請所有人見到呢間嘢都要走開，千祈唔好接佢哋啲Sample!
麻煩同埋你阿媽阿婆姨媽姑姐伯娘伯母舅母etc講
睇住個綠衫auntie行色匆匆經過，個外國人比左包sample佢，阿姨接左，然後想走，個外國人叫住（唔記得有冇上手）佢話仲有多包，類似「wait wait one more」之類，氹左個阿姨入去坐，然後就開始試嘢上手，個外國男人好似仲摸阿姨塊面，總之貼到好近..外國人+1個local女sales圍住，勁恐怖..
然後sell左個阿姨差唔多4-5個字都未完
覺得勁唔對路，一search真係有人遇過同樣嘅事，可以話係99.9%雷同..
觀察左4個字發現佢哋除咗派sample，有時仲會聊路人講嘢，然後先入正題eg Missie/小姐 我想問呢（指住人哋個popmart紙袋）你呢個係咪限量版labubu?/哇你地兩個好似樣喎！blablabla
印象中細個跟阿媽行街都遇過呢啲銷售手法 最後阿媽買左
完全唔明點解呢啲舖頭仲可以喺香港屹立不倒咁多年..

我早排發現中環D2出口行去中環街市條路都多左間會企出門口派sample嘅野，大家睇路

如果遇到被hard sell嘅情況，請記得呢條法例，企硬，千祈唔好因為佢哋施壓而妥協～如果有其他法例請幫忙補充～

我嗰陣都試過俾佢hard sell到🥲
嗰陣同佢講我係學生冇乜錢佢仲係咁Sell我
之後諗諗吓都係好唔忿氣
Send email去消費者委員會
先成功退款
今時今日仲用呢啲hard sell嘅方法真係好衰😖

有一次經過都問我個袋響邊度買🤣

仲有銅鑼灣皇室堡呢間 ，經過時，要行遠D， 行快D。

曾經喺同一個位試過
有白人女人加香港人 combo sales 🫸🫷
佢哋拎咗支peeling 幫我試
跟住叫我睇隻左手捽咗好多污糟嘢
我同佢講其實嗰啲係粉底嚟
場面一度極度尷尬😂😂😂

未試過嘅朋友 最緊要企硬唔take嘢

垃圾黑店

我個fd嘅做法係拎晒佢啲試用+唔講嘢+直接起身走人😂 冇錯，我的朋友就是我

之前我有post過相關，希望更多人睇到～

我遇到嗰間就係咁嘅款㗎😓😓😓😓

銅鑼灣果間個鬼佬長期塞sample俾人，要小心

O字頭呢間我試過金鐘鋪經過，見佢派，就拎左包，跟住都係你地知既程序。 例如sale我2支，跟住我話冇錢好窮，佢話送次Facial⋯⋯ 。又問我2支野鍾意邊支多啲？我答左1支，之後再講講下，佢原來入哂機問我用咩比錢？ 我心諗我都冇話過要買！ 一論戰爭後終於放我走，原來好笑容好好態度，到我走個時冇哂笑容，坐係位到都唔起身送我走😂😂😂 我心中笑左🤣🤣🤣🤣🤣🤣🤣🤣🤣🤣🤣唔買野即刻冇哂招呼。
跟住到早排黑雨係我第二次經歷，就係荃灣海之戀既Lionesse。幾個企門口派，我攞左包，佢就叫住我話幫我搽去黑眼圈比你試下，就另一個男sales幫我搽。搽完叫我坐入去休息下，等幫我搽既product吹乾可以睇效果。跟住1男1女坐係我前面，同我傾計，問我幾多歲我話28，佢話以為18。個女人話佢係係銅鑼灣某大廈分店做Facial的，做左好多年，因為今日黑雨有同事住上水返唔到黎所以黎頂佢。佢地就sale我peeling同Vitamin C serum。我一路不斷話我冇錢買唔起，人工低，佢就淨係不斷話可以用VISA/master/Alipay⋯⋯我話冇錢，佢話你碌左先，到出糧咪有錢囉。

終於有人講 海港城都唔知有幾多間

呢間嘢次次經過我都會避開行另一邊 經過佢門口都覺得勁大壓力 😅

其實問題係點解大家咁無勇氣去say no
點解要怕唔好意思
唔想買就係唔想買
對你個產品冇興趣就係冇興趣
唔需要諗好多藉口，咩冇現金呀冇帶卡呀，諗一諗先呀
佢哋都好意思係咁sell，其實我哋都可以好好意思地拒絕

