野比我，邊個欠我野令我唔能夠完成，我會全部1510講出黎，唔係我唔做，係佢地唔做，我唔會為任何人cover
我覺得買散水餅只喺保持基本風度，人地去完旅行都有手信，新年有利是，當喺回禮，擺低就ok，唔好討好人，委屈自己，唔派其實都ok，派只係我個人睇法