📌 趁有流量，我想分享下
共 29 條紀錄
趁有流量，我想分享下自己對性別議題嘅睇法。
首先畀個立場大家，我係勁左膠：
我唔支持「多一根苦一生」，而係「有無根都苦一生」
我支持：人類有權講述自己嘅不安、自己嘅性別困境
且人類應該對其他性別嘅困境有基本認知
文長，自斟
我對女權運動嘅理解，
同已故美國大法官金斯伯格一致，
即女權運動本義係追求平等，
我對此極支持。
金從美國語境上講追求平等，
佢嘅說話發人深省：
「問你一個問題：我們憲法剛完成的時候，
哪些人算「我們人民」？答案是：算得上的人並不多。
我顯然不算，奴隸顯然也不算，甚至連大多數男性都不算——
你必須有財產才算。兩百多年後的現在，
請想想我們的憲法和國家發生多少改變。
「我們人民」這個概念擁 抱的人愈來愈多。
一開始的時候，奴隸、女性、美洲原住民都被排除在外，
不算 「我們人民」。但透過憲法修正案和法律解釋，
這個概念變得愈來愈包容。
……
可是，雖然平等是〈獨立宣言〉的主要主題，但你找遍憲法每一條條文，
憲法原文裡並沒有「平等」這個詞，
這個詞是透過第十四修正案成為憲法的一部分的。
在我看來，這是我們憲法和我們社會卓越的地方——
看我們比一開始包容了多少！」
（1）
我當時寫到：
／／我哋好明顯見到「平等」喺唔同文明都有趨向包容更多嘅特性，
古代將人分成帝皇臣民、鄉人市人、主人奴隸，
只係到現代起碼會聲稱人人都係公民，
而公民呢個概念甚至將以前嘅女巫、同性戀、麻瘋、精神病收納於內。
由金斯伯格所問嘅問題：「哪些人算『我們人民』」
其實就點出咗唔平等嘅最大問題，就係自我中心，
將一啲自己習慣接受嘅人/嘢視為自己人
……
平等呢個概念嘅精神唔在於我哋要Treat everyone the same，
而係 treat everyone as human/
用儒家啲嘅講法就係treat everyone as part of mine(萬物與我同體)，
換言之，對事事物物可以有親疏之別，
但要有基本尊重，
例如你係一個異性戀，就算你唔想接觸同性戀者，
唔代表你可以毒打佢、歧視佢唔幫佢整蛋糕，
因為佢都係人，都係值得你去尊重嘅人，
用返我哋之前講到嘅無知之幕，
你，可能一出生就係同性戀，你想唔想你作為同性戀而被人歧視?
所以，基本尊重就係平等最可貴之處。／／
（2）
依家嘅情況係，經過女權運動嘅努力，
我哋可以見到女性困境終於有被address
（當然係遠遠唔夠address、且未解決到問題）。
而由於我所理解嘅女權運動，
係以追求平等為目標，
所以佢追求性別議題嘅平等，
唔會止步於某一性別平等。
女性困境以外，
會唔會仲有男性困境、人類困境、動物困境？
照道理係有。
因而，佢理應係會以包容到更多個體作為目的。
既然包容，就要面對non-sense、打破對立
——即使對方所講嘅內容有住偏見，
但我基於對對方嘅基本尊重，
我會假設對方擁有基本理性，
因而我會嘗試同佢溝通、了解佢偏見嘅來源，
從而以解開佢偏見作為目的，
而唔係一開始就標籤對方係某某主義，聲稱佢唔值得尊重。
我知道我嘅諗法好理想、唔實際，
所以我話我係極左膠。
但我相信追求平等，象徵住包容，
我就唔可以作為嗰個帶有偏見、歧視他人嘅人。
最後引述金斯伯格：
「我認為男性和女性並肩合作，能讓世界變得更好。
我不認為男性比女性優越，同樣地，
我也不認為女性高男性一等。
我覺得，我們開始懂得把每一個人的天賦運用在各行各業，
不再像以前那樣拒人於千里之外，是很不錯的改變。」
（3）後記
我對性別平等嘅理解：
／／無錯，我哋要去承認男同女有生理上嘅唔同，
但所謂嘅生理上嘅唔同亦只係一種概括，
性別所帶嚟嘅生理上嘅唔同就算可以講到普遍，但世界之大，總有例外。
例如有女性會因為月經呢項生理唔同而導致影響工作，
去要求得到假期作為補助，呢點無疑係合理嘅，
只係，並唔係因為月經而需要假期，
而係因為月經而導致嘅不適而需要假期。
我哋要去補助某人唔應該因為性別，
而係因為某人呢個個體需要補助，
好似小明去幫小美拎米唔係因為小美係女性，
而係小美(可能因為身體比較嬌小/年老身體比較虛弱而)需要幫忙；
如果小美係一個大隻到好似the rock 嘅女性，
咁佢好自然唔需要其他人幫佢拎米。
所以，如果因為月經而為所有女性以假期形式作出補助，
咁對唔被月經而影響到工作嘅女性嚟講，就並唔必要，
