📌 請教各位你哋會唔會
共 71 條紀錄
請教各位
你哋會唔會同一個有小朋友離咗婚嘅男喺埋一齊？
我哋都係3x歲
如果可以發問，我有冇乜嘢需要知道
你只會做到佢心中第二位，第一位永遠係佢小朋友，你用一世時間都唔會取代到果個位，你接受到就ok
同呢類人一齊，你預咗佢要有時間同小朋友一齊、或者同前妻聯絡，點都煩少少
接受到咪一齊囉
你或者要考慮將來使唔使同小朋友住
將來會唔會有自己小朋友etc
雖然我就唔想生小朋友，但唔排斥🤔
要同前妻一齊養小朋友嘅話好似有少kick
我親戚就係呢個situation，男既勁好男人，離左婚2年好快就同新太太結左婚，我D親戚都話邊個嫁著佢真係執到，連佢前妻都係咁講，話佢真係幾好，做曬所有家務俾曬份糧老婆，人品又好，只係大家價值觀唔夾，唔好標籤咗離婚的人
2個人一齊已經唔容易， 仲要加上小朋友， 難度更高。 你要問自己：
可以接受對方唔係將你放第一位？
可以接受對方突然失約？
可以接受對方唔能夠隨傳隨到？
可以接受對方金錢上會大部分留給小朋友？
可以為對方小朋友付出時間和金錢？
如果小朋友頑劣或者不能接受你 ， 男方可能會離開你？
太多可以挑戰你底線嘅事情，你準備好未？
如果你嘅愛夠大 夠包容嘅話 呢件事就變得好正面。
太多現實嘅問題， 例如如果你哋大家都有資產嘅話， 假設結婚好多年之後你哋冇小朋友而你又走先， 係冇立遺囑嘅情況之下你嘅遺產亦都會畀咗男方。 而佢嘅小朋友一般係比較長命，亦都係可以得到佢嘅遺產。 一般人未必願意將佢個遺產交畀冇血緣關係嘅人， 或者想留返畀自己嘅親生兄弟姊妹。 好多嘢好難喺而家問清楚， 但係你又要必須考慮嘅問題。 希望幫到你。
要肯定清楚佢係咪真係離咗婚先！
因為有D人會未搞清楚前一段關係就想搵定下一家！而你所寫嘅嘢，同朋友同呀居老公嘅做法好似！WhatsApp會轉黑色icon，佢個樣亦睇落似3x歲！
我係一個離咗婚既男人
雖然個女跟前妻
但無可避免一定要同前妻有聯絡
首先你要唔介意
至於後唔後母問題
我覺得而家年代唔係講呢啲
除非你同佢一齊係為咗要佢100%養你。。。
小朋友總有大既一日，唔會好耐，就算佢得一歲，十幾年後其實都唔使理佢。所以你同你心儀另一半諗下你地先
起清楚佢離婚個底了解下，例如
有冇暴力傾向?心理及精神!待人接物?衛生習慣?
有冇不良嗜好?好賭?
有冇固定職業?
最重要，佢真實和你一起嘅目的!
是否純粹衹想揾個女人同佢湊仔，呃你感情?
離得婚一定唔會好得去邊，但係呢個男人對小朋友有責任心，未必係個好老公
有咩需要知道？
你應該睇下佢會唔會自己講佢做咩會做咗單親爸爸
個小朋友幾大先 我當年嫁我老公 佢個仔就15歲 咁我覺得ok
Erm 如果真係想聽建議就會話唔建議
十幾年前我就係嗰個小朋友
見住我老豆同我媽離婚之後一年內即刻結婚
又喺四五年後離婚
之後又換n個女朋友
每次家族聚會都帶唔同人返嚟lol 大癲
放過自己
我認真
自己一個單身好過同一個有細路嘅男人一齊
不過如果你戀愛腦覺得呢個男人唔同㗎唔會咁㗎 咁你加油啦
想當年我都做過個個小朋友
但個陣我好唔成熟
超級唔鍾意個個女人
佢一入我屋
我就換衫出門口個種。。。。。。
而家大個我先覺得
我冇必要咁唔鍾意佢
個小朋友而家就係經歷你當年經歷嘅嘢⋯⋯
你諗返自己當年點解咁唔鍾意嗰個女人，個小朋友都係會唔鍾意你
自己都經歷過點解會想有人經歷你細個嘅唔開心
小朋友梗係唔成熟，而家嘅你亦唔使責怪當年嘅你面對嗰個女人嘅態度
我亦覺得當年誠實面對自己喜惡嘅你係十分成熟，能力範圍內嘗試照顧自己情緒健康亦非常之叻
