📌 認真一問其實ba
共 90 條紀錄
認真一問
其實band啲人都係聽個主音唱
啲鼓手結他手有乜用（尤其彈bass）
佢地同啲歌手出show時後會彈琴嘅人有乜分別
雖然佢個問題本身都唔正確，但係好多人都唔明佢問乜。佢唔係話bass，或其他樂器無用，而係問如果大家反正淨係識個主音，咁用band嘅方式出道，同個歌手以個人名義出道，但係啲樂手 (都係同一班人) 唔叫樂隊成員而只係伴奏嘅樂手有咩分別。
舉個例，桑田佳佑其實一直都屬於樂隊Southern All Stars，但係好多人淨係會講桑田佳佑，咁隊樂隊嘅意義係乜嘢？
我唔係話佢啱，但係佢問嘅係呢樣。
又即係如果家駒唔組Beyond，但係每次出show都係搵家強、世榮同阿Paul伴奏。
我俾佢嘅答案就係，同結婚一樣，你都可以唔結婚但係一齊生活㗎，咁點解你要結婚呀？因為你地鍾意囉。咁點解人地要組band呀？因為人地鍾意囉，關你鬼事咩？
試吓入場睇一次band show，你就會明，試下唔好淨係聽純pop 😀
樂手作為固定band member 隊band嘅歌佢哋肯定都有份參與創作討論
覺得自己嘅樂器點編排先會令首歌好聽d 表達到個情緒 增加到層次etc
與其覺得vocal係主角 其他人係配角
不如話vocal嘅人聲本身都係一件樂器 每個成員應該係平等嘅
如果主音有飆高音嘅位去show off自己
咁樂手一樣有樂器solo作為killing part
結他solo drum solo bass solo keyboard solo
每個樂手都有佢哋可以成為主角嘅時刻 差在隊band自己點安排
有時歌手開live都會搵鋼琴/live band伴奏
但嗰d樂手只似係接job演奏 d歌本身唔係佢哋嘅創作物
咩人搵佢哋做support佢哋就彈咩歌咁
淨係有冇參與歌曲創作呢點已經係好大分別
或者你可以試下聽歌唔好淨係聽歌詞 淨係聽個主音唱乜
（雖然有d主音都唔係真係唱歌 各種screaming鬼叫都可以有😂）
可以focus喺樂器演奏/純音樂嘅部份
甚至搵d冇主唱 專搞instrumental嘅band嚟聽下
如果你試完都係get唔到嘅話
咁只可以話你好遺憾地欣賞唔到band嘅世界
現場聽還聽不見bass的話可以去看看耳朵，bass笑話不好笑
認真答你
一隊functional嘅band係創作過程（寫歌、mv概念、宣傳方向等等）係成隊人一齊合作。你見到嘅成品係個個人有份input唔係淨係主音
你試吓走淨條vocal，你仲覺得首歌有冇咁好聽？ Bass 好重要，係個和弦同groove 嘅根基，首歌一入bass 嗰吓先係最帶動情緒啦。
佢地彈嘅就本身係樂曲嘅一部份，睇吓編曲本身係點，可以有solo part。如果睇唱嘅部分係主角，你的確可以話係伴奏，而伴奏係可以好多唔同嘅可能。如果你聽一隊冇vocal 嘅band，就唔會有呢個諗法。
咁可能朗誦啱你？
即係咁，你聽得band就係聽全部，唔好將聽歌手嘅習慣套落嚟
一隊夾開嘅band，成員通常都會参與埋編曲，創作返自己嗰件樂器嘅solo部分同伴奏進程，會加好多自己擅長嘅元素落去玩，層次多啲，默契好啲。
普通伴奏樂隊由於係臨時組合，通常只彈最基本嘅chord，最基本嘅鼓，複雜部分會省去，聽落去就無咁多details。
舉例，左邊係cover band，右邊係原創band，原創個伴奏複雜好多。
一個連管弦樂團同一隊band既分別係乜都唔知既人，竟然去質疑樂手既存在價值。你係咪嚟搞笑？
「其實band啲人都係聽個主音唱」已經錯晒
可能你需要重新審視一下自己點解要聽band
如果仲係咁覺得嘅話 我建議你返去聽歌手算
認真的。
有人講過，隊band冇bass等於男人冇咗個春袋
啲歌手開演唱會後面都會有成隊band啦
我覺得彈樂器嘅人係需要
但係係作為配角去承托主角嗰種需要
大家真係好好耐性
作為前主音
睇呢個post好火滾
既然你知自己唔明
其他人解釋你又反駁
首先
你認為band隊啲觀眾只係去聽主音已經大錯特錯
band隊係每個岡位都一齊有貢獻嘅團體
記住係團體！
儘管有啲岡位的確可能多啲人留意
但一個團體就係每個人都會創作
每個人所經歷嘅事唔一樣 又有唔一樣嘅情感
創作又點會一樣？
你理解唔到呢件事嘅話
其實聽Band唔岩你
你去聽Solo歌手就ok
