話說今日放工踩單車返屋企途中，見到有個銀包跌喺單車徑上，我本來已經踩走咗唔打算理會，不過諗咗一陣都係調頭執起佢處理一下。
檢查過銀包之後，見到有證件但係無聯絡電話，曾經聽過放入郵筒原來係無用，我亦唔想學人影晒啲證件上網，所以決定送去差館。
見警員摷晒成個銀包物品出嚟紀錄，發覺都幾多現金，最後警員問我如果三個月後無人認領財物嘅話會唔會想要咗佢，我諗咗一陣就話：「唔啦，啲錢又唔係我嘅，我拎得個銀包嚟差館，望就望你哋喺三個月內搵個失物主人啦～」
唔好以為我懶正義，我只係信邪，總覺得拎咗啲本來唔屬於自己嘅嘢，遲早會雙倍奉還，何況我都曾經遺失過銀包，知道錢財事小，要補領返啲證件嗰下先煩，希望事主早日失而復得，以後小心啲啦😌
補充一下先，其實個銀包入面有身份證、大學學生證、圖書館借書證、信用卡，只係無聯絡電話啫，相信警方要搵返事主其實都唔難，我拎去差館都係想物歸原主，唔會諗住三個月後仲有機會拎到啲錢，與其大家討論點拎啲錢嚟捐，不如祝福佢早日失而復得啦🙏
我每次執到銀包，都係揀失主一張信用咭，打去報失咭熱線，直接同CS講我在咩地方執到失主銀包，留個聯絡電話，叫佢搵失主聯絡我，每次都係好快就同失主交收返。
今次都係我人生當中第二次執到人哋銀包，係無咁多處理經驗，綜合大家嘅說法，除咗銀行、學校，我都仲可以去圖書館嘅，說到底我都係想俾返個銀包俾人，有用嘅資訊我會好好參考👍
疫情嗰陣我都試過喺巴士執到一個銀包，不過我係拎銀包入面張學生證，打返去失主學校然後擺低喺更亭。我又無你諗得咁複雜，只係覺得就算無辦法聯絡到失主，至少可以交俾學校。有辦法交到俾當事人咪盡量去做
個警察心諗"好野! 咁傻仔都有", 唔係話你傻,係有d 職業貪得無厭
你呢個諗法都唔合邏輯，如果你覺得失主一定攞得返個銀包，咁你嘅選擇其實係冇意義。
難道你覺得你而家嘅選擇係可以增加失主攞返個銀包嘅機會？呢個因果關係係點得出黎？
我本來就希望事主可以認領返失物，就算三個月後無人認領，我都唔打算拎舊錢，好似係兩回事嚟？
係呀係兩回事，但你講到好似你選擇三個月後唔拎，失主就大啲機會拎返。我唔明你自我感動啲乜。
講個故仔你聽，從前有個遊客喺日本搭的士去機場漏低野喺的士，個的士司機攞左去差館，三個月後冇人認領個的士司機拎返，但佢冇放棄，經常去機場搵客，終於有一日真係車返嗰個客，還返啲野比佢。
如果你唔要，3個月後無人認領就歸政府，相信失主情願歸你囉
你應該拎返捐左好過
這樣做錢最終無人認咪番政府或警察身上
我信收起地上執到寶嘅嘢，例如$，要還嘅，我就過唔見身份證同成個銀包俾人扒咗。
如果最後無人認領而俾你，就捐晒佢俾慈善機構。
信用卡背面好似有card centre電話
下次可以試試打上hotline 叫佢哋聯絡失主 去差館拎返
其實...你唔取 歸政府既
大家可以取了買飯劵捐晒佢
人哋唔認領，你先諗啦，咁多內心戲
特登影自己“唔願意”認領，唔知博乜😮💨
有證件，根本就唔會無人認領
差佬一見佢報失，會打返畀佢
而佢補領證件，又唔可以唔報失
程序上三個月後失物係屬於拾獲人
假如果日來臨，你可以將錢捐出去
信唔信邪都心安理得
應該個差佬亂鳩咁嚟
但凡銀包入面有鎖匙 =可以入人間屋、證件
應該都唔可以畀返執到嗰個人
仲有有證件一定搵得返失主
因為你補領證件一定要報失
報失嘅話差佬就有記錄搵得返
淨係影銀包放上social media 但唔show 證件囉？ 不過你已交咗去警署
呢個就係我一直覺得唔妥嘅做法：
1.事主唔一定會睇到我開嘅post，個銀包一直留喺我度都叫拾遺不報
2.萬一對方心懷不軌，報大銀包入面嘅金額然後話我私吞，我好難辯護
擺郵箱唔係冇用，而係啲人擺郵箱同玩9個失主及郵政冇分別，由啲人懶哂做好心放入郵箱到失主拎設啲證件，個時間係耐到個失主已經報失兼補領哂，所以麻煩到郵差之餘仲煩埋其他人😂