話說前幾日去街市買餸，喺海洋檔睇下望下，隔離有個阿叔喺度撩緊個膠兜嗰2條黃花，女漁販見勢就即刻攞起另一條死咗嘅黃花推銷俾阿叔話$70（識游水嗰啲$80），阿叔無理佢行咗去另一邊睇其他魚。於是，女漁販趁阿叔不為意轉身將手上條死魚拋咗去劏魚男果邊。幾秒後，女漁販再攞起條遊水黃花推銷俾阿叔$70，咁阿叔就落㗳買，然後按流程劏魚、交收，交易完成，阿叔攞住裝住條魚嘅膠袋離開。大約10秒後，劏魚男攞返條遊水黃花出嚟俾女漁販放番喺膠兜度賣。唉😮‍💨！我唯有以後儘量唔再幫襯佢啦！

介唔介意講吓係邊一個街市？

唔係幾好嘅，只可說是新界東。