非必要嘅補助往往就象徵住不公，
就好似以前對長子非必要嘅補助，
就明顯地係對其他兒子嘅不公。
Label 係一種將唔同個體收歸到同一概念之下，
嘗試將答案變得二元/有對立成份，
只係二元/有對立成份後果，
就係個體之間嘅差異被漠視，／／
續
／／呢種平等，仍然係食人嘅平等，
而理想嘅平等，就係去除對男女嘅定型，
考慮每個人都只係一個個體，謹此而已，
答案要比二元/有對立成份更簡單，只係結果更加複雜，
{不過更準確咁講，係尊重多樣性}
但喺對人嘅尊重上，我諗，呢種複雜係值得嘅，
而且應該複雜，嘗試將複雜變得概括、
二元只係懶惰，一種自掩雙眼嘅罪惡。
所以面對平等，簡單嘅問題，
擁有最簡單答案(人人平等，人人都係個體)，
最多樣複雜嘅結果。／／
又引金斯伯格：
「他們過去以為對女性有利的制度，其實對她們不利。」
「人對家庭、子女及他人福祉的照顧與關心， 不該一股腦兒地歸為『女人的事』，而該被當成每一個人的事。」
誠意推介大家閱讀《「我反對！」不恐龍大法官RBG 第一手珍貴訪談錄》
書名唔吸引，但係係好書嚟
「人類應該要對其他性別嘅困境有基本認知」
我直頭係覺得唔只性別
甚至於自身以外嘅各種不同群體
或許真係好似胡適咁講「容忍勝於自由」，我哋容忍彼此有不同嘅意見，亦都尊重大家有發表意見嘅自由。更重要嘅係願意去探討彼此間不同嘅意見，睇吓大家可唔可以求同存異，甚至可以達成到一致嘅意見
我寫嘅時候的確時刻諗起胡適所提到嘅容忍，但行文唔方便插入，所以先無寫到落去。
感謝你補充
如果「追求平等」「不给别人贴标签」「理性交流」就算是极左胶，那好就叫我极左胶吧！我引以为傲！
认真讲，我对「极左」的理解是，它和「极右」一样，都是很不理性、很偏激的。我觉得你说的都很合理，你也愿意尊重持不同意见的人且与其进行理性交流，我觉得这一点都不「极」呢。
「即使對方所講嘅內容有着偏見」
「假設對方擁有基本理性，嘗試同佢溝通，了解佢偏見嘅來源」
「解開佢偏見作為目的」
———
贊同，但覺得太理想😮💨
帶住偏見/歧視嘅人唔係咁易改變
溫柔革命好容易內耗 burn out
好膚淺講。我同意女權主義理念（平權），都同意父權主義嘅缺點。但佢個名好有排他性，一零好多無聊解過背後成因嘅人，因為佢個名而誤會，又或者理解。所以雖然膚淺，但長遠我覺得係唔可以再用女權父權嚟稱呼或者討論，咁樣會令件事進展得緩慢，尤其係發展咗嘅社會。
長遠嚟講，的確應該慢慢轉變稱呼，但依家又暫時未見到新嘅運動可以取代到
你係左 但係唔係膠
不過我會想像到有人會話你係扮左嘅右膠(有冇呢個term? 🤣)
其實將不同特質嘅人事物，歸類成XX主義，雖然起表達上容易表達，但我嘅愚見係，呢個同時係造成對立面嘅存在。將人類嘅某啲歸點標籤為XX主義，直接將其打成XX主義擁護者，完全否定人類本質嘅多樣性。例如近期大熱嘅事件，事主只係表達自己嘅男性困境，就被打成父權象徵，就被打成對女性嘅欺壓，將男性困境和女性困境製造對立面，表示男性一面嘅困境（難以抒發情感），就莫名地掛上漠視女性困境。就好似啲人將左派同右派完全對立，但其實人係可以認同左派嘅某啲觀點同時亦認同右派某啲觀點。例如我認同福利主義可以幫平民爬升自己嘅社會地位，但同時我都可以認同應該以本土人民為優先考量點。
牛哥唔係左膠，左膠追求嘅係個人榮譽感，唔係改變世界
🥹認同！有時討論好快敵我劃界
牛哥寫得好好
//平等呢個概念嘅精神唔在於我哋要Treat everyone the same，
而係 treat everyone as human/
用儒家啲嘅講法就係treat everyone as part of mine(萬物與我同體)
有時大家都好愛自己嘅敵人 會投放好多時間落去同敵人爭論
呢幾日我都諗起金
《恐龍法官》係最好聽的一集
多謝介紹
有聽第一季嘅老聽眾！
感謝你，挖返幾年前寫嘅文字，都令我都諗起錄呢集時候嘅心境
（我都好鍾意金斯伯格呢本書）
你好，我見到書局有本漫畫波蒙西娃，請問你有冇睇過？推唔推薦作為了解女性主義嘅入門書？謝謝
你好，西蒙波娃嘅作品好值得讀，但我未睇過漫畫版
我建議一開始可以先睇《一場極為安詳的死亡》
再嘗試挑戰《第二性》（可以試睇咗導讀先，睇下感覺如何）
西蒙波娃嘅作品以外
《我們在存在主義咖啡館》可以了解到個大背景
而以下呢本就係金斯伯格嘅訪談，我都覺得值得睇