📌 話說我細仔出世之
共 64 條紀錄
話說
我細仔出世之後，老公有位朋友，就契咗我仔做契仔，聲稱話屬龍旺佢，如是者，契爺就經常買禮物比我細仔。
問題一：咁我仲有兩個大囡，佢哋有試過問我，點解淨係買比細佬，佢地兩個無份。
問題二：有次見到呢位契爺，就教亞囡叫契爺，點知佢就刻意話（叫叔叔得啦），淨係認我個仔就唔認我啲囡。
契爺琴晚又打黎話，買咗禮物比細佬，攪到我兩個囡又唔開心，咁其實我哋做父母，對於呢啲心意，應該接受，定婉拒呢？
我會直接同阿契爺講佢咁做會令你地成家帶來困擾
尤其你解釋比兩個大女明白，假以時日都控制唔到佢地可能會對細佬生心生不滿
你叫契爺一係就送哂比三個，一係一個都唔好送
如果佢唔比你啲啲女叫契爺，就三個一齊改叫番叔叔
生個仔唔係要來旺佢同帶比你地一家麻煩
人哋真係契咗啊仔咋喎，同啊女心理輔導下，呢個世界係無公平㗎，唔係人有我有，睇你點樣解釋令佢兩姊妹唔好妒忌細佬
既然你話呢個朋友會關照你老公，即係你老公唔打算改變。
咁你就要有心理準備你兩個女大個咗之後，就唔會再同個細佬親近。因為係你哋自己大人親手將個仔變成耀祖嘅存在。令到兩個大女受傷，呢啲係會跟一世。
你老公個朋友係咪唔得罪得？另外點解借個小朋友去旺人哋？ 旺左應該回饋返你成家唔係一個人囉。你老公朋友想比禮物就折現啦。再入返落家庭基金，如果唔係兩個女會唔開心。
講真，旺佢又唔係旺你，而家仲會因為個女唔開心而困擾到你，百害而無一利，同埋迷信啲講都唔知會唔會借走你個仔啲運
呢啲關係快啲斷咗佢止蝕離場啦
既然小朋友已經10歲+
其實媽媽可以直接解釋比佢哋聽
呢個叔叔契咗細佬做契仔，所以會買禮物比細佬，佢哋想要禮物嘅，佢哋乖嘅，媽媽爸爸會買比佢哋
唔需要因為咁樣而唔開心
千奇唔好夾硬迫人哋認埋自己啲女做契女…又希望人哋買曬所有小朋友禮物…..
唔係想迫人地認，只係無唸過，當刻一句禮貌嘅稱呼，對方會咁大返應，姐係會比我感覺到，洗唔洗分得咁清楚。放心，我地兩公婆各自都有解釋比大囡聽。
我同你有類似情況
有一個auntie已經70幾歲
佢有個仔個仔10幾歲已經去咗英國讀書 成家立室 喺嗰度落地生根
佢好鍾意我個仔 覺得我個仔同佢個仔細個有啲似
所以雖然冇上契 但係就已經當咗我個仔係佢個孫咁樣 超錫佢
會同佢去行街 帶佢食嘢 買玩具
呢個auntie好有錢 所以基本上我仔鍾意啲乜嘢佢都會買俾佢
亦都經常主動買好多衫褲鞋襪玩具俾佢
嗰時我女仲係小學 我都有擔心驚阿女唔開心
有一日我就同返阿女傾返呢個問題
話返俾佢聽 呢個auntie唔係唔鍾意你
只係因為佢自己有個仔 而個仔唔係佢身邊
佢當咗細佬係自己個仔咁錫
彌補心靈上嘅空虛
佢聽咗都好明白 都冇hart feeling
有時auntie帶咗我個仔出街買嘢俾佢
阿仔都好好 會同家姐share
我自己咪再私底下買返啲嘢俾家姐
盡量做到平衡
你冇可能要求人哋錫晒你所有仔女
你試諗吓 其實有一個同你個仔冇血緣關係嘅人咁錫佢
都係一種福氣
我細個就係咁，我家姐有個契媽，淨係契左佢無契我，次次出黎食飯見到我家姐就好開心又讚佢乖又點又點，見到我就當睇唔到或者話我曳🙂 （咁對比家姐我係好動啲啦，咁佢係覺得我曳都正常）年年佢封利是我都少家姐一截，佢都講明淨係家姐先係佢契女，咁我都無野好講。細個好憎佢咁樣大細超，大個就當無識過呢個人算🙂
有時候契左都唔係好事☺️
佢有咩事囉記住搵返契女
千祈唔好搵你😏
佢唔鍾意我，一定唔會搵我架喇🙂↕️ 早幾年移左民而家淨係家姐有同佢聯絡 🙂↕️🙂↕️
問題喺你度，當初佢要求淨係契細仔，就應該婉拒。
出面世界係點唔公平無所謂，屋企係避風塘
大人見到奶奶淨係偏心一個心抱，都覺得難受
何況係小朋友
