請問收到上租客既追債信律師信顧問公司信應該點處理🙄🙄🙄
碌左D post 有人話退郵局
但有人又話郵局唔會幫手退返俾寄信人
又唔想用自己電話打俾果位何生 唔知133有冇用
用人地間屋地址黎借錢然後周身債退租真係好PK

我依家租緊個單位上手租客係租霸，欠業主租又欠街數，我無理，通知左業主一句我收到上手信，業主話條友成家潛左水，搵唔到，我先將佢所有信寫無此人，掉落郵箱，跟著佢哋寄掛號，郵差上到黎，我都係答佢搬走左，無呢個人，跟著我就無再收過任何追數信
因為我屋企有小朋友，我保險啲就通知業主，由業主通知物管，所有話要上我屋企嘅訪客都必須通知我哋，我哋批准先俾上，防止啲收數白撞

不埋它就超oK！它不會動你的。因沒人回應它！

其實是我家大堂保安建議我報埋管理處，因為同座高層試過俾追數跟住戶上左樓，之後係樓層貼滿欠債人相片同恐嚇字句，搞到清潔姨姨清左好耐，我聽完都會擔心

放心吧，收到信件，通常都唔會上門。我通常掉咗佢，如果有回郵地地址，全部退回。另外會用匿名電話號碼打返俾何生，每日幾百次。鬥玩野

你咪玩啦⋯⋯我上首租客拎我宜家住果到借錢唔還呀，搞到比人上門掉呢啲信嚟呀，嚇到我老婆同個工人死呀！最後咪要我打上去𨳒佢地同報警先冇事囉！

其實正常咁郵局退信，打返去話自己新搬黎可比証明等佢哋或者大家好做，好黎好去就唔會影響你，或者去警局備定案咁就夠曬，鬥玩嘢人哋爛身爛世你唔夠人玩，如果嗰啲地方佢得閒騷擾下你大家都冇著數不如好嚟好去用真正成年人嘅處理方法和平解決件事。

可以在信件上，寫上無此人，然後退回郵局寄信的郵箱（打回頭）

依家連人都要有Plus嘅version 

拎去警署報警，萬一之後有咩事都有得跟

無用 唔係恐嚇警察無嘢可以做

備案，個作用係萬一你再發生咩事，佢地最有嫌疑

都聽朋友講過警方會刮嗰D友叫佢地唔好亂嚟

備案係無用，備唔係立。
你備完行出個門口就下位
佢哋無責任同你查
就算佢構成恐嚇
你所謂嘅會搵晒D友叫佢哋唔亂嚟
有效期都係三個月
你三個月後又要等俾人恐嚇警察先可以再做嘢

我我係業主都試過這情況，不過我係新租客收到信，我處理，因為封信唔係寄，係係俾人放入信箱，入邊有溪錢之類。跟住唯有硬着頭皮，打去信入邊嘅聯絡電話同佢講，佢唔信，後尾我同佢講咗差唔多半個鐘，可以俾張新租約之類….新租客係公公婆婆，你會嚇親佢哋…..最後係傾掂咗，佢真係冇再騷擾新租客。其實這情況，我另外試過工人姐姐走路，七間唔同嘅財務公司寄信來，又係逐間打返電話俾佢哋解釋情況補返封入境處嘅離職證明，佢哋都唔會再搵你，反而我覺得唔理佢係唔得嘅，最驚佢哋用方法嚟搵你，到時仲煩。

持牌就得，冇牌大耳牛你睇下點

收到信唔係你，你係信封面寫「無此人」再放返郵箱，郵局會退。

覆個電話俾佢，將個事實講俾佢聽咪得囉，就係咁簡單!

揾地產代理

開張儲值卡打囉

一陣淋錯油就煩🙄

其實你打反個電話比追數嗰班人講反你係新租客五知上手事，咁就可以葛啦，因為我都有撞到過呢啲事，都係咁做

打電話就同佢講電話轉左人用 之後應該唔會再打黎

你可以揸住追債封信去報警備案，如果是租客你可以通知業主同地產代理人處理

其實唔關事只要佢曾經租過啲收數公司一樣有辦法搵得到

你折租客D信 無品

拆左果封大字信係人手寫我地址冇寫收信人我先拆的
我係宜家住客
另外有哂人名果D 都冇拆過🙄

先報警備案，及帶齊水電費單供警方確認。

以為係 PLUS 原來係 PIUS
Ian and LAN 既 fd

係 我睇多次兩封信先知道係Pius😂

我曾經試過，我地係業主，上手租客欠錢攪到收到唔止一間收數信，寫晒無此人都冇用，之後不停上黎追數，最慘欠債人同我地係同姓，佢地又問過管理員我地姓氏（家），攪左年幾到貼埋欠債還錢紙我地門口，我屋企人就爆，鬧爆個管理員做咩會俾外人上左黎，平靜左一排之後冇耐我地都搬走左

咩叫上租客啊？

唔使理佢

報警

Pius

報警另一選擇!

報警