覺唔覺用「香港」稱呼香港島
「東區」稱呼香港島東區
「中西區」稱呼香港島中西區
完全當九龍新界人臭四？
中文大學嘅鐵路站就叫「大學站」
香港大學嘅站，就叫「香港大學站」， 咁黨鐵係唔係當港大係臭四？
細個不嬲叫開香港九龍新界，分開講。不過依家啲人興嗌「港島」，勁怪。好似我講「香港」代表Hong Kong Island先係怪嗰個 😅
細個睇香港電台嘅電視節目，故仔嚟嘅，但又唔係電視劇。入面有個新移民大陸女人問King Sir鍾景輝：「香港島點去？」 King Sir就好好人咁同佢講話「我哋香港人唔叫『香港島 』㗎。『 香港 』就係香港。」
（利申：我由細到大住屯門，但我阿爸同佢啲兄弟姊妹以前幾十年係住香港大球場附近，從來都係叫Hong Kong Island做「香港」）
港島人：條款是永久割讓給英國，新界新九龍是租借要歸還，如今你新界拉埋我一齊歸還，我都無同你計你同我計呢啲濕星嘢？！
（利申：我非港島人）
係 expat 眼中，九龍及以北甚至叫 the dark side loll
香港人真係歧視所有人㗎喎
好公平㗎，港島以北就係北佬
啱呀
所以新聞成日講嘅內地
我一律覺得佢係講緊
沙田大埔屯門元朗粉嶺上水沙頭角
因為自古以來(當然是1898年後)便是以香港、九龍、新界來稱呼此三地，1842年前，並不存在等同現時香港的行政區，整個區域屬於新安縣，因此並不存在一個「香港」。
咁你同嗰啲喺「香港」前面仲要加多兩隻字嘅人有咩分別？
你ON9?
你搵清楚香港19區係點分先啦
BTW, 叫港島做香港就真係聞所未聞
香港是，香港𡷊，九龍半島，和新界及離島3 部份，統稱香港，如果香港島就是香港𡷊，例如香港𡷊的英基國際也分幾個地區位於半山是Island school, 南區是south Island school 和西區是west island school! 香港𡷊雖小，但分開仔細，全香港有18 區，是用來分區投票和管理
因為事實上港島人就係人上人
新界九龍都係臭四 例如我
印象中，多數住喺離島嘅人叫香港島做香港，佢哋會叫搭小輪去中環做出香港。
其實部份九龍人都會話去香港／去香港嗰邊，意思就係去港島
除非係同外國人溝通，如果唔係當身處九龍新界講香港嗰邊就係港島
北區上水粉嶺, 東區馬鞍山西貢, 西區屯門元朗, 南區香港仔黃竹坑
一向歧視新界牛啦，食親飯都左九龍香港… 又唔見入去屯元天或者約火炭粉嶺食飯😂
遲吓發展北部都會區，你咪可以當返港島人係臭四囉
東區北角，西區西環，南區香港仔，北區上水，沒有問題😂
咁就改口叫香港九龍新界東區（排名不分先後），香港九龍新界中西區（排名不分先後），由你帶頭，改變壞習慣😠👍💪🏻
所以住九龍同新界人都係猛車邊先叫埋做香港人 有無諗過香港啲人其實想唔想借埋個名你叫
我新界人叫開「過海」，好少叫香港🤔🤔（唔係好出開去，到依家都分唔到中西區東區個啲）
班港島撚叫北區就上水大埔，點解唔係灣仔天后，奇奇怪怪