老實講，當初真係唔知道對方心意係點，以為普通口頭上話契，點估到佢分得咁清楚，淨係認細佬，家姐唔會認。
其實認唔認就好閒，只係對方鍾意送禮物，呢度有啲令件事變得尷尬。

講明只認一個，就係會大細超，你默許？
咁老左係咪又expect淨係細仔幫佢抹屎尿，因為受過人恩惠要還？
呢啲嘢小朋友唔識處理，係靠老豆老母擋
咁你有無同兩個女解釋返？ 佢都講明只契你個仔，唔係兩個女嘛， 咁其實你明唔明？🙈🥲
好多留言話俾你知契完之後唔開心多過開心
但睇左你既回覆，根本冇心改變，問黎都冇意思😂
真，完全唔知佢問嚟做乜
佢又唔覺得唔明白事情可以去到幾嚴重咁
我唔會比小朋友亂契人，將心比心我父母就係響我小學時契左我比佢地細個玩到大嘅老best（有做上契）話佢生兩個仔，由BB睇到我大，好恨有個女……DLLM佢響十年前包左個2奶生左個女（個2奶仲同我同歲數，諗起就嘔心。（ 咁好啦，阿契媽就印尼嫁過黎嘅，佢就好弱勢啦，周時同我呻阿契爺出軌有女人，由點捉奸到個女人生左，到個女人個女好大個，bababa，次次見親都要用契女身份開解佢情緒。 問心又唔係我想契你地嘅，我都唔係你親生女。我結婚你兩公婆到我又要分2席唔好比你地坐一齊嘈交。仲有逢年過節要記得打電話同你地拜年啦，要包利是比番契媽擇意頭。
所以我唔會想自己後代都無情情被安插嘜鬼契爺契媽，你唔會想像到佢有幾唔開心。
哈哈，講起同歲數，我老爺最細果個老婆，同我老公同歲數，我老公要叫佢做亞媽😂
(姐係老爺娶咗個，同自己親生仔，差唔多大嘅女人。）
契不嬲逐個逐個計，我朋友都係兩女一仔，佢哋嘅選擇係三個分別有唔同嘅契爺契媽😂
Exac7ly! 仲記得我家姐有位契媽，當時我太細個唔識嘢又跟住佢咁叫，即刻俾阿媽叫停，話個契媽只係認家姐做契女，唔包我架！😂😂😂
唔好成家一齊見面，要見就叫老公帶個仔出去見個契爺，安排唔到就唔好見。
契人會過自己D運比人。做乜無端端將個仔契比人？咁益人。其實吾好架 分手把啦 斷契。
佢契你個仔係有目的，為了他自己好「旺佢」，淨係咁我已經覺得唔好，尤其佢對你另外兩個女毫不care更證明佢純粹為咗自己利益，一點不愛你個仔。
佢對你仔的好是有條件的，他日你仔仔沒對他怎樣好或者沒旺佢，佢可能會埋怨。
我唔會想小朋友亂接受別人的禮物，尤其女仔，這種送贈背後很可能是有代價的。就算係人哋出於好心送禮物，也要懂得回禮。除咗親人會真正愛你而給的利是和禮物，其他人的禮物也不該亂收。
有啲咩關照大得過個囡心理健康同家庭和諧？ 每個月有幾百萬生意俾你老公？
個關係系屬於弟弟的。如果姐姐的老師送東西給姐姐又不給其他妹妹弟弟，弟妹又會不高興嗎。
我有個同事都係咁，
會傾閒計話d 契媽成日買野比佢個仔，家姐（個女）冇禮物會唔開心，
我就會專登買返禮物送返比家姐幫手補鑊，
明明家姐都好可愛🤡🤡
你可以接受份禮物時講說話比契爺知，
叫佢下次唔使咁厚禮，
因為下下要氹返2個女好多手尾跟，
講一次唔聽講兩次，講兩次唔聽講三次，
講到佢唔買為止。
同埋，既然冇正式做手續拜神上契的話，
就認真真係可以當佢鐘意你個仔就算。
唔係佢話契就等於契左。
差十年喎 佢送細仔啲嘢兩個家姐都冇興趣啦
一個玩恐龍玩車仔 一個搽緊指甲油化緊妝
叫你老公開聲，同埋建議同呢位朋友保持距離。萬一呢個朋友將來有咩頭暈身㷫，佢會唔會覺得「投資」咗咁多喺你個仔身上都旺唔到佢？
你點知唔會，你哋都估唔到佢會分到咁清啦，根本你就唔知對方點諗
我同呀哥細個嘅時候，二哥好得人鐘意肥嘟嘟又有酒粒，所以好多人做佢契爺，我阿媽同我講二哥哥肥嘟嘟，所以啲人鍾意佢，你想唔想肥嘟嘟？我即刻極度嫌棄，所以我細個一啲都冇介意，習慣咗哥哥帶嚟嘅利是同埋糖果都會同我分，其實我覺得係家長處理手法有問題啫，從來上契都係一個還一個，行出個門口，佢鬼知你啲禮物同埋利是點樣做咩？樓主你真係有啲多餘，你一手造成兩個女唔鍾意個細佬。