去到而家嘅你
控制唔到嗰個男人個小朋友點對你同點睇你，你亦冇可能100%知道佢媽同佢爸之前係點相處（男人講嘅嘢，我諗我同你細個都聽唔少）
但你應該控制到自己唔好同嗰個男人一齊，咁你就唔使對住一個唔鍾意你嘅小朋友
希望你諗清楚啦🙏🏼唔好將創傷傳俾下一個無辜嘅小朋友🙏🏼
我覺得如果接受唔到就next …始終個男人會覺得你都有責任去照顧佢小朋友，你諗諗自己會唔會為咗愛而願意照顧嗰個小朋友先
如果你話唔想生，
而呢個男人同前妻已經搞清楚手續，
作為一個成熟嘅男人會將小朋友嘅嘢處理好，而唔係要你擔心嘅。
如果係我，如果我夠鐘意佢嘅話，
我就唔會介意。
我嘅話唔會，呢個年代離婚好正常，但係我唔想照顧人地個仔/女
買大送細都算，難聽啲講有咩事一定第一個推你去死，他朝有日個細佬想趕你走做小動作，又或者係個小朋友大左想搞你，你男人一定唔會信你，到最後你乜都冇，仲白白做人免費雞
我離過婚3字尾有小朋友，我女朋友2字頭，同居了年幾，開心相處中
你能做到愛屋及烏嗎？你能不提及佢過去嗎？如果不能咪唔洗考慮囉！我老公就是做到，所以我哋結婚40年都咁恩愛🤭
你未結過婚? 如果選擇男朋友最好都係無小朋友會好D。
我覺得我唔會
好麻煩太複雜
以及你會唔會想再生bb？
除非個男人絕世筍盤
非常靚仔性格非常好非常有錢錢對你又超級好
生唔生都係其中一part
仲有好多呢
有小朋友前妻一定會keep住contact
我
當年我34
我老公39
佢帶住2個小朋友
首先要知道前妻呢個角色
係合作形定唱反調形
因為前妻永遠會出現喺關係之中
你個人定位都好重要
包括情感同埋「家庭」
小朋友嘅野你要有心力兼顧
亦有啲位置唔可以越界
大概係咁多
視乎小朋友有幾大，同埋小朋友嘅感受，有小朋友真的接受唔到 叫另一個女人做媽媽，如果小朋友還細 都還好 呃就呃一世，大個咗 就多點困難。
你亦要面對公眾，小朋友會如何介紹你呢個女人呢 姨姨？ 媽媽？狐狸精？小朋友就係想到乜就講乜
個小朋友 有乜嘢東瓜豆腐 第一時間就會賴你 你點樣睇住個小朋友架？？發燒 跌親 被蚊咬，被發洩對像 又可能去咗你身上。一句 佢唔係你生嘅 你會有幾緊張呀？
你需要嘅包容 唔係三言兩語 講得晒😑
開心 就緊係開心嘅，長遠睇 能在未來會有個伴 未嘗唔係一件好事，如果男人係一個有責任心
最壞嘅想法就係你要湊兩件 仲會為咗佢前妻而煩 你可能永遠喺佢心目中都係排最後
你不能愛屋及烏的話
不要開始
但如果分開個小朋友反而跟爸爸唔係媽咪
呢個男人一定極強責任感嘅神隊友
（當然，扔俾工人或祖父母睇另計）
天下媽媽都問神隊友喺邊
如果分開個小朋友跟媽媽
你要睇清楚原因
1.除非佢好有錢，唔係佢根本無本事娶你。
2.要預咗唔再生仔。
要預咗佢賺嘅錢只會用嚟供養佢嘅小朋友，你要有財政獨立嘅能力，唔好指望以後老咗能夠被照顧，分分鐘要比多啲屋企嘅開支，未去到非嫁不可都建議轉身走人。
唸清楚想要2人世界定真係唔計較付出湊埋人地個仔？後續會有好多野出現
首先會了解佢離婚原因、現時同前妻狀況。
我接受到小朋友同爹哋定期見面/係男人湊，
但接受唔到佢哋一家人有family day
me too !! family day真係好kick!! 但係小朋友角度有"爸爸媽媽"出街先係人道！！
你有無咁大愛先. HANDLE 到哪? 段關係永遠有前妻同佢個小朋友. 你做後母. OK嗎?
睇完comment, 我知自己handle 唔到lu
個情況可以好複雜. 唔係個個可以HANDLE 到. 仲有雙方家長. 親友指指點點