話說早排同一喺大陸生活過十幾年，依家都喺英國嘅香港人傾偈

佢講咗一個大陸人面識別有幾犀利嘅故事俾我聽

佢話大概喺七、八年前，佢喺香港帶一個外國客上去廣州個廠度睇貨

有一日，個客話想體驗下大陸生活，所以佢帶個客去搭地鐵行下街
喺過地鐵安檢之後，個客唔小心漏低咗個袋
過咗半個鐘先至發現
去返安檢度，已經搵唔返
個袋入面有銀包、手機同證件
於是去咗報公安

公安叫佢哋返去等消息

三日之後，公安通知佢哋嚟攞返個袋
佢哋攞返之後，發現入面所有嘢都喺度，一蚊都冇少到

公安話佢哋睇返CCTV, 睇到有人攞咗
於是用人臉辨識搵到嗰個人嘅微訊資料
再用微訊聯絡嗰個人，叫佢即刻攞返嚟公安局
如果唔係，公安會上門拉人

就係咁，嗰個人就即刻攞個袋返去

所以真係唔明，大陸點解咁多失蹤人口搵唔到呢？

外國人唔見咗嘢，當然要即刻搵番，唔通俾外國人出去唱衰咩
牆內韭菜人礦，冇得去外國唱衰，認命喇
人面識別，要佢work就work，要佢唔work，就冇電同故障

之前幾多細路無啦啦響學校死左都唔會知架

唔係唔知，只係唔可以講俾人知

因為人口販賣是大生意

呢個post突然之間啲五毛就唔見晒
之前新聞講人面辨識，班悟毛仲喺度洗地話係抹黑造謠

因為呢個故事係講緊人面辨識幾咁勁，佢哋冇位入

講個笑話你知，約6-7年前我老母帶我婆返鄉下，我婆嗰時已經有輕度腦退化。 嗰時佢地喺羅湖火車站買飛，我老母好聰明咁叫佢坐喺個位度等佢排隊買飛。 買完飛既結果當然就係唔見咗啦，我收到電話就即刻衝去羅湖睇咩情況，另外我婆班孫亦即刻衝去羅湖一齊搵。 嗰時已經日日都聽到d 人吹大陸d cctv 好勁呀要搵你好易呀。 但現實係，佢地同我地講睇到我婆去到某個位之後就話搵唔到，仲話搵到會通知我地。 我一聽完就知班仆街hea 我地，咁無辦法既情況下我地喺羅湖分頭搵，由下午兩點一直搵到夜晚11點羅湖關差唔多關我地先返香港，中間每隔兩個鐘就去煩佢地問有無消息，結果當然都係hea 我地啦。

我仲記得成家人好累，啱啱沖完涼瞓着覺，就有電話打嚟，打嚟既係樓下管理處，問我地係咪阿婆走失咗。 嘩！ 好在我阿婆當年仲記得自己住邊度，講得出個地址! 咁佢實際喺邊度呢？ 喺深圳一個唔知邊度既收容所，我地啱啱瞓着都要即刻搭的士去皇崗再搭的士去嗰個收容所，去到係凌晨4點! 問返收容所d 人，佢地話有人見到阿婆喺羅湖過一個站個地鐵站度行嚟行去，先帶佢去收容所。

咁所謂好勁既cctv 呢？！ 我呸！

都要睇佢哋有冇心幫你搵，大陸個社會就係咁

視乎睇吓想唔想搵到 有心揾實揾到

而家响大陸見到錢同手機無人敢執？半小時後返去原位可以揾番？

記得有鬼佬拍片，成部macbook放商場food court之類冇人郁冇人理

胡新宇校園失蹤後被自殺案可以解釋呢個現象

美國有電視主持同北京某電視台合作，由老美飛去北京某人，由落機開始off全北京CCTV一小時，任佢走，保證12小時內會揾到，北京用左10小時在離北京六百多公里外找到，澳門2022年機場附近有二百多萬現金，由早至晚都係到

很多失踪人口都是过往堆积案件，还有就是失踪人口报案是按人次累积的——这就是为什么你看到很多都在说中国每年都有十几万人口失踪下落不明的，其实不是这样的，排除掉已经找到的，自己撤案的，还有杂七杂八其实不是失踪是大乌龙的，每年真正失踪的人口可能是几千人左右（已经算多的情况下）；你的朋友很幸运，地铁是监控最完善的地方，很容易锁定目标，剩下就是叫人把东西还回来就好了

要做咪做到囉，唔想做嘅咪做唔到

係㨂中搵到先去match 嘛

呢個應該係由CCTV加佢過閘紀錄對比下搵到既

而家手機跌左俾人執真係可以搵警察追番，因為全部都係cctv

對“國家”冇利，就會出故障

你不支持國家器官移植技術嗎？

即係嘔番哂啲嘢出嚟就算數，唔拉？

可能因為認罪態度好，呢次可以放佢一馬啩

佢嘅人面識別系統已經先進到你現場睇到會覺得好似睇緊戲咁

呢一個就係神州大地嘅奧妙之處！

Shouldn't even have any unsolved cases too，HK is like that too now, there is just no one getting away.with anything

最後嗰句至係重點

是否未滿十八歲，人面識別系統會無作用。因為未有身份証？

因negative reinforcement 恐怕受懲罰而去交還失物

鬼佬喎，緊係趁機做大外宣

吳廣得, 吳好媞

孟了早已評論這類事情：「是不為也，非不能也」

系統追查目標,作用可正可負

人同零件嘅分別

地太大 不能全國每一角落有装天眼 近年”失蹤”人口好多係旧聞及其它原因如亂報導

最後個句下次放第1