警世！俾人呃左錢😓 *長文慎入*
今日發生咗一件事，覺得一定要講出來提醒大家，特別係大學生。
幾個星期前，我加咗一個岩岩識嘅女仔（排緊隊食飯，對方行過嚟好熱情同我講嘢，話自己做event）。佢話想約我出去傾下合作，於是我就信咗，跟佢去咗九龍灣企業廣場。
起初係帶咗我去食飯，上咗8樓一個clubhouse，入場要身份證登記。佢話係佢哋公司嘅地方，平時會落嚟食飯，個廚師係咩米芝蓮藍帶，室內設計係K11 musea個設計師。然後仲有gymroom嗰啲，佢話佢成日落嚟做gym。食野途中就有幾個同事行過，然後就話介紹俾我識。問我想做咩我就話諗creative idea，branding嗰啲，佢就喺度話佢哋公司exactly就係做呢啲。
食完嘢就帶咗我上18樓嘅office。入到去見到好多人，完全唔係office嘅格局，佢話公司鼓勵大家一齊合作同埋creative 嘢，所以唔會係一格格咁。之後就叫左個人過嚟，開始用ipad介紹佢哋公司係做咩。話係幫個supplier promote產品，啲產品又法國酒，超高級奶粉，咩唔會hard sell嘅美容院。佢哋就係咁同我講佢哋嘅用後感，跟住就話叫我都試吓，因為要試咗先可以Sell俾人。
聽咗一個鐘，已經開始覺得唔對路。我就開始問所以係做啲咩，我一路以為係event marketing，點知完全唔係。佢話佢哋係以介紹人然後攞commission搵錢，講到好勁好勁，easy money 咁。跟住就話叫我俾錢做member，買個做生意嘅機會俾自己。我勁疑惑點解做嘢要俾錢，佢哋講到話呢個member get member嘅strategy係美國好常見，好多地方都用緊。叫我俾$210會費，$480堂費（教我點做嘢），同埋$5000產品費。我問可唔可以淨係俾頭兩個，佢話一定要試咗啲product先可以sell到人做到生意。
之後就直接問我用咩payment，勁趕時間咁逼我俾錢，我就話我冇錢，要問問屋企人先。佢哋就一連串嘅話術話個$5000幾抵，又可以識到好多人嗰啲咁。我最後就俾佢哋逼吓逼下揀咗一個product，夾埋俾咗$1280。我三番四次問佢公司其實做咩佢都答我唔到。
俾咗錢之後就係咁話介紹人俾我識，一個接一個，個個着晒西裝咁。佢哋一直講「被動收入」「財務自由」「3個月內改變人生」，仲不停叫人過嚟同我分享「成功故事」。係咁同我講一個月可以有七萬蚊收入，有好多學生都入咗行。做咗依行可以買咗勁多架車同物業，好多人都直接揼低份$200k正職，做咗呢行。
跟住突然就問我今日留到幾多點，今晚有堂叫我去聽，會教我公司其實做咩同埋點做。排隊入去勁多人，我話想走，佢就話叫我聽下先，個嘉賓好勁。入到去話攞好咗位俾我，中途唔俾走，走咗可以入返去。入面啲人反應勁熱烈，啲內容係超級奇怪。我係咁話想走，唔舒服，佢話叫我聽多陣，食糖先，離開俾個主持睇到會好尷尬。我直接話佢都認我唔到㗎啦，然後話有嘢做人係唔得閑，就走咗。
公司名： Allinse (office無水牌）
餐廳名： La Concorde
Clubhouse 名：Intersect Corporation ltd
又係呢間垃圾🤬🤬🤬
不停改名，不停呃啲入世未深的年青人，你俾千幾蚊甩到身真係好叻㗎喇！身邊有人就咁俾人呃到借財仔，廿幾歲揹咗幾廿萬🤬🤬🤬🤬🤬🤬🤬
7樓8樓都係亮碧思嚟 旺角怡安閣搬左去企業廣場好耐啦～你會唔會慢左啲🤣🤣🤣
扮米芝蓮都扮左好耐啲野cheap到
不過你整係比左$1xxx 未到開大單既金額 啲錢一係就袋左喺叫你上去果條女到 一係袋左喺收你錢條友到 只能自己搵方法追返啦～🫢
這些手法以前好多。話做銀行搵唔夠，又話做公務員都要做外快。問多兩句就亂答扮好識野。但個啲人好眼利，看你衣着打扮再問你做咩工作，續步續步fact find 你，引你落塔。
以前讀緊書都試過比個唔係幾熟嘅朋友水過做依啲類似嘅野，好彩嘅係冇比人呃到錢，只係比人精神虐待咁洗腦式洗成功個案同比人迫係咁要打電話比自己啲唔熟中同聯絡佢哋（極度尷尬），日日放學後上去搞到十二點先返屋企，最後頂唔順以學業為重想專注學業唔做💩
頂我都係！我哋頭先應該係同一個地方
我係俾我朋友水咗入嚟，聽咗佢成晚賺錢心得，但我朋友好誠懇…懷疑佢已經入咗局…上唔返嚟
啱啱驚到我喊💀屌
我都試過比個入咗局嘅frd呃咗去，係喺旺角嘅，上到去勁多人，
我個frd個上線係女人嚟，
講啲嘢完全同樓主比人sell嘅嘢一模一樣，
仲拎咗本嘢一路講一路比我睇，叫我買入面啲嘢嚟試，
啲product好雜，有cheap紅酒同好多奇怪嘢，一睇到就心諗邊有人會買😂
最記得其中一樣product係香薰機，
我因為有養貓，就問佢知唔知養貓係唔用得，話佢咁都唔知嘅話學咩人sell嘢🙄
然後我就走咗，仲鬧爆我個frd，不過佢覺得係賺到錢，從此之後冇再聯絡🤡
@maggiemanhau 東將需要跟進吓點解有港大學生有醫科唔讀走去做傳銷。係好多港大學生喺入邊
被人厄唔第一時間報警？
你有埋佢公司地址應該好易搵到厄你個人然後拉左佢
好難證明佢真係呃錢 佢又確實係有課堂同埋產品（雖然係話今日冇貨叫我遲啲去攞，不過我係唔會再見佢的🫡🫠）
堅持住唔好再比錢落去
我聽朋友講佢地d supplements 係幾好，不過個手法好有問題，你d蚊當買d supplements 試用下，唔好再加碼，有咩事奪門而出唔好比佢地困住你
我有個朋友以前比人氹左買5個人頭跌左30萬
仲有，佢地好鐘意去吃喝玩樂咁去撩附近既人，然後交換contact，再帶佢地出黎吃喝玩樂，一邊洗腦
無用㗎之前有人報過東張採訪完佢哋一個律師信東張直接收皮
我6年前都比個“朋友”呃左去，嗰陣係旺角地庫，同一招數，困住左4個鐘，7個人埋身用同樣既話術，最後我比左$120當甩身，之後就冇再見過呢個“朋友”，到今個月頭有個正常event見到佢，我直頭當佢透明
放心，廿年前都係咁，都係 target 大專
你聞到陣味走，佢咬你唔入
https://docs.google.com/forms/d/e/1FAIpQLSfgOa8MW3VFE1SWEKfdgcMmltZt7_y5A-I9UKav_tnsff_KIA/viewform?usp=header
開名啦