講咗結論先，呢間所謂米芝蓮一星係垃圾可以唔使食。

首先一入門口兩個侍應態度已一般。

重點係其中個「極鮮蠣蟥羹」，我哋食咗兩啖發現入面好似有蠶豆。我男朋友有蠶豆症，係唔食得蠶豆，於是我哋即刻叫staff問一問，點知真係蠶豆，但佢中英menu都冇列明，痴線好彩佢淨係食咗兩啖羹……

咁佢哋一嘢收走曬我哋嗰兩個羹，呢個時候如果佢哋即刻換另一款羹俾我哋都冇咁嬲。但啲staff仲要喺到擾擾攘攘妹下妹下，又話要問下可唔可以換又盛，我即刻wtf???你哋個menu完全冇寫有蠶豆，食到有事點搞？我都未追究啲咩仲話唔知可唔可以換？你話餐牌有寫就話我哋眼殘姐😂

搞一大輪，乞返另一款羹返嚟。然後staff話要同廚房傾下可唔可以俾埋另一個羹我哋🙃🙃🙃廿分鐘後，經理出埋嚟話：因為你哋淨係得一個人唔食得，所以淨係換一個，一係轉其他嘢食。Cls,我當時淨係關心緊我男朋友食咗幾多，我實留意到你收曬我哋啲羹啦🙃🙃仲有，我想講你估我真係貪你個咁嘅冬瓜羹咩大佬，食都冇食過😂就算佢上埋另一個我都唔敢食啦😂點知你哋個廚房咁有性格會唔會加料😂

咁樣都有米芝蓮一星😂😂😂建議想受氣就嚟食😍

送返兩個唐記菜肉包

呢個好笑

最後回應多次

1.全程無講過一句粗口鬧人，講大話死全家連埋屋企11隻貓。唔知點解隔離枱要咁屈。全程大聲咗4-5句，內容係關於收曬我哋兩個羹嘅跟進，結果就嘈到隔離枱熟客。

2.無老奉覺得佢要換，始終香港法例無列明，話佢服務態度差主因係staff問都冇問，一下收曬我哋兩個人嘅羹，然後無人跟進無人回應，直至20分鐘後我哋忍唔住出聲問。

主要係 連嘢食都好伏呀屌！！！假如佢啲嘢食好食，我哋兩條死窮L含淚都食埋佢🙂‍↔️🙂‍↔️即使受氣，碟底都同你舐乾淨，而家直頭係佢送返啲嘢俾我哋食都冇撚食🙂‍↔️

一句講晒 快逃！！！

你明知有食物敏感症，通常都會預先同餐廳溝通。大吵大鬧可以解決到嗎？

我地今日坐你地隔離，希望你明白餐廳係公眾地方，你不滿意投訴，最後大聲到幾乎拍枱、丟spoon 係湯碗度，又鬧人又喊，成40分鐘，好心提一提你吾好咁大聲都有其他人係度，張牙舞爪鬧我。

你知唔知你男朋友都好難做。米其林餐廳你都要優雅點，不是無限放大影響到所有人。

其實… 有蠶豆症係個人問題
自己敏感冇報備我唔覺得關餐廳事
menu從來都唔會寫晒所有成份
唔通你平時去開嘅餐廳，take order 時會問你有冇你有冇蠶豆症.. 有冇奶類問題.. 有冇海鮮敏感 etc ??
有敏感症，客人應該自己提出
唔係齋睇Menu用料成份
所以According 你嘅描述 ：我都未追究…
但我真心唔明憑乜去追究🤔

或者你冇做過餐廳…
其實煮一個餸落咗好多嘢
包括配菜/醬料/調味料係Menu 唔會寫
一般只會有 main ingredients
除非你order嘅時候有提出問過
否則，換俾你係人情，唔換俾你都喺道理
我唔覺得餐廳有問題

