近排好多人講Amway
但我身邊又冇人同呢間公司有關係
有冇買咗佢哋嘢/喺Amway做嘅可以講吓佢哋其實係點？
我覺得最反感係佢地將人脈（人情）當錢用。你當佢係朋友，佢睇你係可以潛在發展嘅下線，或者幫佢消化囤積貨品嘅焚化爐。
一旦你睇穿左佢做呢行（通常一開始會遮遮掩掩），就好難單純同呢個人相處，因為三句唔埋兩句就可以畀到位佢sale野。
sell好撚貴濾水器嘅 然後一排就要買個濾芯換 好似無咩用 其實自己煲水咪一樣……💀💀
直銷係乜嘢生意模式？ 你想買長實嘅新樓盤，通過美聯或者中原地產代理帶去長實嘅售樓處，直接交支票同長實落單，呢啲咪係直銷，Amway直銷都係一樣咁，朋友介紹你去安利註冊會員之後，你會直接同Amway訂貨，呢個運作，咪係直銷，咁點解會對Amway嘅產品有興趣呢？咁可能會通過啲不同嘅渠道，例如營養班，美容班，增加你對產品嘅認知，令到你會有興趣使用產品。
產品但有質素，因為見仁見智。價值問題，起碼安全，有保證。
一個用左16年嘅用家，因為對產品有信心，當然亦幫左自己個女處理好濕疹問題，所以8年前亦開始經營
直銷唔係一個新行業，如果有讀過marketing /business related 的朋友，係課程syllabus 係有教direct marketing (即產品由生產商直接到ultimate customers )
多年黎我都好明白過去市場對呢個行業未太認知，會同犯法的傳銷混為一談，呢個絕對理解，因為從前科技無咁發達，資訊都係人傳人，香港係一個負評天下，係網上見到的負評多，但唔代表事實的全部，當然每個行業都有提升空間（好似從前的保險都不獲睇好，但今天整個行業的努力💪🏻都有目共睹）
對於未認知嘅人，如果覺得同一個經營直銷嘅人去了解，只係片面被洗腦的分享，我鼓勵喜歡玩thread 的朋友，都可以AI一下🤝🏻
咁我都可以分享少少我嘅認知，大家都可以有basic understanding 先
- Amway 係美國直銷公司，同時亦係一間R&D 公司（現在為人熟悉的Tesla 叉電技術，其實係由Amway 的水機技術研發出黎，詳細可以自己再AI); 全球🌍有100 markets, 香港只係其中一個（over 50年），如果係一個犯罪集團，我都好好奇一間公司可生存係100 地方？🤔
- 全球好多國家有直銷法，香港都有法例保障，而Amway 公司都同IRD
有税務條例條款，保證發展者履行税務責任
- 美國有全球直銷排行榜，合法的公司每年都會進行排名，以比公眾知道
https://www.directsellingnews.com/global-100-lists/
- 美國有私營機構Forbes 排行榜，Amway 咁多年都在列，反應公司實力
- 為保障顧客同發展者，所有貨品會員制就係可以履行佢100% 品質滿意服務，意思係貨品係可被退款的（如果咁都叫呃🥹咁都真係無辦法）
- 關於這引人關注➕的新租約，其實全球對total wellness 市場都需求大增，一間國際公司肯俾錢投資係香港🇭🇰咁細市場，創造價值，唔係好事咩？ 點解要被無知的人妖魔化🥲🥲，當然我唔清楚當時人係咪曾經有過唔好經歷，如果係 都可以聽下佢分享；如果純粹聽聞後就主觀評論，作為有少少知名度的藝人，都應該考慮下自己説話的影響力🥹
其實用唔用公司野，選唔選擇發展都係個人選擇，大家都應尊重他人
N年前都好多人bad month 藝人界行業，特別係女性被貶低，但又係咪代表全部係真，所以學識尊重他人都係尊重自己嘅一個表現☺️☺️
版主的post係理性求問，所以我欣賞你，同時願意回應
如果唔適合，你都可以自己決定這回應的生死
祝好😉
你直接Google睇吓YouTube啲人點講咪知囉
濾水器同空氣清新機係好嘢嚟架。但啲supplement係咪要食咁多，同其他牌子有咩唔同呢，就自己諗吓啦
係,可能要為咗sell/試效果， 佢地話自己一日食勁多supplements，我一睇數量就覺得好似有點可怕，仲多過平時感冒睇醫生食嘅藥嘅數量，但正常營養師應該會叫你食啱嘅原型食物更好😅
最好自己研究吓啲成份，比較吓先，唔好就咁聽人講，因為有機會sell你嗰個其實佢自己都唔算好了解產品
不過如果佢明買明賣，你覺得值得買咪買
呢家問人都係亂答，不如問ai 啦，問下公司，又問下經營既人。分開兩樣野黎，有時係啲人唔好，但公司產品好
其實就咁嘅，而家咪大家都用ai嘅，可以好客觀咁去幫你分析成件事，可以問下ai點睇直銷同amway甚至佢哋公司嘅產品，我都有用開，如果你想係人嘅方面去了解，都歡迎吹水🤣🤣
好多人會講佢嘅壞話，亦都有人會因為自己做緊，而比人覺得淨係有讚無彈😌😌
不過人嘅眼光淨係會睇到，或者淨係睇到自己想睇或者覺得嘅野～～原本心態對直銷業唔了解就會聽到咩都先講老鼠會拉人頭呢啲感覺先，然後自己就會一聽到就有呢類感觀，咁都無辨法嘅！
利申：自己接觸過香港同國內好多傳銷同直銷，其實兩種係真係有分別嘅，而有人知道直銷會令一部份人覺得佢好，所以將傳銷強行想轉營做直銷，但係產品唔好，永遠唔長久，有啲傳銷真係洗腦好勁，有興趣等我遲啲開po同大家分享下🤭😆諗起都驚驚地(曾經成功入左傳銷竇探險，唔洗留低任何野，仲要係入面賣返野賣返服務比傳銷人)
我有用Amway嘅洗潔精 沖涼 都唔錯
係嗰啲所謂系統同埋上線 追數嗰時比壓力你 氹你買貨
如果你問威猛先生好冇用，會有人喺下面留言話幾好用，如果覺得唔好用先會寫多幾句。次次有amway就有人喺下面留一大串話點好用，同淘寶刷好評有咩分別😂😂根本就係啲野極cheap但賣你好貴，可能啲貨都係拼多多買過嚟