請講出讀女校嘅好處。

學校會一直灌輸女仔可以獨當一面
冇咩同學會因為發育而寒背
冇人會評論或者議論女仔體型
M 到直接講，唔洗遮掩，冇帶都肯定有人借到
體育堂之後，個班房氣味依然正常
學校每一層廁所都啱用，有廁紙提供，唔洗排隊
冇人會話女仔數學差理科差運動差，勁嘅人大有人在
搬嘢可以自己黎，唔夠力咪搵多個 friend，唔會等任何“男性”去救自己

💁大個入職場初時唔發覺，以為 “個女人扮曬嘢，有手有腳囉，點解要靠人”
所以如果你眼前個新入職女同事若無其事咁肯主動搬嘢，佢 99.99% 係讀過女校 😂

男女校做到，同埋屋企獨女/大女都可以做到
唔同環境都有人做到，但我講緊係整體上邊種環境更容易培養到呢類人 👍

女仔係會笑人身材，但係“女校女仔”好少攻擊人地身材，男女校嘅女仔高機率啲。頂多未發育嗰陣笑人波大，但係呢個攻擊點去到中二三就消失。(女校咁多嘢攻擊人，身材攻擊 nobody cares 😏)

問 “聽落好正”，讀嗰陣可能覺得壞處蓋過一切好處 🤡

啲好處畢業後離開個環境先 feel 到，身在其中就唔太覺，可能因為大部份女校都係有小學部，12 年嘅環境，當咗一切係理所當然

解釋咗hk點解可以女權至上 😆

若無其事咁換水，男同事：下 做咩呀 等我嚟丫嘛
女校畢業生：ok ar 搞掂啦

入到大學上莊完全唔理解點解搬緊嘢會有男仔埋嚟搶走

女校畢業生表示最後一句真！！！！！！

屌搬野咋嘛！有次我男朋友同我講有兩個二手木櫃（2.1m高）想拎返屋企用，問我call 車俾錢師傅叫人搬大概幾錢，我叫佢行開，我一個人搬到落貨車度😌

我讀男女校，但鍾意笑女仔身形嗰啲係女仔喎，我記得有個女仔仲話隻腳粗就唔好着裙啦，着褲返學好啦
班房有正常氣味係真係好嘅，啲男仔真係好臭

啱呀
女校畢業
出來做野有次喺office發覺部大printer 冇紙，咪走去搵箱A4紙拎黎入，點知成班男同事好緊張話呢d野等佢地黎做
我果下都R晒頭，換疊紙有幾辛苦呀？😂

我讀女校，我都係真係成左年出左黎先體會到受好心男仔幫助既好。
其實咁都好，女校既training會令女仔做野更獨立更勇敢解決問題，同時會更懂得感恩唔係理所當然既善意幫忙
Btw我都有段時期學習過提自己放手，接受下d男丁善意幫忙😂

寒背係一個記號
背負左好多好多唔同族既攻擊
先彎9哂
亦都係認反同族既一個記號

死啦 我係細個驚踩屎所以望住地下行先寒背

男女校畢業，其他不評論，但最尾個段不同意。Tough or not, 睇個人。

其實由細到大見盡男性的好與壞，對男人的期望值/戀愛值等會好低。

好奇就問。
同學因為發育而寒背咩讀唔讀女校咩事😂

因為開始發育，啲仔會笑女仔嘅身材，所以啲女仔寧願寒背同夏天都着冷衫遮一遮

我知夏天仲著冷衫呢個嘅
寒背就。。。
ummm，辛苦了女士們

個個係到話男女校啲女都會自己搬重野
不如調反轉講，女校你試下嫌重 嫌攰 想嗲人幫手搬，你睇下其他同學會用咩目光望你。公主病係我學校係唔會出現，愈有錢愈有leadership 個批先係最會get their hands dirty 個批

寒背一part真係同意

天堂。女男校成個環境真係好撚toxic

唔係女校但好慶幸自己有女校嘅思維😌

唔係女校出身嘅表示我都係自己搬野😂😂

讀女校的舉手🙋🙌🙌🙌
上體育堂成日都要搬跳高墊，
兩個或者四個人拎一張，
搬重嘢全部都係女仔自己嚟🙌🙌

男女校 上體育堂都係全部女仔自己黎
因為男女分開上堂

👏👏👏

讀完先知其他女係唔會郁手搬野好似跛咁

講野好直腸直肚

唔使讀女校嘅，係屋企係大家姐，或者屋企人唔理嘅獨生女，都會訓練到唔需要靠男人嘅性格

所以係女校開女仔不論大女定係細女都可以訓練到，環境塑造
男女校難啲塑造呢個環境

冇人會評論女仔體型？你係咪未見識過啲是非八婆有幾八，女校啲女仔先最鍾意品評人哋身形樣貌行頭….
Edit: 小學中學都係同一間傳統女校

你講嘅所有嘢 我讀男女校都做到

讀女校都係會俾人笑體型身材的🙂‍↔️

真，女校全部女仔更加會笑身型，大波會笑要飲奶，係咪塞咗個杯麵係入面

女校畢業🙋🏻‍♀️ 女仔之間一樣有瘋狂評價身材…
身材好嘅女仔有寒背+ 大熱天著冷杉遮住；身材唔瘦會俾人改花名

邊個話男女校搬野一定有男仔幫
男仔通常只會幫娘娘

學校老師搬重嘢第一時間都係 call 男仔，唔會 expect 女仔幫手
即係櫃、鐵架、開學一箱全班嘅新書簿、活動重型物資
輕嘅物資先特別安排女仔攞

😂 女校娘娘都要搬嘢

原來女校都有娘娘架？😂娘娘唔係果d以為自己好靚，成日姣仔既人咩？

有！
鍾意照鏡，偷偷化妝，一見到男仔(街邊 or 友校探訪) 就發花癲抄牌 “好靚仔 😍”

