認真問 點樣先可以唔好咁care人哋點睇自己
永遠都意識到自己太在意人哋諗法
但就係做唔到唔care
永遠意識到自己太在意，呢個本身就代表咗你一直將注意力放喺「自己喺人哋眼中嘅形象」上面。
好多人以為「太care人哋點睇」係因為太關注他人，但其實相反。
正正係因為太專注自己，所以成日諗「佢哋會唔會覺得我好蠢?」「我啱啱先講咗啲咩?」「佢哋係咪睇唔起我?」呢啲念頭。
表面上關於「人哋」，但其實主角一直都係「我」。
試下將注意力真正轉移去其他人身上，例如真心去了解佢哋嘅想法，唔係為咗猜測佢哋點睇你，而係單純想知佢哋點睇一件事，佢哋關心啲咩，留意下佢哋嘅感受同需要。例如「佢而家好似有啲唔開心」而唔係「佢係咪因為我先唔開心」。
當你對其他人嘅興趣同生活真正感興趣，當你專注聽人講嘢，你會發現根本冇時間擔心自己表現成點。而當你真正關注緊其他人而唔係「其他人眼中嘅自己」，個焦點自然會轉移。
你會發現，原來大部分人都忙住諗自己嘅嘢，根本冇你諗得咁在意你。
呢個唔係一朝一夕嘅事，但每次catch到自己又喺度諗「人哋會點睇我」，就提醒自己「咁佢而家其實諗緊啲咩?」將個問題由inside-out變成outside-in，咁慢慢就會輕鬆啲。
加油！
因為你驚人地點睇你係表徵 內裡係你嘅內心對自己嘅不安 唔夠自信 你自己唔信任你自己 可能係原生家庭影響你 可能你成長經歷
可以做嘅嘢係多見識呢個世界 唔係睇人地開郵艇果啲 係睇下外國唔同人唔同生活（最好親身去） 用咩形式生活 之後諗下自己點解不安 覺得自己點解不足 睇下學下嘢做下新嘅嘢有冇令你安心啲 再客觀諗下呢個世界無論靚嘅醜嘅叻嘅蠢嘅富嘅窮嘅其實都係用緊自己方式生活 你不需要比人好 但你亦遠遠不比人差 慢慢你內心就會對自己多左肯定 之後就唔會咁介意其他人點睇你
我罵他是他有病，他沒病我為什麼要罵他？他罵我也是他有病，他沒病為什麼要罵我？🤣🤣
bb 你只要記得全世界無人比你更了解自己就好啦 人地望你都係佢地自己片面既諗法 你眼裡既自己先系真正既自己 所以只要任何人對你有咩否定而你自己唔同意既話你只要相信自己唔好理就得 佢地所有否定都係廢話
你不是你以為的你（人常常活在主觀的錯覺中）；你也不是別人以為的你 （別人眼中的你只是他們根據自身經驗、偏見所投射的影像）；你是你以為別人以為的你：我們不斷地觀察、預測別人的反應，並修正自己的行為。我們所表現出來的自我，往往是為了符合我們「以為別人期望我們成為的樣子」，不受控地在意他人，係你期望成為他人眼中果個「理想」既自己，其實係天性或家庭train到自己甘，當你真正分析到自己想成為點既人，脫去果個「理想既自己既形象」。
Build up 自己內在
自我價值感低嘅人先會易受他人言行影響
https://youtu.be/IHavDXDuX0c?si=EQgo2cwaupxP7wQQ
欣賞你在意人哋諗法👍🏻
至少尼種人，唔會自我中心
贏咗起碣14億人嫁啦
唯有增強自己實力，當自己足夠強大，所有人都可以不屑一顧😏
要完全不在意別人的看法，根本是不可能的！多多少少都會在意別人怎麼看自己。
但重點是，我們要學會 「選擇性在意」！你的人生是你自己的，不是活給別人看的！
別人的看法只是參考，最終的決定權還是在你手上。
所以，放輕鬆一點，做自己就好！
當你再經歷多d
時間長左你就會意識到唔可以再內耗落去
到個刻你自然可以升華到唔會理人點睇