既然阿仔旺契爺，叫佢打對金飯碗，阿仔越開心，契爺越旺。轉頭賣咗去折現買禮物俾兩個女一齊開心
坦白講，係樓主你地做父母都唔識人情世故，搞到影響家庭和諧。不嬲契子女都係一個還一個，你開口叫兩個女叫人地契爺，人哋一定閘住，加上禮物只俾細佬，結果傷害到女兒。其實你哋自己有份造成，冇得怪曬人哋。
呢個世界根本人人都唔平等
阿細佬因為緣份又好、其他原因又好得到一個錫佢嘅契爺
可以話係命運
兩個家姐而家冇，亦都唔代表未來冇
在我睇嚟呢件事只係提早令到三姊弟認識人情世故
你而家叫契爺公平買晒三份禮物
第時三姊弟出社會都係要面對各種唔公平
你只不過將
「如何好好地教育下一代
令佢哋明白社會本來就係唔公平」呢件事推遲咗
只係個人意見。
下 你做阿媽唔想多啲人錫你仔女咩？
你有得迫人地契哂你啲仔女咩？冇你咪要學識點樣看待呢件事囉，你既態度都好影響你兩個女點睇
關照老公=老細
咁細佬一出世就返工（用佢氣運）
咁都fair 丫
調番轉諗應該真係有啲問題 佢如果源於欣賞你小朋友同得你小朋友上契 固之然好 但係佢係因為你小朋友屬龍旺佢而同佢上契 跟住對住你兩個女I dun give a fuck 就算佢係咪居心叵測 就算你兩個囡囡會唔會envy 你都難保你小朋友會唔會恃寵生驕 對佢嘅成長非常唔好 仲有我好懷疑佢居心叵測老實講
其實就算係自己有血緣關係的姨甥/外甥，都一定會問準左至買禮物比小朋友，你點知人地啱唔啱用，屋企有冇重複，又或者準唔準個仔玩/食呢樣野？
佢下下買左就一定要送，好冇禮貌，好唔識做人⋯仲要個仔仲有兩個家姐，做父母買玩具/食物都一定會買3 份一樣/相似的，咁至唔會爭，唔會偏心，呢位人兄咁自以為是ge? 雖然真係唔一定要買埋比d女，但都唔好咁厚此薄彼丫，佢連一句契爺都唔比兩個家姐叫wo…
同埋個仔係人地ge, 佢咁滿心滿眼咁話人地個仔旺佢係咩事呀？ 好話唔好聽買隻招財貓都要擺自己屋企啦⋯
同佢講唔收禮物啦，如果要送就生日送一次，因為屋企冇位，同埋佢成日無故送野，你地就要買返類似ge野比家姐，太煩⋯你地有家規，唔係獎勵就唔買野。
首先，你朋友真係好mean同唔識做人；
其次，你應該教識啲囡知道每個人都有權送同唔送禮物俾人，佢係細佬契爺，錫細佬多啲好正常，等於隔離屋嘅父母只會錫自己囝囡一樣。你個女都10+歲，我覺得佢哋需要理解而唔係一味唔開心；其實我都覺得你有啲誤解，契個細路係契一個唔係契全家。你朋友老咗或有咩事契仔情理上有多少責任望吓佢，但你啲囡係完全無。
如果你覺得以上講嘅嘢都唔啱心水。咁乜都唔好要啦，無功不受祿。你個仔好想要，自己買返份禮物俾啲囡囉。
我屋企以前都係咁，個妹比人契左，人地錫佢多啲，係有心理唔平衡過，但重點係做父母要解釋原因，而唔係咩都唔做，只可以講我父母係處理得好差
小心！！
乾子女對乾爹媽有奉養、送終等道義責任。如果只是為了「借運」而不盡後輩義務，反而會損及自己的福報。
會唔會係佢覺得契咗唔啱性別生肖嘅人
會令佢行衰運
所以佢唔比人隨便嗌佢契爺
會唔會係利用你小朋友
多過真心鐘意你小朋友
我同啊哥相差4年 我爸爸嘅朋友，因為佢得一個女 所以契左我阿哥 但我由識講野開始就已經跟呀哥一齊叫契爺契媽 雖然佢哋都係錫阿哥多啲 但係都有喺我生日嘅時候送禮物俾我 
好多時都係咁，我家姐有契媽但我無，聽我呀媽講契媽買好多衫比我家姐，因為家姐大我幾年，我完全零印象。但我媽不嬲都係話家姐契媽好錫佢買好多衫比佢，不過後來搬左屋直頭無咩聯絡添🌚
佢利用你個仔咋，佢係單向㗎咋，因為你個仔屬龍佢先對你個仔好，你下次唔好接受佢嘅禮物，一係就佢買晒俾咁多個細路，反正如果真係有運氣都係唔會影你都個仔，冇運嘅係佢。