警世：🆘🆘新傳銷狗呃人手法❗️❗️
依家啲傳銷狗真係越發猖狂 而且越嚟越有組織性 我身邊已經非常多人中招 包括我亦都上左去佢哋嘅大本營了解 以下係我深入傳銷狗公司嘅經過

一、前期鋪墊

鑒於我本身失緊業 期間咁啱見到一位中學同學話「公司擴張」請人，聲稱係會所同市場營銷 仲要特別強調需要夠「勤力」同埋標榜份工好多人爭 唔係一定有位 然後約我星期六去Party Room識吓佢啲同事睇吓有冇機會一齊做嘢
當日上到去 已經坐咗十幾二十個人而且個個都表現到非常熱情 即頭有種過分情嘅感覺 但係當日其實係冇乜提過工作 除咗最後我個同學以一個橋樑嘅角色同佢阿頭幫我講一啲所謂好說話 去爭取我可以返呢份工
然後個「阿頭」就安排我後續星期三四五去公司「學習」下。 下面留言繼續

以下係水我上去嗰條八婆 以及佢條team嘅其中一啲人

二、詐騙大本營流程Day1

1. 會所展示
首先星期三嗰日朋友約我喺零碳天地等 然後帶我企業廣場7樓佢哋嘅「會所」會所入面裝修華麗 有gym room有遊戲室同餐廳 而且餐廳個物價非常之貴 假設你係一個唔知頭唔知路嘅人入去 絕對會認為係一份非常之高級嘅公司。

2. 辦公室實況
食完嘢之後佢帶我上18樓辦公室 但一入去 成間公司簡陋到好似臨時搭雞棚咁 十足十廟街啲翻版鹹碟舖 啲員工個個着到身光頸靚但全程淨係篤手機同吹水

❗️❗️出左新post係關於班仆街個人資料 請廣傳❗️❗️❗️

3. 產品與入會制度
入到去之後佢帶我見另外一位之前Party Room見過嘅同事就話同我講解下公司嘅「工作」範疇 佢哋每人人手一部iPad 然後打開一個精美嘅ppt講解內容
簡單講吓個內容：
佢地標榜自己有14間合作企業 產業包括：紅酒、奶粉、保健品以及美容服務等 然後同你講解會員制度
初期聽你會覺得唔清唔楚 到底兩者有咩關係？到後期先知原來佢地嘅主要「工作」係推銷$5000嘅會員資格 包含會所使用權及上述嘅「加盟產品」購買折扣 但佢地以上嘅牌子全部都名不見經傳 而且佢哋會將呢個咁荒謬嘅層壓式推銷講成一個非常美好嘅名：「輕資產創業」就係你只要俾$5000就係佢哋嘅「批發加盟店」你可以推銷佢哋嘅產品同埋會員資格去賺取佣金
而且佢哋階級分明 當中佢哋階級會用以下數字區分（20、29、38、41、42、43），20代表可抽取下線20%佣金，升38級需繳六萬幾嘅入貨費以及需要跑數
而且只有升冇降 當佢哋一升你 就要俾更加多嘅錢 如果你俾唔起 佢哋會要求你借財仔

4. 洗腦環節
喺佢哋講完一大輪所謂主要「工作」之後 佢地會叫一啲依着成個倫敦金咁的同齡人分享佢地嘅「發跡故事」 但內容極為浮誇同可疑
主要內容無一例外係：入行之前非常之窮 而且多災多難非常需要錢 當加入呢間公司之後不費吹灰之力就賺取非常可觀嘅金額
佢哋亦都會show一啲幾萬蚊嘅支票俾你睇 博取你嘅信任 而且當中好大機會所謂支票只係左手交右手
其後當佢哋搵完人同你鳩噏到咁上下 佢哋就會帶你參加課程 我當日係上[BS2] 另外佢哋仲有BS1同3 每個課程都需要俾錢 BS1同2價值$180付款後可以永久免費上堂 但BS3每堂需要盛惠$200 不過我嗰日「咁啱」可以免費參加
但係其實啲課程內容係啲咩呢？
首先當日個仆街講師遲到成粒鐘 然後佢有一位司儀率先開場 佢會要求聽眾手機靜音、禁止錄音拍攝、以及唔可以中途離場 演講前半部份內容驟眼於公司營運結構以及「解釋」呢間公司同市面上嘅層壓式推銷有咩唔同 佢地標榜自己係MGM而唔係傳統嘅MLM即層壓式推銷 當講完以上內容
正當你好奇佢仲會講啲咩嘅時候 屌佢老母後半part完全係講自己嘅旅行經歷。就係不斷吹噓自己加入公司之後幾有錢