燈打下來的時候，看不見台下。但總覺得有人在看。怕笑太大聲，怕走錯位，怕台詞講錯一個字。以為台下坐滿了人，每個人都在打分數。手心出汗，連呼吸都在算節拍。
後來才知道，台下是空的。那些人根本沒有在看。他們有自己的舞台要上，有自己的燈要打，有自己的台詞要背。他們經過這裡，只是剛好路過，連頭都沒有轉。
他太習慣在舞台上生活了。從小就有人說，要表現好，要得高分，要讓別人喜歡。以為舞台就是全世界，以為那些目光就是空氣。可是忘了，可以走下台。可以坐在觀眾席，看別人的演出。可以關掉燈，讓舞台暗下來。可以把劇本丟掉，說一句沒有人寫過的台詞。
他太在意別人的看法，是因為讓太多人坐在觀眾席上。那些位子是自己留給他們的。以為他們會坐很久，會認真看，會給掌聲或噓聲。可是他們只是路過，坐一下就走了。而台上的人，卻一直站著，等他們回來。
清空觀眾席吧。把那些位子收起來，把燈關掉，把劇本塞進抽屜。走下台，走到街上，走進市場，走進沒有人認識的地方。去買一顆橘子，剝開，吃一口。沒有人在看。沒有人會說剝得不好看。沒有人會說該怎麼吃。
那顆橘子很甜。吃完，擦了擦嘴，發現自己剛剛笑了。
不是為了誰笑的，是因為橘子真的甜。那時候會知道——原來不care別人的看法，不是變成一個不在乎的人。是變成一個，只在乎橘子甜不甜的人。不是不care，是還沒學會把觀眾席清空。現在可以了。
我就拎烏薩奇淘寶布袋出街，
望住隻烏薩奇好開心，
唔理其他人目光，
想帶佢出街就出街。
下面有個故事
你以為人地望你黑頭
人地話唔係
你以為人地望你個鼻
人地話唔係
你以為人地望你塊面有無污糟野
人地話唔係
你以為人地望你塊面
人地話唔係
你以為人地望你
人地話唔係
你以為人有少少鐘意你
人地話唔係
人地可能望緊你身後半米至十米個帥哥或靚女，
但又唔叫你走，
因為你有企係度嘅自由。
唔舒服可以行開一點，
真係追住你唔放你就要小心一點。
上一兩年好興
關你蛋治
關我蛋治
關佢蛋治
其實唔需要為人地負責
你嘅人生係你嘅
花生友嘅人生係花生嘅
你會俾你嘅專意力落你覺得值得嘅人上面
有時候有d野或人
到頭來都係過客
記得幾多睇佢值得你記幾多
只有反擊，增強自己能力，屌哂全世界
你會有返自信，繼續屌爆全世界，你就開始會講who fuxkin cares
一般待人接物唔好太多內心小劇場，說話講完就算了，不需再深究，作過多的自我檢討。
我以前都係咁🥲
後尾發現每個人都係過客, 根本唔會太快心思記其他人嘅嘢，因為所有人都係專注自己！而到死個刻，我地都係得自己去面對😇 所以決定唔理人咁多，專注咗自己先~
1. 揾下自己想成為點嘅人。
2. 排除一切達唔到你目標嘅人同comment 。就這樣
世上只有三件事：天的事，他的事，我的事。
別人怎麼看你是他的事，不關你事。
當你去到一個點係冇精力去理無關痛癢嘅人點諗，尤其係同事、甚至朋友，只想理掂自己為自己而奮鬥，自然唔會理
做吾到的, 老土d講就係試下試多d興趣, 搵d有趣既野入坑, 然後將個心擺晒落去就會冇咁care人地講(for me 係work既🥹
要睇吓你有幾想做到嗰樣野，當你有樣野好想做到時，自然會屏蔽好多外間既聲音
改善咗好多好多，多關注下自己嘅需要，做啲可以令自己想做嘅嘢，其實最緊要嘅係有屋企人背後嘅支持。
你而家走出街大聲唱返首用背脊唱百鳴歌，你就唔會再在意
我都覺 依家儘量唔太care
有時太care自己會傷心