認真一問
其實band啲人都係聽個主音唱
啲鼓手結他手有乜用（尤其彈bass）
佢地同啲歌手出show時後會彈琴嘅人有乜分別
試吓入場睇一次band show，你就會明，試下唔好淨係聽純pop 😀
樂手作為固定band member 隊band嘅歌佢哋肯定都有份參與創作討論
覺得自己嘅樂器點編排先會令首歌好聽d 表達到個情緒 增加到層次etc
與其覺得vocal係主角 其他人係配角
不如話vocal嘅人聲本身都係一件樂器 每個成員應該係平等嘅
如果主音有飆高音嘅位去show off自己
咁樂手一樣有樂器solo作為killing part
結他solo drum solo bass solo keyboard solo
每個樂手都有佢哋可以成為主角嘅時刻 差在隊band自己點安排
有時歌手開live都會搵鋼琴/live band伴奏
但嗰d樂手只似係接job演奏 d歌本身唔係佢哋嘅創作物
咩人搵佢哋做support佢哋就彈咩歌咁
淨係有冇參與歌曲創作呢點已經係好大分別
或者你可以試下聽歌唔好淨係聽歌詞 淨係聽個主音唱乜
（雖然有d主音都唔係真係唱歌 各種screaming鬼叫都可以有😂）
可以focus喺樂器演奏/純音樂嘅部份
甚至搵d冇主唱 專搞instrumental嘅band嚟聽下
如果你試完都係get唔到嘅話
咁只可以話你好遺憾地欣賞唔到band嘅世界
認真答你
一隊functional嘅band係創作過程（寫歌、mv概念、宣傳方向等等）係成隊人一齊合作。你見到嘅成品係個個人有份input唔係淨係主音
雖然佢個問題本身都唔正確，但係好多人都唔明佢問乜。佢唔係話bass，或其他樂器無用，而係問如果大家反正淨係識個主音，咁用band嘅方式出道，同個歌手以個人名義出道，但係啲樂手 (都係同一班人) 唔叫樂隊成員而只係伴奏嘅樂手有咩分別。
舉個例，桑田佳佑其實一直都屬於樂隊Southern All Stars，但係好多人淨係會講桑田佳佑，咁隊樂隊嘅意義係乜嘢？
我唔係話佢啱，但係佢問嘅係呢樣。
又即係如果家駒唔組Beyond，但係每次出show都係搵家強、世榮同阿Paul伴奏。
我俾佢嘅答案就係，同結婚一樣，你都可以唔結婚但係一齊生活㗎，咁點解你要結婚呀？因為你地鍾意囉。咁點解人地要組band呀？因為人地鍾意囉，關你鬼事咩？
你試吓走淨條vocal，你仲覺得首歌有冇咁好聽？ Bass 好重要，係個和弦同groove 嘅根基，首歌一入bass 嗰吓先係最帶動情緒啦。
咁可能朗誦啱你？
即係咁，你聽得band就係聽全部，唔好將聽歌手嘅習慣套落嚟
「其實band啲人都係聽個主音唱」已經錯晒
可能你需要重新審視一下自己點解要聽band
如果仲係咁覺得嘅話 我建議你返去聽歌手算
認真的。
有人講過，隊band冇bass等於男人冇咗個春袋
啲歌手開演唱會後面都會有成隊band啦
大家真係好好耐性
作為前主音
睇呢個post好火滾
既然你知自己唔明
其他人解釋你又反駁
首先
你認為band隊啲觀眾只係去聽主音已經大錯特錯
band隊係每個岡位都一齊有貢獻嘅團體
記住係團體！
儘管有啲岡位的確可能多啲人留意
但一個團體就係每個人都會創作
每個人所經歷嘅事唔一樣 又有唔一樣嘅情感
創作又點會一樣？
你理解唔到呢件事嘅話
其實聽Band唔岩你
你去聽Solo歌手就ok
好多band都甚至係無人唱
如果你淨係聽個主音唱，即係唔係聽band sound 啦
我地隊band 4個都會唱
https://youtu.be/RZ8TApSZhFc?si=yLrjYaOvQl9ZWAmF
彈Bass既樂手 係會令首歌既底音更加豐厚，令節奏🎼更有層次感，bass 音色低沉，從搖滾樂角度來講，bass手絕對係佔樂隊的重要席位
你咁講 啲大台歌手 大部份首都唔係個 歌手寫 佢有咩資格唱
please tell me this is ragebait
以前都有五月天fans嘅朋友講過：其實演唱會要阿信咪得，其他人向台度做乜 😂😂😂
你係咁話啲樂手係配角唔重要，擺明係你粒星開完演唱會啲人淨係贊隊Band啦，只怪你粒星唱得難聽囉。
香港人而家啲聽歌習慣係咪真係扭曲到咁，聽band竟然齋聽vocal唔聽arrangement，試問下如果RHCP冇咗 John Flea 同 Chad乜有人真係會奇撚怪到走去聽Anthony?
