返工識咗個女仔 . 拍咗拖1年.
依家先話冇話題. 要分手。。。
我知我地好唔同. 佢係大學生. 我係30歲嘅大叔
但佢活潑嘅性格真係我白月光.
除咗家庭背景比較 . 我條件都唔差。。。
我已經好努力想過上好生活。。。
15歲出來pt儲錢 . 18歲獨立生活
瘋狂返炒散 . 啲人話返10個鐘好難頂
但我返親多數都係15個鐘起跳 .
07做到凌晨都係常事 .
18年買咗個細單位 . 雖然樓價跌 . 但都叫做有樓
佢想買咩我都畀佢
我好專一 . 冇朋友要應酬 . 佢想我陪就射波
佢成日講追星煲劇 . 根本冇時間睇
但我唔介意睇10分鐘精華追進度
唔係咁樣一招收我皮！
好絕望. 究竟我咁辛苦係為咩？
我做錯啲咩？！
😔😔😔😔
陷入自我懷疑了，你的價值不在外在條件，你嘅存在已經係一種價值，佢離開你，不是因為你沒有價值，而是係佢心目中，你唔適合佢。睇你分析，應該都係討好型人格，你嘅討好形成佢覺得你冇神秘感，冇挑戰性，你不夠自信。
有錢送嘢有樓就大晒咩…
你冇朋友，可以社交嘅對象得佢=你好悶
同你傾計又傾唔埋
佢同你講追星你答唔到，同你傾知識層面時事嘢你又有冇嘢講？
你同佢講返工好攰，佢覺得關佢乜事
（點睇你嘅興趣係搵錢，冇其他）
叫你陪佢，如果你係齋坐㩒電話，甚至瞓埋覺嘅話，佢要你嚟做乜？
不如同佢啲同學去圍喂喂好過啦…
對20歲大學生來說，拍拖無feel自然分手。佢唔會諗你有無樓。
當佢20歲，人地既人生先啱啱開始。對所有嘢新鮮好奇。未玩過，未玩夠。
你就叫做捱十幾年出咗頭，社會對你嚟講唔係玩，係苦大仇深。
咁大差距，好難。冇對錯，只有夾唔夾。俾著你，你都唔想20歲嗰陣提前用30歲既思維過人生。
如果一個40幾一個50幾，就唔係咁講。
感覺你生活單純只圍繞住返工
冇朋友要“應酬”又冇時間煲劇
除咗搵錢就冇自己興趣冇core
你哋本身都應該冇乜精神交流
靠吸啜個女仔嘅活潑青春能量
嚟拯救你枯燥暗淡無光嘅生活
倚靠個女仔為你生活增添色彩
如果你生活冇咗搵錢同個女仔
咁就拼湊唔到一個完整嘅“你”
睇你要發展下揾錢以外嘅事物
坦白講，你30歲，就有樓又努力賺錢，似冇不良嗜好，細個出嚟做嘢，炒散都買到樓，呢方面真係無咩唔妥，但係睇返你同阿妹妹嘅現實差距
1. 我詁你學歷不高，而妹妹係大學生，呢方面係真係會有點阻礙（唔係話一定要均等，揾到錢唔關學歷事）但長遠嚟睇，你同佢嘅世界係真係除咗年齡差距，還有話題差距，如果你同一個都係細細個出嚟打工，或者社會經驗豐富嘅女仔一齊，似乎個頻率會夾啲.
另外，你嘅世界就係用大部份時間：揾錢，為咗呢個女仔轉.
坦白講，佢嘅世界，可以多姿多彩，而且你唔好以為錢可以解決好多問題，一句難聽，佢求其大學或出嚟返工，識到個富二代，你嘅有層樓呢個，已經可以一秒被KO,唔係你唔夠好，而係呢個真係殘酷現實，人地有時間陪你冇時間陪，已經係一個硬傷.
另外：佢想要咩都比，呢樣嘢，只因為你鐘意佢，為佢花錢，在你嚟講係偏愛，但物質，尤其對妹妹仔嚟講，只係覺得越係咁，就係當基本，因為一開始已經係咁.
我覺得你嘅堅毅無可否定，其實倒不如真心愛錫自己，揾到嘅金錢，用返喺自己身上，例如除咗女朋友之愛，識返自己嘅朋友圈，唔好只顧揾錢，拉闊啲，可以用喺啲正當嗜好，唔好成個世界只係工作，拍拖，氹女朋友.
