話說我有蠶豆症。不過細個屋企人唔會太注重呢樣嘢，淨係知道唔好亂食中藥 唔好聞臭丸同食蠶豆。後尾大個先知原來好多產品蠶豆症都唔應該用或者食。🤣白花油啊薄荷膏嗰啲都用過晒。
之前熱氣走去買大大支涼茶飲。飲完個人有啲暈 不過唔肯定關唔關蠶豆症事 😂

如果係外用嘅嘢。白花油 安美露 無比滴 撒隆巴斯啊。我都用過 冇乜問題。（喺我身上咋）😂不過如果係貼嗰隻撒隆巴斯 貼完之後搣返出嚟就有少少敏感。不過應該唔關蠶豆症。

有程度分別，有啲人食勻晒都冇事，有啲人掂到少少都出事，建議唔好搏

先排見過個 G6PD 𡃁仔覺得自己熱氣，狂隊清熱酷，跟住屙黑尿 ⋯⋯

我係女，都有蠶豆症。應該輕微，抖下冇事。有次我睇政府，尿道炎。見到醫生打三次藥名，都被系統拒絕😂

好彩系統拒絕
如果唔係你都凍過水

我係女我都有蠶豆症😂然後我細個屋企已經好注重💀我係屋企唔可以搽白花油煲中藥
但我細個傻下傻下咁出街玩同friend lunch飲左半支清熱酷先見到個營養標籤😂當日下晝即刻瀨嘢🚬我係暈+痾茶色尿 嚇到傻💀😇
只可以蠶豆症個list遠唔止蠶豆臭丸咁簡單…仲有勁多嘢💀我讀緊書 我每次要用methylene blue做diff-quick既時候我學校係要我帶曬全副武裝做🙂‍↔️輕鬆成為全lab焦點🙂‍↔️
最重要係記得睇醫生睇中醫睇跌打講有蠶豆症😂唔好亂食藥然後聞到臭丸味即刻彈開🙏🏻

我飲清熱酷又冇乜嘢喎。可能因為好細支。

我細佬有
我聞到藥油按摩膏嗰啲會有啲呼吸困難不適咁
唔知我算唔算有少少/有嗰啲基因

聞到已經呼吸困難。可能真係有啲基因

涼茶有金銀花㗎，金銀花都唔得

我係中度G6PD，細個時根本無驗吾會知，不過所有蠶豆症吾用得/吾食得既野我全部有用（知道咗之後係減少咗接觸，但吾係無），又完全無事

我香港出世 所以出世嗰陣時有篩查 跟住張確診卡同針卡就擺埋一齊。不過我而家已經20幾歲。 想當年家長又唔係好精通電腦上網查嘢。所以根本唔知原來有好多嘢都唔應該接觸。 😂天生天養。 唔似而家啲家長會好緊張細路仔 食嘅用嘅都要睇過成份又要純天然

而家資訊發達，知道多啲都好呀，起碼可以有選擇

涼茶你真係唔好博呀，普通中藥房材料好多都會出事，最慘街買現貨一樽樽果d，出事都唔會查到入面有咩一齊煲過

想講我阿嫲好堅持將白花油搽喺我鼻附近嘅位置覺得會醫好鼻塞 但係每次搽完都好撚頭暈🥺

有金銀花就好危險
我同你一樣用薄荷膏/食豆瓣醬都冇事
我諗有分嚴重程度

我覺得外用嘅物品應該冇咁有害。

我仔都有，暫時我都只記到喱幾樣，新年出街食飯，得粒綠色青豆淋淋的可以直接餵佢食吓，先諗起佢食唔食得豆，即刻查吓嗯，D豆可以食

不過其實我覺得出街食嘢好少會接觸到蠶豆。🤣好似係豆瓣醬先至有蠶豆嘅成份。 同埋如果擺明係蠶豆嘅零食就更加唔會去食。所以我覺得其他豆類都可以放心食。

涼茶如果你係買廿四味/夏枯草係因為裡面有金銀花
金銀花唔飲得
出街買涼茶我只敢買雞骨草
同埋就係依家大個左先知原來苦瓜都唔好食都會有影響
好采我唔太食苦瓜

有金銀花成份