警世文!!

最近啱啱同新地方簽約，準備九月份返工，跟住琴日夜晚八點幾收到電話叫我聽日10:00返Office，我以為公司有啲咩急call，同埋個老細我淨係見過一次唔係好記得佢把聲，跟住佢一打嚟就話你咁都唔記得我係邊個，咁我下意識就以為係新公司嘅老闆，咁佢叫我聽日10:00去Office我就冇懷疑

朝早八點幾出咗門口先打嚟話臨時有兩個重要嘅人要見，叫我晏啲先過嚟，陣間再打電話俾我，跟住打電話俾我嗰陣就問我隔籬有冇其他人，就開始嚟料啦！

話咩嗰兩個人好重要，本來想包封大利是俾佢哋，之後話佢哋唔肯收，叫我用私人戶口轉數俾佢哋，話之後俾返我，我真係聽到R晒頭，果下意識到俾人玩咗…

仲要我擔心咗成晚係咪公司想取消合約，同埋晨早流流起咗身化妝 唉🥹

佢哋唔係想玩你
係想坤你錢
好彩你醒目冇中計👍🏻

真係公司電話？定有人扮係你老細？😂
我都收過依啲電話 有啲似以前猜猜我是誰個啲 一黎就話係我啊 聽日10點去office （我個陣無業）所以都知係呃人

私人電話號碼 以為係老細嘅電話

咁應該普通詐騙黎

而家簽定九月返工？
你做學校定係政府？

典型kk啵

我都收到依啲電話，一開始佢就叫我唔知幾點去佢office，又話佢係我老細，屌我都冇工返，老乜撚嘢細，佢自知呃唔到我就cut鳩我綫。見咁多人遭殃過，應該係集團式詐騙

吓，東張咪報導過囉

平時少睇電視 一開頭淨係叫我去Office就冇諗咁多 直到叫我過錢就即刻知道係詐騙

聰明

之前東張西望報道過

我收過3次呢種電話www

已經唔係第1次係threads見到咁嘅詐騙po , 全部都係老細叫你上office....

好多扮公司老闆打黎既詐騙 ，佢地博d人唔熟公司大老闆 。
有人比人呃過係銀行戶口轉過帳比佢地

詐騙

路過，這是詐騙的一種

成日收到呢類電話，叫你office搵佢，佢仲要up得出你個名某個字，而我office冇乜人搵我，所以收親都屌柒佢地再收線

我都收過呢個電話☎️，話聽日返office,我問佢係邊個，佢話你都唔知我係邊個，我就話唔該你講英文，我地係鬼佬公司，咁佢即刻收線😂

只能夠話時機啱啱好令你誤會，真係唔好彩，但好在你夠清醒無比人呃

我都收到依啲電話，一開始佢就叫我唔知幾點去佢office，又話佢係我老細，屌我都冇工返，老乜撚嘢細，佢自知呃唔到我就cut鳩我綫。見咁多人遭殃過，應該係集團式詐騙

之前收到呢啲電話也不知他們想怎樣行騙？叫到你個名，一講就話上佢公司，我那知佢公司在那？收綫！
原來叫人過錢咁白痴的手段！

呀我都紋過幾次
話係我老細咁都唔認得佢把聲

但我老細係鬼佬⋯⋯佢中文程度都只係到 你好 🤭

騙局

呢啲電話真係好常見，我之前都遇到過，但係我老細坐喺我隔籬

如果你經常上網都應該知道呢啲係騙徒手法嚟㗎喇

直到叫我過數就即刻知了 因為一開頭只係叫我翻office

騙案

直接post邊間公司啦？ 親