好多band都甚至係無人唱
我都係咁諗🥹其實係主音角度睇，其他隊員係每一個都好重要。每次夾野，大家都可能有啲新諗法，拎岀黎大家試。大家會諗下有啲咩岩大家玩，點編首歌可以令咁多位成員都發揮到自己（因為本人係樂理較弱既主音）所以其他成員會幫到我好多
same here
其實樓主根本無理解Band點解係band
所以講黎講去三篤屁
佢認為Band=歌手 加幾個樂手
明明band就係一個團隊創造一件事
再講
樓主根本唔係真係聽band嘅受眾
對佢黎講有歌手就ok
所以唔駛解釋😂
我最唔開心個位係呢樣野好多年都有人誤解🥹🥹我由細個開始夾band開始就覺得成隊band一齊玩個感覺係好好多 ，幾個人係一體，不論安全感同埋個能量都好唔同🥹🥹
正正係我想講，笑死。條友個人又蠢又冇天份，最緊要人哋解釋畀佢聽佢又唔聽
如果你淨係聽個主音唱，即係唔係聽band sound 啦
咁又唔係嘅
不過我覺得除咗個主音
其他嘅都係配角囉
我地隊band 4個都會唱
https://youtu.be/RZ8TApSZhFc?si=yLrjYaOvQl9ZWAmF
以前都有五月天fans嘅朋友講過：其實演唱會要阿信咪得，其他人向台度做乜 😂😂😂
你咁講 啲大台歌手 大部份首都唔係個 歌手寫 佢有咩資格唱
彈Bass既樂手 係會令首歌既底音更加豐厚，令節奏🎼更有層次感，bass 音色低沉，從搖滾樂角度來講，bass手絕對係佔樂隊的重要席位
please tell me this is ragebait
問你老味咩，你咁樣叫問咩？自己人蠢，一啲音樂天份都冇，乜柒都唔識，其他人講一句你駁一句。你想繼續做白痴其實冇人阻止你㗎
你係咁話啲樂手係配角唔重要，擺明係你粒星開完演唱會啲人淨係贊隊Band啦，只怪你粒星唱得難聽囉。
香港人而家啲聽歌習慣係咪真係扭曲到咁，聽band竟然齋聽vocal唔聽arrangement，試問下如果RHCP冇咗 John Flea 同 Chad乜有人真係會奇撚怪到走去聽Anthony?
佢地隻耳唔會聽到RHCP 首dosed 會要三支結他寫，或者某歌係用3拍寫
慘 原來無主音果d band唔叫band
係背景音樂
咁toe / Sigur Ros / mogwai果d都唔值得聽了
如果無bass 我想講真係好似無著底褲出街咁 唔好英雄化vocal n 請尊重所有BASS佬plz🫶🏻
一隊band無bass，
就等於一個人缺少左內涵咁lorr🥶
一隊樂隊 每一位成員都咁重要！由音樂創作去到live Performance，各施其職.
你去睇吓The Hertz 現場表演嘅片你就會明！五位成員都咁好睇！5個都係主角！
https://youtu.be/nMQt1Zo5tqs?si=e_j9zmOaNetp2UE5
我去睇親show都會影埋其他樂手。。。
甚至因為鍾意一個鼓手而去睇其他歌手嘅show
唔識尊重一隊band唔使話俾所有人知🙏🏻
我覺得簡單講，你可以理解為
band = Vocal同所有樂器嘅成員都係主音
Solo = 歌手vocal係主音，樂手只係和音
或者你幻想吓純音樂嘅管弦樂團你就明
（雖然好多大眾的確只係識聽Vocal）
所以先會有「Dear Jane 嘅阿tim，同埋Dear Jane，仲有Dear Jane，最後仲有Dear Jane！」或者「ToNick咁L大隊band，你淨係識恆仔咁die個人，晨曦嗰啲完全唔識㗎啦？」呢啲情況出現
每個人把聲唔同，兩個人唱同一首歌唔同feel好正常
同時，兩個結他手用同一支結他彈同一首歌，個feel都會唔同，就係點解有人會話「彈得好有感情」
而且band嘅歌編曲/mixing，都會特登平衡返每一個成員，唔似solo歌手嘅歌通常突出人聲only
你令我諗起Maroon 5
其實個個都淨係識Adam
其他冇人識
個鼓手去拍戲客串做好出名嘅鼓手
但結果都係冇人識佢
因為呢個現象的確唔只香港係咁
我唔肯定但係我估...
可能全世界...只要係[無聽band嘅一般人]多數都只會識個vocal
btw cap 圖嘅來源係呢度
https://youtu.be/hqWM62UOVHo?si=TCiUITtuxlV5IMAY
即係你覺得每個show都好似tvb咁，播個背景音樂就唱就ok?
