📌 誠心請教大家，我好想
共 38 條紀錄
誠心請教大家，我好想讀社工，或者做活動助理，（因為我講出去frd只會笑我），
我依家中四，其實除左讀書+出面啲義工時數，有冇證書真係有用？
同埋有啲乜可以提早準備，點先唔會執輸？
希望您地可以指教🙇🏻♀️
建議唔好曬時間做義工，dse夠分就入到社工
dse唔夠分就去學店比錢讀社工攞社工牌（明愛/宏恩）
我就係真心既，我建議你做社工，如果你有野心，記住幫人係唔重要既，要做數，做數，做靚條數。
然後一直處於高位，見高讚見低踩，刷刷鞋，升做IC，炒晒所有同你作對既人，再信耶穌，返下教會，目的唔係信主，係要同班信主既高層一齊上。
現今社福界高層都係呢個形態，加油。
NGO高層係可以年年自己加自己人工，
喺一間中心就算你幾低學歷都好，唔怕，
咩物理治療師/職業治療師/言語治療師/運動學教練/護士長，就算幾高學歷因為你係IC都買你怕，放心做，記住唔好幫人，每年做數做數做數，用唔同手段做靚條數。
我係社工year4(今年畢業)
可以先諗下你點解想做社工，係想搞活動？想幫咩群體？定係點樣？ 你再探索下先
如果純粹想搞活動嘅，其實唔唔做社工嘅都可以
跟住就自己上網去理解多啲而家有咩唔同嘅社工服務同埋服務類型，同埋留意多啲時事新聞，香港嘅一啲政策同埋大問題等等，都可以幫到你嘅interview
然後最重要就係努力你嘅dse，最少都要有5個2可以入HDSW
唔好揀一啲social science 嘅asso，就算你好靚既gpa都未必可以升得返上去，只會浪費咗兩年，身邊有朋友就係咁樣🥲
我感想係讀咗呢四年就覺得都真係唔容易
唔係嚇你，但實習係會有無盡嘅paperwork，要擺好多心血時間，連休息嘅時間都冇
你會需要好強大嘅抗壓力同埋心臟，尤其而家社會每日都轉變緊
義工時數果度就應該睇學院而定，我讀咗兩間學院都冇要求做義工
證書嘅話就其實繼續讀落去，再搵到啲自己有興趣既先去報名都未遲
Anyway，加油比心機~🫶🏻
有其他疑問嘅話就再問啦
之前幫手搞活動，我覺得社工開班帶組，好治愈，令大家有休息同平靜時刻，例玩手工，會專注多左自己內心，又可以傾住計咁，
而我想偏向關注青少年，畢竟自己經歷過，即使隔幾代又未必相同，但至少有人肯聽佢地講野，好方心咁唔會擔心屋企人知，已經係最基本，
dse我會再追，目前得212A21，但又揀左商科，好似完全無關係...有D後悔，會再畀心機，多謝
如果係鍾意搞活動嘅層面，其實pw 同ww都可以做到搞活動，而且應該會比較容易去做~
社工需要做既野遠比搞活動仲要多同埋困難複雜
明白你想關注青少年嘅心，我自己都係有興趣呢方面，不過而家市道上比較需要嘅係Rehab同Elderly 嘅社工，所以自己都擔心緊出到嚟搵唔搵到youth嘅SW位😂😮💨
同埋政府而家又cut budget，所以都真係好唔容易，要諗清楚呀~
Dse果度其實咩科目都唔緊要嘅，我中學係讀理科，其實都冇關係㗎，都唔影響🤣
依家儘量考好dse，考得好就順？啲（直接入到想入嘅科目，入唔到可能就要FD/HD駁，再睇下你自己想唔想讀返上去，不過呢段時間可以慢慢探索自己啱唔啱讀）。其實有好多義工時數+證書，但interview展現唔到你係呢啲參與過嘅活動入面有咩領悟/得著就冇咩用，所以參加得活動可以諗多啲有咩得著好似會幫到你多啲，另外就係社工科畢業要求要儲義工時數，但呢個時數要你開始讀呢科先開始計。提早準備嘅話可以試下多啲同唔同人傾計，到時去到要實習嘅時候就唔會怕醜，加油呀希望幫到你🫶🏻🫶🏻🙈
