請問呢度有冇啲拍咗拖好耐嘅情侶？
自己同另一半嘅情緒都係好穩定，
好少發憫憎同嗌交？
差唔多九年 另一半好穩定 我唔穩定 一齊一兩年之後勁少嘈交 因為佢從來唔還口 依家變到我都好穩定😂
拍拖八年結婚三個幾月，另一半情緒好穩定幾乎都係佢就我，拍拖五年個陣求婚等我master畢業先搞結婚一句怨言都冇，相處時間耐咗好清楚大家諗咩，慢慢變到我都穩定咗，最多係口角嘈兩句，但好快都冇事
希望我都可以改變我另一半。
不過男女角色掉轉係咪呢？
佢都好有進步，
由發脾氣到發憫憎，
由發憫憎到黑面，
不過有時想同佢分享啲開心嘢嘅時候見佢黑面，
又好冇癮⋯⋯
由好細個毛都未生就開始一齊，係初戀，到而加一齊左14年，愈來愈愛，成日會好掛住佢😂大家好有默契，互相係大家嘅「情緒病藥」
14年，無嗌過交！ 我易燥底，但老公真係唔會大聲同我講野！ 我都習慣哂見好就收！ 燘完就算
全部都係話 個女情緒唔穩定
受男方影響慢慢變穩定 或者識收
有無調轉男女角色架？ 想知
我係女，
但係我係因為男嘅情緒唔穩定，
令到我經常因為佢而心情唔好。
我影響唔到佢😂
所以我想知道，
情緒都好穩定嘅情侶係咪唔多
我都估你係女
我嘅男都係情緒唔穩定
同你一樣
又係影響唔到佢
所以我都想知有無人成功影響男性情緒
（唔係熱戀期果d）
拍左幾年唔算成日鬧交
但如果鬧交，要冷靜一陣先再傾，廢事太受情緒主導講左啲難聽/傷害對方嘅說話
大家共識都係鬧交唔可以過夜，一定要即日傾完和好先可以訓覺，有次試過半夜鬧交，傾到天光先訓覺😂
5年 從來無鬧過交 另一半情緒穩定到成尊彿咁 鬧交都無癮
再睇番以前既我兩日一小吵三日一大吵 覺得自己好幼稚 同時亦都感恩自己揾到個情緒穩定既人
係囉，成日喺度嘈交
無啦啦中五又喺度嘈交
嘥晒啲時間嘈交嘈交嘈交嘈交
一齊十年後結婚三年，而家有左bb之後好似仲少左鬧交😂
以前細細個仲係form 4-6 果時可能一個禮拜鬧下交1-2 次，可能都因為壓力大啦😂但都係發下脾氣咁唔會分手level
之後就一路都好少，可能幾個月一次，而家再大左就半年先會唔小心發忟憎但10 分鐘內又哄返咁🤣
同老公一齊就黎7年，我地真係嘈過既交一隻手數得哂，但有耐唔耐輪流發憫憎(主要係有左小朋友之後)，嚴格黎講我地個理智線斷掉既點唔同，同埋當對方唔理智另一方就會自動波保持自己理智，避免事態惡化，通常發完憫憎既一方都會盡快冷靜之後主動檢討返剛才點解發憫憎同埋點樣避免下次再發生