5. 緊密監控
聽完演講後推銷你嘅負責員工會要求你總結「學習內容」當你總結完之後 佢會繼續搵其實人員繼續遊說你 去到11點幾先會放你離開 而且離開嗰陣會搵你個朋友全程陪同送你返屋企 送到你差唔多到樓下先走

當中成個過程佢哋會要求你坐喺中間位目的係方便監控你同埋左右轟炸 每次我一打開電話佢哋都會目不轉睛咁偷窺我用手機做緊啲咩 佢哋係非常之驚人會偷拍同錄影
以及喺交談之中 佢哋會要求你唔好同身邊人講 包括父母同朋友 佢哋比嘅原因係你仲未熟悉公司業務 驚人會誤會。呢個就係第一日嘅經過同流程。

樓主你俾人搵笨柒嗰間係咪廣華醫院對面？

三、詐騙大本營流程Day2

一、深入了解公司業務及架構
1. 上去聽架構
當我第二日上到去 佢哋就話今日嘅主要內容係深入講公司架構同流程 但實際係先搵一個「大我幾年」嘅人出手 條友睇落MMKK 着住老西但完全唔似有錢
2. 第一次攻勢
佢講咗一大堆嘢 前前後後噏左十幾分鐘 條仆街仲要係咁問我問題真係屌佢老母 但其實講個一大輪嘢唯一重點就係：
「你連啲產品同服務自己都未用過，又點介紹俾人呢？」
即係要我俾五千成為會員 去體驗佢哋嘅產品同服務

3. 換人再攻
條MK仔鳩噏完之後，佢哋即刻換咗個「大粒嘢」同我傾
呢個人明顯完全唔而且睇得出佢套西裝係度訂造而且帶 錶 睇得出同前面嗰啲人完全唔同Lv
首先佢話自己係42 然後講自己幾咁慘 當初入行前戶口得$40 跟住入行之後成個家庭上至父母下至隻貓都發生過意外 「悲慘過悲慘世界」然後佢話好彩因為入咗呢間公司先至有錢可以醫好佢哋 佢仲話佢個團隊旗下有二百幾人
而且佢話術勁好多
「做生意唔一定賺 但就算你輸 最多都係輸五千如果你賺錢呢？呢行係冇上限㗎 你想唔想以後可以跨越階級過自己想要嘅生活 想唔想屋企人安枕無憂」

二、五大流程
當鳩噏完一大輪 佢哋有一份「每個人入職都要學嘅五大流程」
簡單嚟講就係教你點水人，
要你將自己嘅目標同心態講俾上線聽，
「個心態係啲咩呢？其實即係洗腦」，
要你認為呢度真係會幫你賺到錢、真係一個好地方、個個都好熱情好友善 而且你所做嘅嘢係幫助你嘅朋友仔一齊創業實現賺錢夢。
當講到呢度其實已經過咗兩個幾鐘 本來我係專登俾咗「BS3」嘅錢打算聽吓佢哋仲會講啲乜嘢 但無奈成件事真係太攰所以我冇去到 嗰$200就當我豪俾佢。

基本上以上就係班仆街傳銷狗嘅欺詐過程

而家佢哋公司嘅大本營係喺九龍灣嘅企業廣場當中7、8樓為會所 18樓為辦公室 佢哋都有其他唔同嘅分公司每間可能唔同名但都係同一個大企業旗下叫亮碧思 可能而家改咗名 但係係同一樣嘢