利申：冇去過呢間餐廳亦都唔知係邊間
純粹個人意見

完。
結論：事主 閪+KAM

你可以話佢服務唔好 野唔好食 但自己有食物敏感唔主動報備 反而話人menu唔寫 你都幾唔講道理 

冇諗過comment 區咁一面倒

但凡高級啲嘅餐廳都有嚴格SOP 要跟，食物敏感可大可小，通常喺訂檯時已經問定，再不濟餐牌上亦應提及。

退一億步各打五十大板，佢哋嘅處理手法都離晒大譜啦，難以相信係正式錄用嘅員工甚至係經理😅正常反應係道歉+關心個客有冇事，有冇賠償方案都係後話，經理出嚟竟然係為咗解釋換唔到兩款 ？佢哋有冇培訓過㗎？

中菜用料複雜，更應該清晰列出。香港對呢啲嘢敏感度嚴重不足，直頭見過例子係再三強調都上錯，又或者個侍應唔識就亂答。其實大家知唔知食物過敏嚴重可致死？定心裏面覺得佢哋誤食引致嚴重後果係抵？

有咩唔食得要一開始就要講 唔係自己估估下 自己保障返自己 中菜好多時會用到豆瓣醬好多都有蠶豆成份 所以要主動問

你有問，佢無講有蠶豆，間野西
你無問，就係客西
外國係多數餐廳都有列明敏感成份既，香港好似無法例關於呢方面

喺下面見到有啲疑似打手，影低網站話預訂時要講明有冇食物敏感。好好笑，真係當做盤生意喺個網站寫咗呢句就避嫌？全世界必須click你個網去睇條款？

仲有嗰個話「坐你隔籬枱食飯嗰個人」呢連張食飯嘅單都冇影出嚟，好大嫌疑係捏造出嚟。

我建議你直接去米芝蓮網站，你可以揀返呢間餐廳Yong Fu留低你用餐體驗，集中返以下三點：

1. 專業標準缺失
作為一星餐廳，竟然冇進行 Allergy Check (過敏詢問)，呢個係高級餐飲基本 SOP 嘅嚴重疏忽。

2. 缺乏風險管理
商家完全冇忽略寧波菜隱藏致敏原嘅風險，對食客安全造成威脅。

3.服務一致性差
收費係一星級，但侍應同經理應變能力連快餐店都不如，麥當勞有投訴都即時安排個同事跟進，有交帶講好會點處理，而唔係收走啲食品完全冇跟進，經理仲要20分鐘之後談判式咁開條件換菜品，表現完全唔符合米芝蓮推薦嘅水準。

記住影低張收據一齊 upload 埋上去，咁樣米芝蓮先至會百分百受理。下一次評審自然會有人check 佢有冇Allergy Check。

睇完樓主個post特登去 Check 咗，原來呢間就係好多人講『十八斬』嗰間甬府，寧波菜不嬲多隱藏致敏食材（蝦膏蟹油）。

再睇埋背景，原來係內地開落嚟嘅過江龍，借香港做跳板。唔怪之得網上可以搵到咁多『魔鬼』護航啦（明就明）。

真心，人均消費幾千蚊，如果俾幾千蚊食到咁激心，我寧願支持返香港本土嘅米芝蓮或者酒店餐廳，好似「夏宮」、「萬豪金殿」或者「家全七福」咁。

呢啲餐廳由香港主廚坐鎮，入座必問有無忌口，呢啲先至係星級應有嘅專業 SOP🤷‍♂️

🤣咁搞笑嘅，我食飯睇質素，我理得係大陸狗定香港人開
你自己都講不嬲多隱藏致敏食材
咁樓主訂嗰陣唔講自己有咩唔食得？😂自相矛盾

另外我食嗰次，員工係有主動問有咩敏感/唔食喎

其實果個超過3000個like既留言好明顯係甬府啲staff/ PR，真係冇人睇得出咩？香港人唔會寫米其林，佢ac又無post又無followers🤦‍♀️

另外都撐樓主呢間野真係唔值一星 (利申: 上年7月自費食過特價set)
1. 第一次見米之蓮一星係用摺檯
2. 啲嘢其實真係唔好食⋯⋯都幾肯定佢一係落味精一係落雞粉
3. 坐房仔完全係叫天不應叫地不聞零服務可言
4. 唔記得係邊樣但都幾肯定我當時既menu寫都寫錯，中英唔係寫緊同一樣野