做社工都要有社工牌，要讀書，依家你可以做的係考好DSE才有選擇權
先嘗試做義工，有興趣來我中心「愛德循環運動」認識一下我們的服務，16/5下午有義工訓練班。之後，如果你想讀社工，我可以跟你傾下，我也曾是多間大學/大專的社工實習導師。
唔好浪費錢讀唔知有無用既課程
有能力就考高分入大學揀社會工作
讀書唔叻至少都讀5科2包中英
讀HD or asso
唔讀書無可能做到
你應該想搞活動，不如讀marketing 有趣好多
要知道現實嘅社福界唔係你有一腔熱血真誠就可以捱得住
趁你而家入大學仲有一段時間不如去Explore多啲義工活動或者去了解吓一啲機構文化
例如試吓join唔同機構，唔同服務對象嘅義工隊，青少年又試下長者服務咁
摸索一下你對行業嘅嗰個想像係咪同你所想像嘅接近
或者係你對邊一個服務對象比較擅長
搵自己嘅強弱項，對自己認識多啲
仲有兩年時間你再決定係咪真係要揀社工，定係話可能你試過之後，覺得唔合適
At least你都對自己了解多咗
dse 考5條2去讀社工hd，拎社工牌，有剩時間裝備下自己，學下運動，音樂，手工或者跳舞，學到可以教班果種，活動助理唔好做，無前途
支持！
做吓義工好好
尋找自己有興趣的area
社工都有好多不同的工作和工種
同再培訓都有好多自費或免費的選擇
DSC 要努力，但為它找到意義也好重要
有啲義工唔太重負擔，一次半次，亦有網上做到的，有啲寫嘢文書又有，幫吓活動進行又有。識吓人傾吓，擴闊自己
如果身邊都係啲會笑你嘅人
咁你係時候去找啲鼓勵你啦，同埋有正能量嘅人囉
或者喺你屋企附近嘅青少年中心等等開始嘗試？
唔好被人打擊咗自己，想去了解就去，想問就問，加油
我個路程，係dse畢業，去左一間NGO到做左一年PW, 睇下自己係咪真係有興趣係呢行發展，再去報社工課程，面試唔係只係睇DSE 分數，反而都著重你工作經驗，係面試方面，你會有著數，不過雖然係non jupus, 但唔會冇機會，同埋社福界面對緊cut budget, 諗清楚再入行
dse完ngo會咁快肯收？其實pw會唔會比社工易啲？
我見到你想做社工 義工給了你什麼體驗 幫到受助者 助人為快樂之本 ⋯⋯ 撇開不談籌辦不同性質(補救/預防/發展性)活動外 你覺得社工怎樣才提供了適當的輔導
我說的 不是怎樣入讀 而是 你是個怎樣的人 配合修讀這一科 (social and art)
可以考慮吓幫d你想做嘅服務對象嘅機構做義工，唔單止係義工時數，有時人脈都好重要～大學社工系fieldwork supervisor 路過☺️☺️
首先我好欣賞你，咁細個已經知道自己想做咩，有咩目標。當然你仲細，試下參加多d 唔同學校及校外機構搞的活動，豐富下閲歷，亦為自己中學生涯創造下回憶先，相信對你會有啟發同幫助
依家係中四既話，最重要都係讀書。
基本上讀書，成續夠，直入社工degree ，有資助咁讀，讀完有牌。就係咁。
其他所有類型證書，係你大左大學，大把時間讀。
讀書可能就係最想逃避既部分，諗點樣幫到自己高分，呢個過程已經係學緊有系統做事、訂立目標、目標為本、感受自己既壓力同情緒、時間分配、善用埋AI 。基本上有以上能力已經好幫助學社工，有餘力既幫埋人補習，賺錢之餘學溝通技巧。