差啲唔記得 圖一係佢地所謂公司內部 圖二係五大流程 其實仲有張目標圖 係要你寫低短中長期目標同點樣實行

❗️❗️其中一隻傳銷狗改左名扮冇野 繼續狙擊❗️❗️

傳銷狗必須死
年經但都要推出去俾大家睇

幫公開 芷欣受害人+1

旺角怡安閣都係
一樣係佢哋基地

仲有呢個 唔知有冇sell埋幼稚園啲老師同家長呢😂😂😂😂

呢啲嘢層出不窮，八九十後基本上好少會中（因為全部都奶過嘢😂）
大概五年前我就畀個friend呃咗上去佢哋旺角個傳銷竇
咁嗰排啦太過得閒喺屋企冇事做就想搵part time，咁佢就話佢公司請緊人咁就叫我過去試下咁我本身諗住返幾個鐘或者每個禮拜幾日冇乜所謂佢話啲時間好彈性，一上到去入去要身份證登記喺勝利道嗰頭附近，咁我畀佢登記完之後跟住上去喺度困住我講咗幾個鐘頭😂要我畀兩千蚊入會費，十個八個“成功人士”嚟sell我，最好笑就係喺傾偈之中講到話自己啱啱買咗兩層樓跟住又話買咗隻乜乜地通拿（一睇就知流，我自己有玩開錶）😂
跟住傾傾下個話尋晚喺大陸邊間邊間骨場嗰度揼骨跟住順便整咗個gel甲百幾蚊乜乜問我邊間平啲（你啱啱喺何文田買咗兩層樓會唔會需要降級消費到咁樣？）😂😂
最尾當然我都係一蚊冇擺低就走咗😂
（姨姨我係96年嘅，細個成日都畀啲朋友同學呃去嗰啲傳銷公司嗰度聽叫我哋做生意）

笑死，我做過職員，有咩想知😎

改個名都改得衰過人 🤧 亮碧思，就咁聽個名我以為係馬桶清潔劑 💀

安利、康寶萊、如新、亮碧屍 全部都會呃蠢人

佢哋而家有個名叫 value
都喺九龍灣企業廣場嗰度

人蠢冇計

我會話俾人呃其實冇乜嘢，但係水屋企人同朋友落去呢啲真係仆街冚家剷，明知道真相都繼續做呢啲嘢😵‍💫

原因係華人社會好重「關係」同「面子」。
朋友或家人介紹，很多人礙於情面，覺得「唔好意思拒絕」或者「幫佢一個忙」。
如果你唔加入，就可能被話「唔支持我」、「冇夢想」、「唔愛家人」，用情緒綁架同罪疚感迫你就範。
好多傻豬，就係因為咁樣做咗水魚越踩越深。

感謝分享！傳銷害人全家

我18歲果時都比d 舊同學 /朋友水去傳銷園。上到去就係好多人好多枱 果d枱 不時拍晒手甘促成左生意
之後就會有水你黎果個人同自稱高層一齊洗腦
但我就好堅決話甘好搵我都想搵。但我呢排窮到冇錢開飯。你甘為我好。一定會幫我出呢5000蚊入會費架啦🥹
最後放我走了

sls d女一樣pose

我瀨嘢嗰排已經係2022年……
啲套路到而家都係差唔多🥱🥱
N年前返part time識咗女個同事
跟住隔咗一兩年無啦啦IG DM約我玩😓
處心積約帶咗我兩次去佢哋啲party room
第一次成班玩狼人殺感覺正正常常就冇乜防備
第二次就成班唱K差唔多完就介紹個「前輩」俾我
條八婆知我對演藝方面有興趣，主攻我呢樣嘢
提早講咗啲料俾「前輩」聽等佢扮代表Sell我
佢話佢哋公司有搞啲咩歌唱表演可以推我上台
第三次條八婆就約我去咗尖東新文華個雞棚office
一入到去又係好似酒樓咁全部圓枱二對一sell緊人
跟住坐低咗我就知仆街了原來係傳銷嚟😵‍💫😵‍💫
最尾因為當局者迷加入咗人哋個場都冇夾硬起身走人
我蠢到放低咗$700等佢哋唔好繼續sell🥴🥴
轉場嘅時候帶咗我落旺角銀座嗰邊聽talk我趁機走人
之後我就冇再理過條八婆了，就係第一張相呢條友💩