個個都屌樓主無主動報備敏感係閪客，個人唔係同意呢個做法但表示極度理解。有熱愛出街食飯既飯腳係敏感體質，test過對過百項嘢敏感亦有隨身攜帶敏感藥，如果真係食每一餐飯前都要向餐廳列明所有敏感其實係超現實。與其逼餐廳acknowledge佢既敏感不如自己睇中英文menu自己避。其實呢件事同之前壽司郎蛋糕無寫有花生本質上無異。樓主其實都寫得幾清楚佢負評緊啲咩，可惜大家都係鍾意鬧交、鍾意炎上、鍾意pick d位去blame the victim

通常呢啲post樓主都會俾人鬧返轉頭
米芝蓮餐廳問有冇食物敏感真係好基本嘅事
fine少少餐廳都會問了

自己有敏感你自己唔撚講，仲要怪鳩人，你都幾可愛架wo🫪

G6PD唔係食物敏感嚟，我未見過有餐廳會提醒菜式有落蠶豆。
如果驚嘅就多問，我自己就咁多年都冇理過，除非直頭見到粒蠶豆先唔食。

睇返另一位嘅comment 原來你真係有大吵大鬧
個畫面生動得嚟又勁似我地血濃於水嘅同胞

你老母落嚟先生你定生完你再一齊落嚟？

睇晒啲留言，明白點解香港啲餐廳服務越嚟越差，因為係由部分香港人造成。成千蚊一個餐，米芝連餐廳，如果樓主講係事實，等咗40分鐘都無回應，確係間餐廳做得唔好。兩碗湯，如果我係經理，我諗都唔諗就換，仲要送多兩個甜品比個客，叫個客多啲嚟幫襯。果啲叫樓主忍吓，就係你哋令到狗記牛腩咁串。

你的態度反應咁激動好似同間米芝蓮一星餐廳格格不入，尊重場合尊重自己，粗聲粗氣的你建議去返大排檔茶餐廳
Btw男友快逃！！！

又係果啲自己乜症乜症咁嚴重
自己又唔事先講明 條命咁矜貴自己都唔出聲先
係都要上左菜發現先講 浪費大家既時間
其實人地有權唔換 換比你係人情
因為你無一早出聲而浪費左道菜
如果發現唔到果樣食材而食左
蝕底果個永遠都係自己同埋有機會害埋人 人地都未話你

@yongfuhk
米芝蓮一星都唔識得標明食物過敏材料？

估唔到香港咁大班人奴性咁重😆
- 覺得逆來順受係啱嘅
- 餐廳唔提醒你道餸可能有使用高致敏源食材做係啱嘅
- 死咗係你自己抵死
- 餐廳主動做多步對消費者嘅保障係唔啱？

仲喺度大力鼓勵緊間餐廳現時做法係完全正確？

英國同歐盟一路都行咗 《歐盟食品消費者信息法規》(EU FIC No. 1169/2011) 規管：

主要嘅目的就係要〉》〉》保護公眾健康（致敏源）《〈《〈：這是最重要的原因之一。由於食物過敏可能致命，立法強制要求在所有食品（包括餐廳散裝食品）中清晰標示 14 種主要致敏源，以保障過敏人士的安全。