我都有試過俾佢哋截住，然後我同佢講，我師父叫我唔好用有英文O字嘅護膚品，加幾下傻笑就走咗，只要你夠白卡，同佢估唔到你會咁講，佢自己都要原地諗一諗點應對

呢個答法都幾有參考價值🤣

係皇室堡見過類似，但冇留意係咪同一間
又係有個鬼佬，sales又係派sample同撩路人講野，eg你件衫係邊到買

我係屯門V city 瀨過，我係全職媽媽推住個歲幾嘅女，果陣係一個香港女人加巴巴地嘅男人當值
又係派野俾我，又俾個汽球我女，就撩我啲湊女經（但佢只係講佢啊妹個小朋友，都冇諗咁多），拉埋我近啲入櫃位到，覺得嘩幾nice 喎佢哋，之後又講個巴嘅係兼職老師黎
就入左正題，2個圍我，試野上手，又講到話送支野俾我喇，由頭都冇講啲咩要買嘅字眼，我心諗嘩做咩活動送野？同佢講多謝，之後佢埋尾問現金定碌卡
果下即刻人間清醒左，我話我全職媽咪冇番工，靠老公家用俾我持家，冇咁多多餘錢去買呢啲野，我買左就冇錢食飯
Feel 到個啊姐想面燶但我講到好慘又7情上面
之後佢用英文同個巴講我買吾起，個巴話吾緊要啦，我就笑笑口話吾好意思啊88，拖個女走
事後上網搵番呢間發瘟野，好彩夠窮冇中伏😂😂😂

佢講英文嗰下要用番英文答佢
其實你聽得明佢話你買唔起 再串番佢🤣

出哂名的黑店

仲有一間E字頭
又係有外籍所謂經理

行街咩鋪頭所有sample都唔好接

笑死 屯門v city都有間 行過又係咁 叫我拎sample唔洗錢 冇理佢行走左 我個仔去左埋去以為派比佢 我企到離間舖頭有啲距離先叫個仔返黎唔準拎 唔會比佢地有機會sell到我🤣

我有一次真係唔覺意畀佢哋拉咗入去，話我隻眼肚有眼紋，幫我查咗啲嘢，其實就好似收縮水咁將我個眼袋扯到好行，變咗一啲紋都冇，然後就猛話佢枝嘢有幾咁神奇，搽咗就冇曬眼紋。跟住就話乜嘢眼霜三千，五千，精華八千。。。。咁上下啦，然後咁啱我個電話響，聽個電話我就走人🤣

試過係又一城我去廁所，我媽話log on等，去完廁所入去log on唔見我媽，原來我媽入到去有個sales 捉住我媽隻手揸啲嘢然後拉左去左邊個counter叫佢坐低，加埋個外國人係咁sell。我媽拒絕左幾次，仲係到話咩外國人係manager有special discount 但永遠都講唔到價錢。到我入到去又打算叫我坐低，我呢啲見慣西客，即刻西面加西聲話唔坐同話抹走我媽手上既野 先幫我媽甩身🤣

Yoho都有間類似，唔記得叫咩🤔

Yoho有2間添

家中老友記中咗伏啦，比咗成萬蚊買產品同facial course！我直剷去同外籍經理嘈晒，至肯退番個course#無良#勸家中長者留意

Ohno..但都好采退到個course..我見留言另一個女仔打去消費者委員會投訴，全數退返，你都可以試吓

仲有朗豪坊呢間！
https://www.langhamplace.com.hk/zh-hk/shopping/301

第一集喺度呢間嘢專呃啲一個人行過嘅女仔衰到連大肚婆都唔放過，鳩噏佢成份話對BB冇問題，點知有A醇人神共憤

有次我行過大丸嗰間，個鬼婆走出嚟話我條裙好靚，我心諗都多鬼餘咁遠邊睇到，仲要成條裙黑鼆鼆，跟住佢問我喺邊度買，我話喺日本買，然後佢問我可唔可以影相，我好直接咁講一句no！然後佢好詫異，我就頭也不回走咗🤣，因為我冇按照佢哋編排嘅劇本做落去🤣🤣