樓主算有耐性 聽咁耐 我入去拍完條片就跑走咗😂 呢個就係我老友傳銷狗

唸起十幾年前，當年讀緊CU year 4，take 左個pe course，好似係玩健身操果類。個老師好熱情好好人咁，兩公婆一齊教的，唔記得叫咩名。臨近完course，佢就收集嗮d同學contact，話之後可以一齊聚下。有一日就約我食飯，因為佢係老師，完全冇戒心之下就去左。然後就開始問我畢業有咩plan。跟住就話想介紹一盤生意比我做。跟住既套路就同所有人一樣。第二日，我被帶到亮碧思銅鑼灣果間舖。俾人疲勞轟炸左差唔多八個鐘。因為上去之前已經有懷疑似係傳銷，但因為佢係老師，都唔敢拒絕，但就好小心咁，淨係帶左50蚊現金係身，冇信用卡。最後連200蚊入會費都比唔出，佢地先比我走。
一離開即刻block嗮佢地。果次真係好嬲，估唔到做老師既都可以咁，真係出社會既第一課，教我無論咩人都唔可以輕易相信。佢兩公婆應該都上左42、43果d級數。唔知依家仲有冇做。

其實身邊都仲有好多做傳銷可能大家都唔知 依個Account入邊所有人都係做傳銷


同佢哋傾過一次，一見佢哋著成點就知咩料🙏🏻

香港最搵錢嘅工就係呃鳩人

基本上啱啱認識嘅friend或者好耐冇見嘅friend
帶你去咩地方 識咩人 都有心理準備先會有伏
同埋見到佢個場面應該第一日中途就要走人

其實都唔新 佢哋一路都係咁 我ex屋企人係亮碧思高層 之前仲一齊緊嗰陣同ex老豆條女(人稱carry姐)唔記得好似係同邊個慶祝生日 我同ex兩個自己坐喺一邊食嘢 佢哋成班傳銷狗喺隔離開緊邪教會議 依然係喺度話自己幾咁有錢 然後喺度叫啲細嘅努力啲就可以好似佢咁有錢😂😂😂

個carry姐聽佢地吹到話有十層物業 係咪真

想推埋俾其他人知呢個都係
想問下如果想搞大佢 我叫佢有間規模幾大嘅公司 係咪應該同佢公司投訴及反映

投訴其實冇乜用 因為成件事係合法 最好應該其實都係上網公審

幾年前有個舊同學無啦啦IG搵我傾偈
本身都係傾吓近況 問我邊頭返工 跟住話下次嚟探我
我都有問返佢最近返緊咩 佢話做美容嗰類
我都心諗 做同學嗰陣都冇好熟 突然之間咁熱情嘅
後尼直頭喺我公司附近話搵我食飯 我話我得一個鐘 佢話唔緊要啦 大家見吓 quick lunch都ok
跟住佢知我嗰陣想轉工 就話不如去佢公司做啦
我話你公司做咩 佢話請類似consultant
我問佢係咪美容院又話唔係 佢話佢公司業務有啲廣 話下次不如去佢公司睇吓 有showroom
我覺得佢講嘢有啲含糊 就敷衍咗幾嘢 得閒再算
後尾佢約我喺尖沙咀食tea 無啦啦話我公司係轉彎不如一齊去 我？？？？？？
我當時冇諗過傳銷仲存在喺香港😂就話是但
一開始係去咗一間好似地舖咁嘅物體 跟住就話佢公司呢個brand係喺外國有百年歷史 又話自己都係用緊乜乜乜 一路介紹一路問我點睇
我話你啲嘢又唔係平 我做咩唔買返啲大牌子 要買呢啲所謂百年歷史但冇人識嘅Brand🙂
之後就話落埋隔籬Office 我啲同事都想見吓你
然後就落咗去一個地底 收唔到電話 落到去我就開始覺得係咪傳說中嘅傳銷😂

呢個姓張嘅都係傳銷狗！
勁恐怖，會先約人去太子party room
上到係咁叫你分享人生經驗
係咁讚你
又系咁叫你食水煙
勁浪費時間
有朋友仲分享佢之後會開始sell你去九龍灣總部
我同我朋友唔理佢
佢就係咁接我收工
每日都去我公司等我收工
勁恐怖！
後尾有朋友仲發現呢條狗住系小西灣富x花園
大家真系要小心！

近年d傳銷同邪教真係冇咩分別，知道有間重直頭係全間都係做amway嘅基督教會，覺得自己sell人係傳緊見證幫緊人🤣（冇記錯係油麻地)

其實 好多年 亮XX

大家小心點

X碧絲 ？🤭

之前都join過佢地幾次，會去嗰個hildawan 同佢男朋友啲南昌屋企會所開party ，之後就sale我做part time 賺錢搞活動，跟住上到佢嘅公司就知到咩料🙂