香港係冇咁嘅法例保障，但我亦都唔會鼓吹飲食業可以繼續咁樣發展落去囉，條法例變相都係保障緊雙方。

如果你係一個消費者，你仲鼓吹緊個環境令到自己唔受保障，下面呢就好多人講緊話咩過敏人士啊好少啫，打壓少數人，冷血到一個點。樓主最終都真金白銀俾咗錢去食呢餐飯。

有人回應話餐廳侍應係有問有冇食物致敏源？咁即係呢鍾意就問，唔鍾意就問，真係好懷疑佢個米芝蓮一星係咪喺垃圾房執返嚟㗎？

道理上報備食物敏感係個客嘅義務同責任，餐廳嘅責任只係去到確保食物入到個客嘅口呢刻都冇受到嗰客講明嘅敏感源嘅污染。呢個世界上乜都可以係過敏源，有人對水過敏㗎，如果寫晒落menu，嗰本唔係叫menu，係叫做「食譜」！再以中菜嘅複雜程度，本「食譜」分分鐘厚L過《永樂大典》！

你可以不滿佢個處理態度，但你話佢冇標明過敏源，呢吓就係你狼戾！

米芝蓮可靠嗎？

好彩上次去食冇人喺度嘈生哂

自己冇同人講dietary requirement但又覺得俾咗錢大晒。你唔事先單聲人地有超能力知你有咩allergies？自己做漏野在先，浪費食材不特止，仲要覺得人地奉旨整過一份俾你，咪姐係閪客囉。

樓主男朋友有蠶豆症，食到有蠶豆而菜單冇標明，的確好大隱患，好彩只食兩啖。

餐廳做食物生意，對食客負有 Duty of Care（謹慎責任），理應採取合理小心措施，提供準確嘅食材資訊，尤其涉及已知健康風險同食物敏感查詢時，快啲處理先啱。結果拖足40分鐘，先收走兩碗羹，又只肯換一個，服務同安全意識的確有待改善。米芝蓮一星級數，大家對佢地嘅 standard of care 期望會更高。

不過大家喺公眾地方食飯，都想安安靜靜嘆一餐。大聲表達不滿或者情緒激動，難免會影響到隔離枱嘅人（包括三代同堂）。如果當時可以冷靜啲投訴，之後再email餐廳跟進，可能大家都會舒服啲。

食客如果有已知敏感，最好事前主動告知餐廳；餐廳就要提供準確資訊，雙方都合理自保。

希望甬府之後可以主動問忌口，或者喺菜單清楚標示常見敏感食材，咁先對得住一星名氣，大家都食得安心。

其實如果有留意，就算係咪米芝蓮，通常都係西餐會寫，中菜好少，我有朋友有嚴重海鮮敏感，book親枱食餐飯都一定會講定先
好習慣，你建議你哋可以擁有

而且又有啲睇唔明，咁你係想佢點？換俾你，你又唔鍾意，送其他嘢食俾你，你又話難食，即係點？即係你嫌佢慢？但係大間小小嘅公司做嘢都係有程序㗎喎，一係你就去返啲小店食飯，老闆話晒事佢自己決定咁咪快手囉

起香港食物敏感既人佔好少數，所以都好少會關注，你有呢方面concern就需要主動提出吧，始終食死左同受苦係你自己，唔好將呢啲責任交起其他人手，不論五星六星酒店，米芝蓮3星都係咁話，你有盡你責任問左提醒，責任就起人地度，你自己都唔對自己負責，憑咩要人幫你負責。

第日香港d餐廳menu應該係會變左咁
「乜春海鮮湯」
用料：斑腩、海蝦、冬菇、蔥、海鹽、水……
「乜花雕醉雞」
用料：花雕酒、雞、蒜、蔥、辣椒、水、鹽
「乜屮炒白菜」
用料：白菜、蒜、蔥、水
.
.
.
水蛇春咁長

諗到都想笑出聲

望咗望餐廳菜譜，有寫明如有食物戒口請喺訂座時講明。蠶豆唔係必須列明嘅過敏原，你男友有呢個病，出街食嘢真係要自己小心，唔可以以為米芝蓮餐廳就會望聞問切check清楚你咩唔食得

