覺得冇咩錢洗嘅時候
人地男朋友：我出去返吓part time
我男朋友：我地慳錢 唔好咩咩咩
以前我一直做嘅嘢佢全部叫我減 唔做
人地男朋友係俾錢鼓勵女朋友做
ok 你唔比錢唔緊要 但係點解要制止我
ps 我地本身已經係aa
我唔需要佢出街洗費比埋我份
但係點解好似拍拖之後生活質素仲低過以前 好似返返去中學咁
我真係搞唔掂 我想要返去之前嘅生活
本來諗住聽日兒童節送jo malone香水比佢 佢啱啱text我同我講 為咗慳錢
「以後唔買貴禮物比對方」 ok fine 慳返
AA應該係河水不犯井水
依家佢企圖入侵你嘅Lifestyle
對你嘅消費觀指手劃腳
睇嚟唔止想AA喎
可能係鋪路充公埋你嘅財產
你男朋友永遠都只會諗慳錢唔會諗賺錢
你哋唔夾，放過自己
態應該以自己生活質素為優先
如果因為拍拖令生活質素下降 拍嚟做咩？
兩個人一齊應該一齊努力 唔係一齊捱窮
話咗唔好識孤寒佬 唔好識aa男 係都要衝埋去係咩事
既然唔係洗佢錢，點解拍拖後生活質素會差咗，同佢有關係咩？
「人哋男朋友係俾錢鼓勵女朋友做」
咪姐係埋怨囉
如果唔係埋怨有對比 點會有咁嘅心態
另外就係既然唔需要佢俾錢嘅話
點會因為拍拖而降低咗生活質素？
分手啦，無論我想做乜嘢學乜嘢，我老公都100%支持同會比意見，因為我知佢想我進步，愛你既人係會為你諗多一步，樓主你值得更好
corrupttheyouth 白水老師😭點解女人要男朋友俾錢佢既？呢個就係女人困境？😭
學生每個月8,000至1萬都唔夠用？我個人覺得幾揮霍下…
你夠你自作用，同唔會問佢攞錢，其實你真係唔使理佢
btw 就咁睇你哋兩個理財觀念差距都相當大，唔好諗可以影響對方改變，不如你重新考慮下自己忍唔忍受到仲好啦
不如你去搵下佢點解要不停慳
係佢原生家庭有債務？定係佢家庭係咁灌輸佢「只可以慳」？或者佢父母成日問佢拎錢？
係嘅話最好分手，佢唔會因為你而改變。亦都唔會諗方法改善生活，只會不斷叫你去遷就佢家庭嘅習慣=令生活質素不斷降低。
你一個20，一個21。
之前中學d錢你父母比，自然唔心痛，你男朋友只係長大左，不過要多溝通
你傻姐，佢叫你唔洗錢你就唔洗錢，佢叫你俾哂d錢佢你係咪照俾呀
廿零歲應該諗點賺錢而唔係諗住點慳錢。睇你生活已經好樸素，咁都仲要你慳咪浪費晒你啲青春。
直接唔理佢去返工
講到尾佢覺得你係要睇佢頭做人
自己賺自己洗
無錢唔返工，邊個俾錢消費呢
AA制就無必要聽
要人聽首先就唔AA制
如果拍拖係會令自己生活質素變差，咁就真係唔好再繼續
無必要自己嘅未來keep住差咗
搵男朋友唔使要佢提升你嘅生活質素，不過千祈唔好搵個拉低嘅！
如果你係想挨窮濟貧嘅話其實可以考慮下我 我仲可以俾情緒價值你
其實你都可以同佢溝通吓呢個問題嘅，唔係自己會好辛苦😓
其實就甘睇，男朋友應該有打算同你計劃將來，所以先想改變你，想你符合佢標準，至於你接唔接受到？就睇你愛唔愛佢，想唔想同佢共同計劃
溝通之後既三觀不合就唔好勉強了
你地只係唔合適而外面會有一個啱你的
錢係其中一個比重非常大既課題
如果因為咁你覺得同佢一齊唔開心咁唔值得
佢係錯在叫你慳姐，其實你唔慳都唔關佢既事。
不過你無乜錢既時候，唔好問男友攞錢咪得囉。