佢男朋友叫Samuel做工程㗎嘛

Yes🤣

講到傳銷竟然冇人po亮璧思呢兩隻狗

智力低先會中😂建議驗驗腦先

damn 同我之前遇到嗰個exactly一樣套路， 去d講座重要係超多人。之前話有機會去學習下，結果俾人拉去聽傳銷講座。 目測都300-400人。 之後個個人都好L奇怪，好aggressive。 之後又會踩低你，話出去幫人打工冇，賺嘅錢少。又話咩被動收入。 同樓主講嘅套路一模一樣。講真，如果唔L清醒，或者情緒容易被人帶動，真係會俾左5000入會

傳銷，前幾年啱啱畢業冇幾耐，我都比中同坤左入去，交左五千蚊買貨，去左幾日發覺好唔對路，個個係度吹水，邊有人去賣產品，之後我上面果個叫我買6萬嘅package，就可以升上去，聽到即刻走佬。幾個同學比人呃左六萬幾，去報警，最多都係退返兩萬比佢地

只要一做傳銷
即刻斷六親
人際關係網絡得翻傳銷圍內嘅人
最後只係塘水滾塘魚

如果有人叫你去家樂坊
千祈唔好去

@

我都識圖一嗰個女仔
佢無端端喺ig度po好多高消費活動
仲周圍問人有冇興趣一齊夾份做生意
瞄準住身邊等錢洗嘅朋友sss

身邊都有朋友sss俾佢R咗上party room
有個仲差啲俾佢約咗上公司

佢已經呃左身邊好多朋友

師兄 你係咪讀扶輪
佢小學讀基慈 連啲好耐冇見同講嘢嘅小學同學都俾佢R上party room 

係 我都聽講過佢連小學同學都水

我身邊有好多朋友sss都中招

係咪同呢個差唔多？

咁大件事東張知未

一定唔係同Supernova有關係嘅人
00smui

我睇到個open office張相就百分百肯定我呢個中學同學係呢個詐騙集團幫手做傳銷。下圖係我中學同學，之前都有啲交情同埋都有啲共同朋友但係畢業之後都好耐冇講過嘢，之前大概25年中佢無端端搵返我傾計，一開始都正正常常，之後又係想邀請我上partyroom 話同佢公司朋友一齊玩，但係個時我有嘢做就冇去到。黎緊我打算去旅行，咁就想搵pt賺錢去旅行，咁佢又咁啱問到我要唔要返佢個間公司咁就打算去睇下，到左之後個流程就同樓主經歷嘅一模一樣，咁我坐低之後觀察成個環境，我就發現佢哋搵嗰啲人全部都係好後生，同埋佢哋Sell緊嘅時候喺度話自己一個月賺10幾萬啊，咁其實講真你講到咁易做又賺到咁多錢，咁筍嘅嘢點會輪到我哋後生仔做啊，跟住到要收錢個下我心諗「哦原來要呃錢」，我諗住起身走嘅時候嗰個阿頭仲諗住拉埋其他詐騙犯去「同我傾下」，跟住我冇理到佢直接走咗，真係咩人品先做得出啲咁嘅嘢dklm。

好撚想repost去ig，因為我有frd做緊😂

Repost no bullshit

其實仲有一個地方嘅，家樂坊14樓有間聲稱studio，佢地都係以健康產品推銷，要你入會費，跟住又要上佢地所謂嘅PTC堂，第一日好撚記得查家宅咁，着到事事正正咁，又分享自己做左咁多年公司有免費旅行。最緊要係一直拎，健康，金錢，自由，時間呢四個topic圍繞你，一直洗腦，所以記得家樂坊14樓某見studio，啲健康產品就係樓上15樓。

要一齊舉報東張西望嗎？

你都係A子頭嘅受害者？

我喺F字頭呀

其實呢類型生意點賺錢？
Anyway 好似好複雜、複雜就賺唔到錢
最緊要唔好比人呃

你水其實人入會抽傭 其實就係咁

即係無實業？

姑且算有 但啲貨全部係啲垃圾 基本上啲人都係靠水人入會賺錢

咁都都可以做到門生意😅

係咪有新基地係荔枝角？？ 永康街果頭 金百盛中心地下個門口勁似 又有喼