身為一個東亞長大嘅男性，成長過程難免主動或被動地沾染到父權思想。

到底係幾時開始去父權？實際上唔記得但有跡可尋，大概係我開始有自信心果陣。撞啱果期個人算係開開哋竅，諗多咗嘢又開始寫文，對於一啲行為/情境思考多咗，eg 點解某啲嘢一定係某個性別去做/講？點解男人形象一定係剛強/識搞氣氛，女人就係陰柔/識照顧人？掉轉又得唔得？

拋開父權腦之後，亦都慢慢拋開咗好多不必要嘅責任同包袱。純粹因為我係男人就要做呢樣做果樣？Bullshit. 我覺得應該做嘅就會做，同我係咩性別根本無關係，你要加額外責任畀我係你嘅問題。就算我聽朝瞓醒變成女人，我覺得係啱嘅嘢仍然係啱。

Evil knows evil. 大概因為自己喺父權思想中跳咗出嚟，所以當見到有父權撚喺度妖言惑眾，我會好自然咁去篤佢地嘅痛處，用返佢地嘅標準攻擊佢地，畀佢地親身感受下父權思想有幾老土。

有段時間追求男女道雙修，言行同文字力求剛柔並濟，外型上追求又型又靚（你當係打扮過就屌打一街男人/有人幫我化妝就屌打一街女人咁上下）。呢個講法當然帶有性別刻板印象，其實講到底就係好老土一句「成為更好嘅人」，而唔局限於只係男性嘅好。

然後又經歷咗爭啲死嘅狀況，就學識埋嗌救命。嗌救命一啲都唔樣衰，正常人亦唔會因為你嗌救命而嘲笑你。就算真係樣衰同被人笑，又如何？人拉咗柴就塵歸塵土歸土，咩榮辱都唔再重要，過多兩日無人記得你。既然仲生存緊，就即管再畀啲掙扎，畢竟唔知幾時又會爭啲死🫠

香港女仔好多都識照顧人情緒同時又堅強獨立 男人想要人關心就由自己做起啦Diu

時代唔同咗，女人唔使靠男人都可以自力更生
所以舊果套父權思想已經唔需要