警已報 沙田區 奇怪男人放手指入細路仔個口

日期：今日3.29 （日）
時間： 大約下午5:20-5:28 左右
新城市廣場 5/F Dino Park
奇怪男人無故伸手指入啊女個口

經過：
嗰個公園其實係有好多小朋友同埋大人
其實兩個小朋友都喺我附近直徑2米左右
（大女9歲、細仔5歲）
佢地玩緊唔同嘅嘢
我企喺度望住細仔大概幾分鐘（背住大女只係幾分鐘）
啊女本身另一個小朋友玩緊啲捉人遊戲
咁岩個陣落單 （但喺喺遊樂場中心位）

啊女突然過嚟拍我話遇到奇怪嘅人
問多兩句
原來喺個男人無啦啦伸隻手指入啊女個口

經阿女描述：
- 變態問佢：幾多歲、問佢有冇甩牙？俾佢睇吓
- 阿女應該係以為係其他小朋友啲家長
當下唔好意思拒絕/唔太明白對方用意
阿女少少張開口
- 呢個人就突然伸咗個手指入阿女個口度
然後即刻逃跑（向門口方向）

我諗啊女當時未意識到發生咩事
因為佢嚟同我講個陣都呆呆地
後來喺咁吐口水 因為覺得好核突

事發當時我人背住大女
未睇到事發經過同果個人
據啊女描述變態佬外表：
估計20尾至30幾歲 本地男士
著淺黃/米色短袖T shirt (衫上冇花紋）
黑色細眼鏡 、細眼、短髮、短褲
深色斜孭袋

事發後我地即刻喺個場到同埋同層去搵哩個人
不過當然搵唔到
我地就去左客服中心備案
多謝新城市廣場客服人員協助
又即刻安排幫手睇咗CCTV，
即刻加強巡邏睇下搵唔搵到哩個人
Cctv 搵到事發經過（果個遊樂場好多cctv)
後來協助我報警

哩啲人實在太猖狂，
因為個到喺多人多家長
我都望住啲細路 無玩電話
睇一睇另一個 幾分鐘就發生左
唔敢想像如果喺第二啲普通公園會點
雖然未必拉到人 但都希望其他家長留意下

CLS好彩呀女識得同你講番🤯

同埋算叻女 多得佢睇到啲特徵
好快CCTV 搵到 發生情況

太可怕了，真係要小心睇實小朋友啊

真喺 講緊已經盡量視線範圍
同埋要不斷教佢地遇到呢啲問題當下要點做
其實應該我個女當下係嚇親，所以佢亦都唔識反應或者大叫 

性暗示黎？ 快啲拉左呢啲仆街就岩，恰細路女單純！

好變態呀

咁變態😱

真喺痴鳩線

伸腳佢啦

知道嘅時候已經見唔到人😩 得個嬲字

睇緊d

😅😅

睇埋其他留言先知原來係慣犯
希望早日將變態佬繩之以法

變態佬手法層出不窮