詐騙事件
話說啱啱收到嫲嫲個FaceTime，佢同我講叫我過數三萬蚊俾我表妹，咁我就奇怪，點解要過三萬蚊俾表妹，我問佢係咩事要用三萬蚊，佢話唔知道反正你就過俾佢啦，係佢之前放喺我度嘅三萬蚊嚟㗎，你幫我過咗俾佢先，咁老人家唔識用轉數好正常，咁我問佢攞咗戶口，點知個戶口係(孫笑威 中國銀行01289820896567)，咁我就奇怪點解會係一個咁樣嘅戶口，跟住我再打俾我嫲嫲，問佢呢一個人嘅戶口我唔識，萬一佢係洗黑錢嘅戶口，我轉錢過去我都會受到影響，跟住佢就話我表妹係俾呢個戶口，叫我直接轉過去就得啦
咁梗係覺得奇怪啦，於是我就打俾我表妹關心吓佢點解要借三萬蚊，竟然表妹同我講完全都冇打電話俾嫲嫲，即時覺得嫲嫲被詐騙了，等咗一兩分鐘，竟然嫲嫲再FaceTime我，然後同我講唔使啦，表妹話下次直接問我攞現金，所以唔使轉錢啦

應該唔係嫲嫲講大話，係嫲嫲俾人呃😂

好多電話詐騙都係咁，前排我媽媽一接聽就「姑媽呀」我媽又真係有侄仔，把聲又有幾分似，仲講得出我媽全名，但係講唔出我舅父個名，就cut線。

大家真係要多啲關心自己屋企老人家

update一下大家，詐騙講電話58075012

九成你阿嫲部手機畀人hack咗，你知啲老人家幾鍾意用電話影相，班仆街攞到料肯定用ai呃電話簿入面啲人

AI 圖扮親人咋騙。

可能同你FaceTime嗰個都唔係你阿嫲

嫲嫲 表妹 關係都幾遠下喎？！

表妹係嫲嫲外孫，唔遠丫

似＂換面AI” face time call

表妹話下次直接問佢攞現金。。。可能已經攞埋阿嫲屋企嘅住址？😱😱要小心啊

嘩

即系。。。。妳嫲嫲講大話？

好恐怖，仲話下次親身搵佢拿⋯