話說早排收到個內地家長（又係內地專才）電郵查詢有冇得黎參觀學校，話自己三月十幾號可以黎，有意報讀咁樣。我婉拒佢參觀嘅要求，建議佢若有意報讀請先上學校網站遞交入學申請，我哋收到申請後會約小朋友同家長黎面試，屆時老師可帶佢哋參觀一下學校。過左一個星期，佢又send email黎講同樣要求但要改日子去到四月。我再次repeat嗰段回覆俾佢啦。點知過左一個星期佢第三次send email黎，又話邊日邊日可以黎參觀。我真係反白眼🙄：到底佢係閱讀理解有問題定係唔識繁體字？婉拒睇唔明係咪？我即刻好明確咁覆佢：基於保障在讀學生的安全和私隱，本園不開放對外參觀，之前已兩次建議家長先遞交入學申請但一直未收到報名，本園無法安排面試和接待參觀。完！😤真系嬲左！學校黎咖，你以為係動物園啊？你鍾意黎就黎啊？你俾埋日子我就要開放俾你入黎啊？有冇尊重過學校嘅規矩？好聲好氣唔得嘅，係都要人態度強硬咁reject嘅。對住d聽唔明人話嘅家長真系心累🫠🫠🫠