話說幾個月前見到有人為左sell自己支玻璃鍍膜話可以就咁上，唔使除油膜，loop到嘅時候心入面暗暗地笑咗🤣。

其實個秘密就收埋喺佢個氣味上面，大家就算求其打開一支玻璃鍍膜；3M又好、RainX又好，Soft99都好，都聞到酒精味。乙醇、異丙醇都係玻璃鍍膜入面嘅溶劑，所以，其實只要部車嘅玻璃油膜唔重，支支都做到。

做法同分別:
市面上興兩類，一類係氟素，另一類係矽烷化合物（sio2）。兩種嘅做法都大差不差，氟素類搽完落去會有霧狀，等幾分鐘用塊半乾濕嘅布收左佢就跣水。矽烷類做法同coating差唔多，搽完用纖維布收，收完等佢水解縮合反應後就多一層結晶體喺玻璃表面。前者跣水但冇咁襟；後者冇咁跣但襟好多。不過後者貴嗰批宜家通常都會加埋氟素，所以可以係水珠又靚又襟。

站在專業角度，完整流程一定係洗車、推泥膠、除油膜、去水漬（有條件），上鍍膜。不過DIY係咪一定要做足？我認為未必，有洗開車嘅，洗完車直接上都可以。因為我都明冇做開突然又除油膜又剩都幾係野🤣，我又明好多客人自己有心機想做又擔心做唔齊部驟驚鑊驚唔靚，所以特登出個post傾下。

做玻璃鍍膜嘅好處係提升行車安全，減少水漬形成同靚

片4係重油膜嘅車硬上鍍膜嘅效果，當然，可以上多幾次，都會跣水。

對不起，我不應該sell自己既玻璃鍍膜😭

😂再嘈我del post！

咁我唔嘈啦，靜靜地睇你啲post,我都學到好多野，一生受用🫶🏻😘

比前輩撚😭😂

呢啲先叫疏水呀