認真討論，點解姜濤跳舞係唔好睇？Fatboy跳舞都好睇，所以唔關體形事，係因為排舞問題？定佢冇出力跳？定表情管理？ 睇唔出個種表演活力嘅感覺，
但論排舞嘅話，dancer跳同一隻舞又冇難睇嘅感覺
你見佢好用力
但個range其實好短，啲動作無去晒，好早收
好似跳緊手指舞咁
應該係基本功唔夠嘅問題。台上一分鐘，台下十年功。Fat boy 舞龄應該超過10年，佢已經唔係Dancer 級別，佢未出名前已經教緊班。所以，感覺姜濤表演嘅係外在嘅東西，好似發力都係靠一股蠻力，冇左內在核心嘅鬆弛感。
應該係排舞嘅舞種比較特別，偏向現代舞講故事。如果用kpop 角度睇會唔慣。 你可以試下獅虎流，佢同fatboy 一齊跳同一舞步，無覺得比下去。
舞蹈家梅卓燕也讚過姜濤，所以姜濤跳舞應不太差。
純客觀分析。我覺得你都係真想了解，唔係有心黑佢，所以同你一齊探討下。
微見：佢跳舞硬"骨骨" ，冇左一個鬆弛感同美感。同埋套衫同身形唔係好甲😮
因為本身唔係跳舞底佢打籃球架嘛，之後d custom design又唔係d鬆身方便活動嘅物料，所以有時有啲明星彩排嘅時候係跳得好過表演好似Britney spears 咁
佢d 舞要連埋成個編排story 一齊睇。因為佢跳嘅唔係Kpop，係more Krump & Contemp。Haters 往往 cut 走晒d dancer，搵d 唔好嘅角度，又唔係連埋首歌一齊聽。好似Dummy 個打頭動作，明明係好有含意，但就會比人剪出來恥笑。
同埋佢由細到大都冇受過跳舞訓練。只係19歲參賽先叫做開始接觸跳唱，當然冇咩基本功，但大家就攞專業dancer 把尺來恥笑佢。我有時都會諗佢唱蒙嘴呢d 大家最受落，又或者專心唱慢歌條路會容易好多。
不過anyway, 我覺得近年佢已經進步左好多，特別係Boulder呢一類嘅排舞，我就覺得好啱佢。但呢隻舞如果你cut 走晒d dancer, 再低炒又影到好肥，咪咩美感氣勢都冇晒，就係平時haters 果d 片。
跳hiohop但佢完全冇grove
0 extension 冇放開嚟跳
肌肉control同shape ok嘅
全部都係foundation唔強嘅問題 佢同好多跳kpop/cover起頭嘅人嘅問題一樣 我啱啱開始由kpop轉hiphop都有呢啲問題
但其實又唔係冇底 練返一兩年已經可以進步好多
同Anson lo拍埋就睇得出分別 起碼Anson lo係dancer出身齋講跳舞係幾好
利申12個都唔鍾意bye
依樣係姜本身唔夠Flow既問題，依樣除左天生對音感好外，仲要長期大量練先會有。
三十年後D後生仔女問：伯伯 點解以前姜濤咁紅既？ 伯伯我都唔知點答😭
我可以同你解釋一千個字，顏值，人品，思想，談吐，作品，表演，但我知你冇一樣嘢會認同。我覺得佢好touch 到我，但你同佢磁場唔夾咪咩都get 唔到，其實歸根究底咪就係緣份問題，so let it go la.
let go唔到 因為你地影衰香港
以前香港偶像紅遍大陸台灣東南亞韓國
而家因為你地，香港偶像已成笑話
講表演仲好笑 上面又肥又跳得柒你想點解釋
而家我只希望二十年後當姜嬸都百年歸老後香港可以有返正常偶像
依家都冇人阻止你捧你認為嘅正常偶像㗎。姜濤係全民造星冠軍出來，係經過多輪評審淘汰，毫無懸念咁贏。你唔知點解，你自己睇返顏值巔峰時期嘅姜濤咪好易理解囉。但就算佢肥左，身型同情緒係低潮都仲咁多人不離不棄，就係佢嘅人格同作品魅力囉。你好唔忿氣唔使等20年㗎，咪努力呼朋喚友支持你想支持嘅人囉。
你點諗你事 反正你地都上晒腦 總知記住香港偶像以前大陸海外都好威 而而家香港偶像變左笑話 真係多得隻肥嘢同埋你地 你地令香港蒙羞
佢跳舞好似記step...
睇唔到佢係enjoy跳嘅過程！
btw... 其實我幾欣賞佢,
後生仔敢做"孤獨病"呢首歌,
希望佢繼續努力💪🏼
肥姜唔話得架 D 傻嗨嬸只會話你係hater囉 班傻嗨要盲九撐真係冇佢辦法😂
佢跳舞次次感覺都係一樣，個姿勢係無做完就完左，好奇怪，仲有好硬。其實我好懷疑肥仔夠境有冇教過佢，佢係堅無進步果隻。
同一個動作，做多一寸同少一寸係好大分別
有時我地睇嘅短片係一啲好簡單動作嘅舞，叫人跟住跳，明明跟個個人跳到，點解都難睇。其中一個原因可能係動作唔夠大，當然仲有好多其他因素，但單睇你呢段我觀眾角度睇會覺得係佢身型變左，但動作個幅度唔夠大，所以冇咁好睇
腳傷會有影響嘅
佢康復期嗰陣又掛住打波唔聽醫生講呢，所以佢跳舞嘅上限已經到咗
又或者咁講，只係郁手郁腳唔可以稱為跳舞，一個人識唔識跳舞係睇條腰郁得好唔好睇、靈唔靈活
其實依條片已經叫到跳得好過之前嗰堆，之前0分，依家5分，滿分100
其實跳舞要靚，執details係其中一環。
佢好似冇乜。
睇左幾轉，先係正常睇，跟住SCROLL走上半身，再SCROLL走下半身。睇下半身果時，成段好似企嚮度唔郁。上半身果段，只係睇佢兩隻手係咁FING。好睇唔好睇我唔太識講，不過睇其他人跳既話，都比佢既動多都多少少。再者，佢著呢D衫真係好縛手縛腳，比番件鬆身D佢著啦。
因為佢唔係dancer，dancer背後多年練習訓練，d movement係浸出黎
唔係大家跳同一隻舞就一定好睇
我每次看有人評論姜濤跳舞，我都會想到大家也是這樣說蔡依林，老老實實是靠努力去彌補而不是天生的舞感。
兩者跳的也不是常見偶像的舞種，自然不容易讓大眾接受
身體唔夠軟 斬開D動作 當佢都做到啱位 但係動作連動作就冇咗個種連接
其實無論佢跳乜，都有班盲粉埋單，仲要護航，仲要人身攻擊番批評佢嘅人
咁佢駛乜有進步？