機緣巧合下幾年前認識呢個品牌嘅女仔，聽過佢哋嘅分享，公司要求嘅銷售技倆、吸客入舖、乖乖坐低、狂讚大讚、兩個到三個齊齊殷勤招待、都做得相當稱職、非常之配合公司大方向，奉勸一句: 任何potential client就要打醒十二分精神，自己要識分辨究竟你對護膚品嘅需求係咪呢個品牌配合到你？😅😅

哇 我都試過！
有個姐姐係門口派sample 跟住就帶你入去 然後坐低就係咁sell
講咩「我係真係想幫你㗎」「你買完呢個就唔洗再買㗎啦」「我打個員工價比你啊」
我講到明我冇返工 最後都俾佢氹咗我簽咗9000幾蚊嘢🙂🙂🖕🏻

Omg ( ᵒ̴̶̷̥́~ᵒ̴̶̷̣̥̀ ) 我見有個留言個女仔都係比佢sell到，之後打去消費者委員會投訴，最尾全數退款，你應該都追得返( ᵒ̴̶̷̥́~ᵒ̴̶̷̣̥̀ )

門口光速接完sample之後箭步加速離開，有冇得諗？😂😂

可以試吓🤣唔理佢就得

推
間野真心仆街，叫你試嗰陣唔會講幾錢
最後見你嫌貴/outbudget會話吓呢個價錢係值架，有黃金成份乜柒乜柒仲話有人一個月買十萬之類
跟住見你真係想走就話做個大discount 俾你，見係你先咁咋，跟住會有第條友一唱一和喺度話唔好呀，做咩咁益佢呀，你唔買就好似對佢唔住咁
真係痴閪線鋪頭

通常有舖位都要企出門口拉客實冇好野

你啱 真係勁鬼..仲有logon入面間野都會咁樣派sample

logon 個間係咪洗手磨砂？

N年前細個見嗰隻係泥（？）mask 塗抹式嘅，用磁石擺上去會吸走曬啲mask，佢話會吸走晒皮膚啲污糟嘢，睇落皮膚會白左。（細個阿媽比人呃左買呢款，應該都有15-20年啦，嗰陣會覺得好新奇）

聽聞幾個牌子都係呢種銷售手法！屬於同一個集團！我好多年前喺時代廣場e字頭既中過招！同呢間手法差唔多。路過佢話推介用佢哋牌子嘅清潔面膜，可以入去試吓（嗰期咁啱搵緊去粒粒嘅mask）就聽咗佢講入咗去。入到去先係sell呢個爛鬼清潔mask 好似1500蚊？當時喺隻手試咗效果好似真係OK所以就俾咗錢。跟住又開始Sell眼霜，聲稱2000幾，我話唔要，佢就話買眼霜可以free頭先嗰個清潔mask。我繼續拒絕，跟住知道我係學生，又sell我買2萬幾蚊既藍色美容儀（叫埋個鬼佬經理一齊sell，話我都係為你好，呢set對暗瘡皮膚好有效）最尾好似買海鮮咁，萬幾蚊就可以拎去成套。當時越諗越唔對路，全部嘢唔係明碼實價嘅咩？又可以無啦啦減價，又送呢樣又送嗰樣？見我冇乜反應，又開始同我傾吓閒偈，幾個sales一齊Sell我。喺嗰間舖頭嘥咗成一個鐘！好彩最尾都淨係買咗個清潔mask冇買其他嘢！！btw個mask唔好用！！！勁廢！！！！完全係垃圾產品

呢啲牌子手法 我都遇過類似🤣 只要個下一貪心接左sample 就會9秒9搵野塗上你塊面 我試過俾佢地話眼袋勁 就塗左佢地眼霜 個下好似痴左AA膠響眼袋 極到不適🤣 我話快啲幫我落左佢 落完我就跑走

而家海港城起碼有六七檔😂好癲

佢哋邊度嚟咁多錢開咁多間㗎 睇嚟平日都呃唔少人🥹

有間粉紅色裝修嘅都係一樣，扮派sample，跟住就順手high啲嘢落嚟隻手度，等你要入去舖頭度洗，然後就hard sell 你。
好彩嗰陣直接入咗隔離廁所洗咗佢😂