師兄 我知你衰咩🫂
一句說話 拍拖 唔可以圍住條女氹氹轉冇咗自我
上一段我都係拍咗一年鬆啲就散咗
散咗三年後悔到而家個心都一直掛住佢
我18 我前任35 都係拍咗拖一年 佢有幾幢樓 香港有 大陸又有 識玩投資 要咩買咩 雖然都唔係啲特別貴嘅嘢 但有會零用錢 行街食飯全部俾晒 但真係冇話題冇情緒價值又陪唔到 同埋最重要嘅 又快又軟… 幾乎一入就唔得唔得 體驗差到爆
 其實一齊耐咗都好唔捨得 但真係唔夾

你呢啲呀叔好悶，又冇內涵
搵錢撻人大晒咩
成世流流長要我對住個呀叔我真係唔甘心
（以上係我according to your description 估計對白）
你柒，咩白月光，老撚土牛屎佬諗住有樓好叻，啲妹豬唔係中女，真係睬你層樓都傻
中女一係自己有樓，冇樓嘅都未必貪層樓，唔好講到中女就一定為錢為樓，樓主先至30歲，唔好忘記30歲呢層人，大把人老竇老母買落幾層樓（當年買升咗大截）然後讀完書家下做到管理層，老竇老母未退休，用年齡嚟分你都一樣柒.
樓主冇屋企幫靠自己，已經叻過好多人，只係錯咗方向同迷失咗
你冇做錯 係你用咗付出去愛一個要感覺嘅人
你做到嘅全部努力、穩定、肯陪、肯付出 呢啲其實都好難得 但佢話冇話題其實意思係佢感受唔到連結 呢樣嘢唔係靠你再努力就補到 因為感覺唔係用辛苦換返嚟
你越諗我已經做咁多點解都唔得越容易會困住自己 但現實係你哋係兩種人 而佢要嘅未必係你俾到嘅
畀完錢有得拖手要偷笑啦
香港地大把兵畀完錢送禮物，嚟手賣去二手舖。
做錯誤揀個唔同一Channel嘅女仔拍拖
20歲唔通貪你安穩生活乜都買到俾佢咩，梗係揀個後生靚仔啱傾啱玩
食咗一年嫩草有你賺
食嫩草嘅代價，你估嗰個郭富城咩
錯在識個咁細 人地剛剛進入市場 梗係唔會綁死喺你身上 你試下識個32歲 咁到時係你唔想綁死喺佢度喇
30歲唔算大叔
不過你識返個25歲以上有返工嘅女仔
可能會好啲 慢慢改變下自己嘅生活方式
有社交有自己興趣好重要
永遠圍住另一半轉 對方好快嫌你無聊
愛情從來沒有對與錯，勉強沒有幸福，性格不合都無辦法，做人面對現實啦！
你無錯
只係錯左對象
對嘅人……你先會做返你自己……而吾係你去遷就佢！
你值得擁有更好的！
啲cm好mean😂😂
你哋追求嘅嘢唔同 放過大家啦
放手啦，免強冇幸福，你比吾到佢想要，自然分啦，而家D大學生最緊要，打卡飲食名店，打機，旅行放閃到處玩，你可能太悶啊。
23歲又係𡃁妹 28歲又係𡃁妹
但30歲就變呀叔🤣
即係咁 瘋狂炒散 15個鐘起跳 07返到凌晨=無自己時間/無時間俾佢
18年買左細單位 但咁又點 層樓佢又無份
專一唔係唔好 但變相可能係性格悶 好聽就踏實 唔好聽就無情趣
無朋友即係無社交圈子啦 即係佢就係你生活既中心點 圍住佢轉 但每個人都需要空間
佢想你陪就射波 其實變相你個人都無咩責任感 同時亦都無咩自我同主見
佢成日講追星煲劇 你跟唔上 即係唔同channel 分分鐘佢鍾意邊粒星 最近追咩劇 甚至佢聽開咩歌你可能都唔知 睇10分鐘精華追進度有咩用 咁你同套戲上畫但你唔去睇 淨係睇電影解說有咩分別
其實講咁多 你可能連最簡單個樣野都滿足唔到佢 情緒價值
白月光？白月光只適合存活你係幻想世界 現實世界係殘酷架 你連情緒價值都俾唔到 一年已經好長架喇 節哀吧
你搞到自己咁卑微，淨係圍住佢轉，佢話要乜就買唔會拒絕，冇朋友即係冇自己生活，仲要為陪佢射波，只係討好型人格。
你所謂嘅好生活就係返工搵錢？乜嘢興趣、理想都冇，仲要冇自我冇原則冇性格，做埋d自我感動嘢，就係最大嘅錯。
你已經叻過好多人，至少你肯努力，有小成果。千祈唔好睇小自己。只係佢唔適合你🥹加油 唔好放棄！