點解啲人錯哂重點
重點係間餐廳員工態度同處理手法方面
配唔起米芝蓮呢個級數
1. 而家高級小小既餐廳/酒店餐廳,都會主動問有冇食物敏感
2. 員工態度有待改善
勁搞笑啲人focus 哂有冇預先同餐廳講有食物敏感
如果係街邊大排檔/小店,就唔係大問題
而家係米芝蓮餐廳喎

香港一向都係敏感嘅人自己負責問清楚食物成份，餐廳幫手問係人情，唔問係道理。你可以選擇移居其他地方或者督促香港政府立例。

但呢一刻，錯嗰個係你，又西又無知

餐廳同樓主都有責任 但餐廳責任係大啲

唔好話米之連，好多中高級數餐廳都會問下人有無咩忌口，同埋餐牌好多有個圖示係菜名隔離mark返有無果仁 海鮮之類。

咁當然樓主自己都有責任講清楚有咩敏感啦。

我明樓主點解咁激動，首先擔心男朋友食咗有事，敏感可以好大鑊，加上餐廳處理態度咁差，拖拖拉拉，搞成40分鐘，唔高興都正常。一般呢啲情況，即刻換食物加送甜品啦。呢間野的確係好唔識做囖。

至於有啲留言屌樓主無儀態，唔適合食米之連，真係笑咗🤣，dllm宜家黎食飯，唔係見工啊。尤其是話坐隔離台果個，好似食出優越感咁，真係笑大人個口，自私到爆，人地喊緊，激動緊，你唔係叫人冷靜，而係叫人收聲，咁你都唔係好有品啫😂

有稀有的 food allergies 唔主動問？
On9 ?

做咁多年飲食 有G6PD啲客都會自己講定
就算唔講 booking system都有定有得揀
人地咁大間野一定會帶晒頭盔 你唔講人地唔啲廚唔識通靈
到出事就瓜瓜叫係影響緊其他客既experience

睇你啲回應就知你係咩客

btw 甬府 唔係淨係得房嘅咩 🤔 食左4，5年d野食標準一直保持得好唔錯 ，無理由好似你講禁差。

1. 米芝蓮一星係人地比佢，唔係佢自己話
2. 無人講過米芝蓮一定係高級餐廳
3. 有食物敏感應該食之前主動提出，講到咁擔心個男朋友食完有事，何不一開始就問定避免呢件事發生？

@hkbackupper
閪客自己響book位時無跟餐廳指示講自己唔食得嘅野，去到發現有就發爛40分鐘

大佬，煮好晒俾你食先話食物過敏唔食得！啲staff一定覺得你玩嘢啦，仲想要咩CS！

樓市已經有講唔係話敏感大哂
而係作為餐廳 聽到客人食物敏感後續嘅處理手法
一直被冷處理 40分鐘後先發顛
睇人發顛，再笑人，食花生係好開心㗎
但將心比心，嗰個係你屋企人、仔女
一時冇問到食物敏感問題
然後餐廳冷處理，我諗好多人都會跳掣

做過outback level 嘅餐廳，有個鬼婆話洋蔥敏感
結果兜野唔知廚房點樣彈到一粒洋蔥入去
個鬼婆又喘氣又話抖唔到氣
搞咗一輪先話冇事（我地嗰吓係心諗 咁誇張？）
然後係成張單free 咗，再請佢食其他野

叫間野身為米芝蓮一星，一千蚊人頭餐廳，竟然後續處理可以咁差

我從來唔會覺得有獎特別好食

咁點都會有啲期望嘅，你望住個價錢，大佬千幾蚊喎，lunch咋喎🥲
痴線同樣係米芝蓮一星中菜之前食過逸東軒，都高質㗎，點知呢間食到一肚氣🙂‍↔️

明知有食物敏感要主動出聲