諗起舊年叫我男友買樓，佢話唔穩陣，話等下先。結果呢？而家個個有樓揸手，係得佢仲等緊。

睇到紅磡嗰度有人4個月賺49萬，真係覺得好諷刺。個間房仔廿幾萬呎，賣到五百幾萬，仲要係咁樣短炒都賺到。再望下我個ex，佢就係嗰啲話要等樓市跌先入市嘅人，結果機會就咁樣走咗。

而家想買樓自住都難，有錢人就玩緊短炒，賺錢賺到笑。我哋呢啲打工仔，儲極錢都追唔上樓價，真係唔知點算好。😫💸

你叫佢佢唔買，咁你咪自己買囉

你好似誤會左的野。。。
你們沒有水晶球唔會知升定跌。
不要用今日結果去看昨日。

如果今日係跌倒仆街，你會唔會話佢好醒目當日無聽你講？

上年和而家的確不是買樓的好時機。

一來租金回報率和定期存款利率差距不大

二來美國已經停止加息

買樓要小心，一時衝動變負資產，你係咪幫佢一齊患難？

分手吧，搵個有樓有錢有老婆的

佢咪話係ex

自己無能力買樓怪個男人唔買樓

賺49萬果個冇同你講要交16.5%稅，地產費用，律師費。扣扣埋埋有廿萬落袋已經好好

49萬-買賣扣agent錢-買賣律師錢-銀行提早還款%=淨幾多？

佢full pay 㗎

Full pay都要比稅架

地產經紀租意差到要扮分身？

你睇吓佢啲post，明老作

就係推人去死

女人最叻就係叫另一半乜乜乜，自己又唔去做，贏咗就要分錢，輸咗又喺度怨。

點解叫男朋友買，自己唔買？
你舊年自己買咗就賺49萬啦～講經

租樓仲好啦！自由好多！做乜要做樓奴？

何不廿年前買bitcoin

屌 你條仔咁廢 過來跟我啦 舊年11月入左將軍澳鐵路盤兩房 而家成交7球 汁左110萬

近幾年樓價跌咗三成以上,真係要等到半價先至滿意？我認為如果租開貴樓住嘅.已經係一個幾好嘅機會.

到等到半價 。又以為繼續跌 。點知反彈

你咁叻你自己買

有感而發， 深圳人買樓仲難， 今日經過南山啲舊樓， 80平 750萬 ， 拍得住新界區尺價

深圳是一線城市，樓價不會便宜。基層市民衹可負擔四、五線城市的物業！

如果你有能力分析並理解樓市，根本唔會有呢個post

結論：唔好以為自己走失機會或者好理解個走勢，其實你同男朋友只係對賭咗一次而你係勝利方，你今次只係撞彩贏咗

去年九月我原本租期夠，我同老婆講樓價應該跌幅尾水，不如睇下有無咩賣盤，我老婆同你男朋友一樣都係反對，最後傾點數，去年四月簽買賣臨約，五月有熱錢流入禁低左個hibor，樓價開始呢個位反彈，帳面計樓宇估價，今日我已經有一成一升幅。

個世界就係咁，大部分人都係散戶心態，高位追低位放，有幾多人做到人人放樓個陣你趕入市，但有時候買樓同結婚一樣，你無一下衝動真係好難成事，下一個跌浪可能十年後，如果你地20幾歲仲有得等，但如果35歲以上就唔好思考了，租到尾算啦。

入面全部廣告/content farm/rage bait🙃

All in 好，負資產 超級正
美國打仗通脹高升，
加息 → 香港跟隨加息
樓貸息口上升 ，正！

你見今年樓價升咗就咁講 咁如果樓價跌 ，你男朋友負資產喎 你係咪繼續陪佢先？

叫人買，但自己有冇買？

你同佢係男女朋友咋喎，大家一日仲未結婚未有名份，買樓呢啲問題自己決定啦。

大部分女人最叻就係鍾意指指點點，然後贏就自己有份，輸就怨對方做乜唔阻止🤷🏻

工作三十年，退休近十年，外滙，基金，千股，物業，貴金屬都玩過，計吓數都係物業執得最多，過去執得多，不表代未來一樣執得多，各有各諗。

見到呢條 thread 專登查下自己層樓估價，舊年 11 月成交到而家，尺價升左 $2600

所以 thread 主錯唔哂
不過自己睇到既投資機會應該自己投，叫男朋友入 = 將風險轉嫁

你無用啫，人工低。

樓價高、冇首期、租住先、等跌買；
樓價跌、睇定啲、租住先、遲啲買；
跌到底、借唔多、租住先、儲夠買；
升返啲、氣唔順、租住先、跌先買。

舊年到而家，樓價升左1-2成都有，尤其呢幾個月升得好快，行過地產鋪，見我地住個度的成交價，由720升到820。你睇新盤，無論咩區，都好快沽清。

點解一般人仲係成日覺得樓市好差？因為報紙報道，多數都係話成交價比原業主買入時跌左幾多%，好多蝕讓個案，但佢地唔會講呢個蝕讓價，比舊年年頭升左幾多，就會形成錯覺樓市仲係好差。

你估買車啊！話買就買呀？
你點人做嘢？咁點解你自己唔先做嘢？
你自己出錢買囉
自己冇錢，仲喺度笑人

你咁好眼光，點解吾自己買

買樓都要睇地區/配套/樓齡，你男友怕9成按揭入市，樓市再跌就會負資產。

只要負擔到又有自住需要，係可以買。

記得下次睇啱就自己借錢買啦，仲可以寫自己名，賺咗既一分錢都唔使分畀條仔。到你有錢仲可以飛起佢，搵過個更好既，爽歪歪。