有人即場演奏好啲
但未到非佢不可
況且識彈樂器嘅人好多
我知每人手琴/結他有分別
但人聲嘅uniqueness 係另一個level
其他歌手嘅session player :
1） 大致上跟你首歌彈
2） 唔一定係固定
3） 以伴奏為主，that’s why 你個認知係咁
Band :
1) 自己作歌編曲
2） 基本上係固定
3） 以自己band風格為主，唔會只係就一個人。有啲genre結他行先，有啲鼓同bass，夾嗰陣特別嘅節奏律動由鼓同bass建立，結他乜都可以幫下。
vocal冇撚所謂la，主要俾啲唔識又真知灼見嘅人都有個可以討論嘅位咁囉，例如歌詞、把聲etc。
因為玩音樂咁多年，對所有樂器嘅基準基本上係自己隻耳，唯獨vocal 就成日諗人哋隻耳。
Anyway，欣賞你提起呢點。答完你我自己都認真諗，其實係冇分別，大家都係透過供獻、分享 同 聆聽 （係依家啲人冇嘅嘢呀！🙉）去建立一個有pulse有pitch嘅官能刺激，所以你呢句都啱！不過depends on 邊個講。
其實pop band的確係聽人聲為主，貼地d我當你聽Dear Jane，應該大部分人都唔會care後面個音樂底，因為呢類band既曲風本身就係人聲佔比最重，mixing上都係人聲最岀。
但當你聽d indie band既時候就好唔同，通常人聲同後面結他bass鼓佔比會比較接近，甚至結他最岀，例如ACDC Thunderstruck，經典一條結他riff由頭到尾。
普羅大眾冇特別中意聽某樣樂器既人會覺得人聲係主角其他係配角都好正常，因為如果唔識樂器，唯一比較容易識聽既就係人聲，亦解釋左點解會有分pop同indie，pop就係比較大眾，indie就係比較小眾。
下 我追咁耐Band，主推鼓手副推bass喎，唔通我係異類😭
（戴返頭盔先）vocalist into作品去演繹入心係正常，但係鼓手每一下鼓點嘅準確度、力度大細，係將成個作品昇華兼帶動情緒，完全係令聽眾同作品融為一體🥹 而bass嘅低音真係又sexy又elegant ，如果結他手係進攻嘅大將軍，咁bass就係企喺旁邊撥住扇指點江山嘅advisor 😎
唔覺依兩個角色都好型咩🙂↕️~
用咩replace魔法變出嚟lol 冇樂手邊個彈 播backing track都要有人彈先錄到studio version
純粹係你唔知道呢個世界上有啲band
不論係彈結他嘅，打鼓嘅，定係彈bass嘅
每一個存在感都好似主角咁樣
而存在感最強嗰個喺後面打鼓嘅
https://youtu.be/ltFNlTWDgU8?si=THTJqFOt8LGPDDm0
呢首歌我認為每一個樂手同主音都係主角
聽過一首個feel好似
https://youtu.be/-C7feQke-KY?si=ytQEW2xoCKP4WxnU
建議你去聽下 Dire Straits 之類, 你就知個 bass 有幾重要
樂手可以令成件事豐富好多，有層次好多，而且樂手有時仲會唱埋和音令主聲更好聽更立體，
主唱係重要，主唱唱得難聽，人地唔會想留底落泥聽，但只得主唱冇音樂，成件事就好dry...唔豐富，當然你話播背景音樂咪得囉...係得啊，但因應現場狀況去推高個氣氛係播背景音樂做唔到既野，推高氣氛，樂手係佔好高既功勞，樂手可以隨時換人？係，可以換人去彈，音樂唔會話出唔到既，但有冇默契，識唔識睇隊友去執生就又係另一回事啦...
另外夾band就係成班人玩開心，玩好玩，你是但揾個唔識既人泥“彈音樂”就唔係夾band既樂趣，你亦唔會睇到band既互動
如果睇完咁多留言都覺得樂手係廢既冇用既，fine...尊重你繼續你既堅持😄
錯 每一樣樂器我都聽得清清楚楚 主唱把聲我會當埋係樂器既一種
即係你淨係睇樣，如果歌手唔靚仔靚女就唔會吸引到你，另外你覺得只有cover個好聽，即係你根本佢對音樂嘅嘢認識好有限，唔識得嘗試去打開自己嘅眼界，唔好誤會我呢啲唔係惡意嘅批評，只係想引導返你用應有嘅價值觀去面對同埋接受藝術創作，係我唔啱，我諗唔到一啲再客氣啲嘅方式去表達俾你聽
我冇話原創band 唔好聽
兩個都好
但比較下呢首cover band 更好
況且音樂係主觀嘅野
我覺得band有 band 好聽嘅地方
但今次真係cover band好聽啲
外行人(我)睇法：
band由唱，作，演三方面構成
但由band轉為pop，通常受歡迎嘅只系主唱
因而散band，主唱solo，古今中外，屢見不鮮
呢個都係個問題
Band 作歌呢個能力喺香港好似冇咁重要
有自己創作當然好
但唱人地啲歌又或者喺人地首歌嘅基礎上改啲自己嘅野
對觀眾嚟覺都未話唔得
你提到散band後得主唱跑出真係好常見