一隊band無bass，
就等於一個人缺少左內涵咁lorr🥶
一隊樂隊 每一位成員都咁重要！由音樂創作去到live Performance，各施其職.
你去睇吓The Hertz 現場表演嘅片你就會明！五位成員都咁好睇！5個都係主角！
https://youtu.be/nMQt1Zo5tqs?si=e_j9zmOaNetp2UE5
我去睇親show都會影埋其他樂手。。。
甚至因為鍾意一個鼓手而去睇其他歌手嘅show
唔識尊重一隊band唔使話俾所有人知🙏🏻
即係你覺得每個show都好似tvb咁，播個背景音樂就唱就ok?
其他歌手嘅session player :
1） 大致上跟你首歌彈
2） 唔一定係固定
3） 以伴奏為主，that’s why 你個認知係咁
Band :
1) 自己作歌編曲
2） 基本上係固定
3） 以自己band風格為主，唔會只係就一個人。有啲genre結他行先，有啲鼓同bass，夾嗰陣特別嘅節奏律動由鼓同bass建立，結他乜都可以幫下。
vocal冇撚所謂la，主要俾啲唔識又真知灼見嘅人都有個可以討論嘅位咁囉，例如歌詞、把聲etc。
因為玩音樂咁多年，對所有樂器嘅基準基本上係自己隻耳，唯獨vocal 就成日諗人哋隻耳。
Anyway，欣賞你提起呢點。答完你我自己都認真諗，其實係冇分別，大家都係透過供獻、分享 同 聆聽 （係依家啲人冇嘅嘢呀！🙉）去建立一個有pulse有pitch嘅官能刺激，所以你呢句都啱！不過depends on 邊個講。
其實pop band的確係聽人聲為主，貼地d我當你聽Dear Jane，應該大部分人都唔會care後面個音樂底，因為呢類band既曲風本身就係人聲佔比最重，mixing上都係人聲最岀。
但當你聽d indie band既時候就好唔同，通常人聲同後面結他bass鼓佔比會比較接近，甚至結他最岀，例如ACDC Thunderstruck，經典一條結他riff由頭到尾。
普羅大眾冇特別中意聽某樣樂器既人會覺得人聲係主角其他係配角都好正常，因為如果唔識樂器，唯一比較容易識聽既就係人聲，亦解釋左點解會有分pop同indie，pop就係比較大眾，indie就係比較小眾。
下 我追咁耐Band，主推鼓手副推bass喎，唔通我係異類😭
https://youtu.be/ltFNlTWDgU8?si=THTJqFOt8LGPDDm0
呢首歌我認為每一個樂手同主音都係主角
建議你去聽下 Dire Straits 之類, 你就知個 bass 有幾重要
樂手可以令成件事豐富好多，有層次好多，而且樂手有時仲會唱埋和音令主聲更好聽更立體，
主唱係重要，主唱唱得難聽，人地唔會想留底落泥聽，但只得主唱冇音樂，成件事就好dry...唔豐富，當然你話播背景音樂咪得囉...係得啊，但因應現場狀況去推高個氣氛係播背景音樂做唔到既野，推高氣氛，樂手係佔好高既功勞，樂手可以隨時換人？係，可以換人去彈，音樂唔會話出唔到既，但有冇默契，識唔識睇隊友去執生就又係另一回事啦...
另外夾band就係成班人玩開心，玩好玩，你是但揾個唔識既人泥“彈音樂”就唔係夾band既樂趣，你亦唔會睇到band既互動
如果睇完咁多留言都覺得樂手係廢既冇用既，fine...尊重你繼續你既堅持😄
錯 每一樣樂器我都聽得清清楚楚 主唱把聲我會當埋係樂器既一種
即係你淨係睇樣，如果歌手唔靚仔靚女就唔會吸引到你，另外你覺得只有cover個好聽，即係你根本佢對音樂嘅嘢認識好有限，唔識得嘗試去打開自己嘅眼界，唔好誤會我呢啲唔係惡意嘅批評，只係想引導返你用應有嘅價值觀去面對同埋接受藝術創作，係我唔啱，我諗唔到一啲再客氣啲嘅方式去表達俾你聽
唔識咪問下，我都想問呢個問題好耐
真心無惡意想了解下
不過好多人好rage
外行人(我)睇法：
band由唱，作，演三方面構成
但由band轉為pop，通常受歡迎嘅只系主唱
因而散band，主唱solo，古今中外，屢見不鮮
唔係㗎，就係因為每一個人嘅角色都好重要，所以先叫做band
同一款樂器唔同人嘅彈奏同演繹都會影響嗰首歌嘅感覺
每隊band有唔同樂器有唔同風格嘅演出，就會有形成好多唔同風格嘅樂隊
而主唱雖然係成首歌嘅靈魂，但冇「後面嘅人」支撐着根本就唔能夠代表嗰對Band
我自己就彈琴嘅，都唔會覺得成為咗主唱嘅配角，而係覺得呢件事係共同
band就係一個共同體，冇話邊個係主角配角，如果要講就會話全部人都係主角