只不過佢要扮柔弱，啲同學同老師都會一句 “又點吖”，冇人呵 🤣

3 are you sure? 一樣係波大人叫乳牛平胸叫飛機場喎

應該係男女校嘅女仔用呢樣野攻擊人多過女校嘅女仔
都好少係攻擊成功，到中三以後就冇人用呢樣嘢攻擊人 🤷
反而可能女校女仔同 friend 之間玩下講

但我講緊係體型，即係生得高大矮小，呢個就冇點見過女校女仔咁樣攻擊同學

慶幸我男女校，但我應該冇俾人灌輸過女仔弱d嘅觀念（又或者純粹係我冇聽）
細細個就覺得自己做好過等人幫（除非真係搬唔郁，不過我都搬唔郁嘅嘢我諗對男仔嚟講都會吃力）

細個做女童軍個帶隊老師成日叫我be a lady, 但明明童軍去露營啊繩結啊搬搬抬抬全部都係自己做，都唔知lady嚟做乜

讀女校有時上完體育堂都係會聞到人地啲臭汗同臭狐的

唔會有人話女仔數理或體能差啲真係好舒服
見有個老豆當住個9歲嘅女面話女仔體能差唔適合玩籃球足球時我真係反晒白眼

+1, 個老豆係咪弱智架？體能好唔好，睇個人本身體質，或日常生活有冇運動習慣。咩性別根本唔關事

🤔我讀男女校，但係我以前返office 都係公司搬水個位🙂因為公司啲男人唔會搬水

男女校出身，換水都係自己黎😂

高中轉咗男女校，聖誕聯歡要搬書枱，我一嘢自己搬，女同學話：「你做咩搬？男仔搬啦！」我黑人問號

我是女校，真的是開心，什麼也方便！不用扮靚，只顧讀書和玩！之後去美國升學也可獨當一面！

@tszlui.chan

真 女校撚真係會自動自覺搬嘢 換水
雖然討論體型嗰part唔認同 女校啲是非多到每個禮拜出到本八卦雜誌

一開頭出嚟做嘢
搬嘢嗰陣男仔話唔洗
會feel offended 😂😂😂

+1,一開始會覺得奇怪，心諗：你唔係覺得我搬唔起麻？之後：好，粗重野交晒俾男士，我慳返d力🤭

咁我係o個0.01% 我係公司搬水 細個男女校 不過打籃球(但都係矮) 由細到大比人讚我好man比人懷疑我係tb 我話有男友仲比人話假的

依家有老公都係靠自己多 上2wk. 自己搬返好個洗衣機(係露台幫佢加高脚)

0.01% +1
單純覺得有手有腳無必要要“男人”幫

@chungwaiying
我唔係讀女校，不過我當時識咗個女校fd子，所以我深受佢影響🥰

所以搵男朋友有啲難
又或者少一個機會同異性接觸

原來男女校唔會教女仔獨立，我重以前會更加男女不分添！我自己以前讀女校，返工時唔怕多嘢做，條team 多嘢做時會主動幫手，引起其他唔肯幫手嘅女同事不滿。有啲什至會嗲男同事叫佢哋做埋佢嗰份。依家你咁講可能真係讀女校嘅唔同。

男女校冇特別灌輸呢個概念，好似...
女校強行灌輸得好勁
男女校嘅女仔應該冇聽過老師或者校長特別灌輸 “be confident, smart and elegant young ladies" 😂

我間女校冇話特別灌輸，但係會鼓勵係做得就做啦。

我唔明啲女同事唔幫手都算冇人話佢哋，但係點解會仇視肯做嘢嘅女同事，又冇人迫佢哋。肯做嘢嘅男同事佢哋又唔會不滿。奇怪，我都係本住做得就做嘅心態(又唔係搏升，只係既然收咗人工就做好自己半份，唔知點解會被針對。

會咩？我最記得當年我最熟果幾個女仔frd，會主動同我講邊個女仔好大波，邊個女仔專門瘟仔，邊個女仔發姣。連邊個出黎賣搵sugar daddy都一清二楚

仲會自己換飲水機水，問佢做乜唔叫男同事幫手，會講叫得個男同事過嚟佢已經換完水

小學女多男極少，中學讀女校。初初出來做嘢嗰陣試過要出分行做present 要拎埋啲印出來嘅PPT去，我慣性拎起一袋嘅時候即刻有男同事大叫：你快啲放返低唔好搬。我：吓？得啦！好細疊jei。然後另一個男同事就搶返袋print out 。我心諗咁細疊紙都唔俾拎JM9🤣🤣

除咗唔討論體型
其他都認同
女人最鍾意取笑女人身材！

但咁樣走出黎做野就有樣唔好
形象太打得，會畀好多野你做
如果同其他果d覺得自己有個西甚至有埋仔要人就既小女人做同事
呢d讀女校type既同事會畀人用盡，無人會畀少少同理心你🥹
（利申：女校出身，出黎做野係呢type人，缺點會讓d人老奉唔take care你）