話說
我有一位好友
45歲，做地盤
一個人住喺元朗村屋。

我同佢認識
係喺四年前網上問事。
嗰陣佢同佢太太離婚
工作減少
人生有迷惘有迷失。

佢約我飲酒
我屎窟痕應約
放心，我哋唔係去基吧。
嗰陣疫情後
酒巴生意麻麻
去親邊間酒吧
都無乜人
而每當我出現
都係無女
所以好多朋友痛恨我
嗰一次亦唔例外。

佢太太離開
因為遇到更適合嘅人。
無人話
結咗廿年，唔會分開。
亦無人話
識咗四年，做唔到好朋友。

女性，金錢，神鬼
我哋無所不談
除咗政治，因為污穢。

三日後
佢車我去佢屋企睇風水
喺郊區馬路
我哋親眼見到
前面架車，放低隻狗，就咁駛走。
隻狗狗一直跑，諗住追返男主人。
可惜四隻腳不敵四個轆。

朋友毫不猶豫停車
抱隻狗狗上車：
「報警都無用
報漁農仲慘
一條生命
費事人道毁滅。」

由嗰陣開始
佢就養呢隻狗狗到而家。

心善
唔係話你捐幾多錢
周圍同人講
做偽善行為。

心善
係一啲生活小細節
勇敢去愛護去保護
需要幫忙既人或物。

人類要反省
養唔到，就唔好養小動物
教唔到，就唔好生小朋友。

唔好一時心血來潮
造成其他生命嘅缺陷。

隻狗都好好彩，依頭比人遺棄，依頭有好心人收養。
依啲衰主人跟唔跟都罷

多謝你好友，
亦多謝你分享，
至於棄養個件仆街，佢一世冇運行、眾叛親棄、做乜衰乜、日日病但冇錢醫、仲要好長命受苦...
唔好意思，咒人係唔啱，但真係好嬲。

罪孽深重，死果陣牛頭馬面陰會用鐵鏈⛓️牽住佢一齊落地府接受閻王懲罰，前世因今世果，真人真事

呢啲棄養嘅人會有報應

如果徵得果位好朋友同意，希望睇下而家狗狗既幸福樣

呢個世界真係好多人霸住個人嘅軀殼，但一早應該被log out

被人放棄嘅佢 收養被人放棄嘅另一個佢❤️

互相救贖吧💪🏻狗好忠心

好心有好報🙏🏼🙏🏼🙏🏼

善有善報，祝福你同你好朋友一生平安喜樂

絕對同意「教唔到，就唔好生小朋友」，我自問唔識教，亦唔知自己將來際遇如何，唔想佢跟我挨苦，所以一早已經諗住唔生小朋友，縱然我係好錫小朋友。

多謝善心人🙏🙏🙏

為咗下一代堅決唔生一直係我宗旨

人間有愛。多謝分享😍好人一生平安系列👍

狗狗係行運，你朋友真係一個好好嘅人，好人一世平安🙏🏻

嗰隻狗狗一世都會記得自己被遺棄...

祝福你朋友🫶🏾

狗狗遇上了更好的人，你朋友一樣會遇到更好的伴侶，祝福

你朋友真好👍讚

有愛心的好人一生有福❤️

狗狗心好純🌹

真係，講得好好，既然養得就應該好好負責任
好彩狗狗遇到你地，好彩你朋友有腦唔call漁農

都唔駛睇風水啦
做咗好事
一生平安

冇錯，有隻狗陪吓自己都好吖！😊

好一句「教唔到就唔好生」一語道破 我有個朋友就中晒你講嘅呢一句 而家害人害己

係呀，棄養嘅人將來一定有報應

好可愛，好幸福

同意👍🏻

Off topic你朋友有另一半未🤪

佢而家有女友，拍咗半年。

也、許這小狗、和你們⋯前世。有一份，緣份、多，
謝謝你。們的愛。心。
好人、一世平。安。

狗狗個前主人真係好折墮

值得Repost

其實我一開始以為係一個愛情故事

同意 1）政治是污穢 2）養唔到唔好養小動物

唔會養唔到睇下你有冇心。

揸車囉，路唔轉人會轉㗎嘛，餘下仲有自己好多生命嘅時間，對自己好啲啦⋯⋯叫你朋友！

好慘呀！🥲

「我們無所不談除了政治因為污穢」說得真好

好人一世平安🙏

同病相憐吧，曾經經歷過先明白流浪動物的苦。

佢呢種做好事 唔話俾人知 俗稱「積陰德」

呢個世界真係有好撚多呢啲仆街。