返緊一份喺屋村附近嘅小型補習社
主要負責小學功課輔導同埋中小學一對一私補
做咗差唔多半年都係$65/1個鐘
無論係小學定係對住中六DSE學生私補都係$65/1個鐘
同埋編更唔穩定 次次都係返工前一日先會通知 聽日要返幾多個鐘 搞到我星期六日都冇私人時間
因為第一次返補習類型嘅part time 本身係當累積經驗 之後發現佢仲要冇幫我供強積金
係咪應該收集證據之後向積金會投訴之後quit工……

cls $65 炸薯條好過

拎出糧紀錄，僱傭合約更表支票等紀錄去提告啦！烚細路。拎了糧先丫記得。

連合約都冇簽到，不過有更表，諗緊可唔可以偷偷地影低佢，多謝你嘅建議🙏🏻

沒簽約口頭合約勞工處有得睇。更表同whatsapp也要記錄。勞工處要有証明架

好嘅好嘅，我睇吓有冇得呢個月出完糧就quit工提告

得罪講句 個價賤成咁擺明恰你

中六私補65個鐘係乜料🫨🫨🫨🫨

個價太低，講緊教功課喎，仲要有中六野要教，唔好作賤自己

好多地方都起碼開80啦

你真係好好好缺錢的話，一邊做一邊搵新，搵到即走，點講都好佢根本作賤你

65蚊太少喇！！ 我哋公司admin都唔止呢個價錢 !

計算工作時間，是否符合僱主需供強積金？

喂， 我上世紀末幫人補習仲高人工過你，搵番啲尊嚴呀。

嘩 你係廉價勞工

夠18歲未，法例定明18歲以下唔駛供強積金

1對1 65有d離譜

Hello 唔知天水圍近唔近你🙋🏻‍♀️？
老細請緊人，full time part time 都好歡迎，如果有興趣可以dm傾吓偈🙌🏻

Wts提僱主一次供強積金，證明你有追過，提供對話紀錄給積金局

真慘，不過做私補仲衰，D人成日走數，臨時改時間，又要求多多

我呢間補習社都一樣，如果學生臨時取消嘅話，就算我已經返到佢都唔會出糧俾我，直接空一個鐘，唔知坐喺度做咩

仲有人成日諗住補一堂就成績好
lol...神仙派特效藥咩

試過無啦啦補習社無比更表我=解雇 仲爭咗我錢成幾個月😀要我問佢先比返 70/h 本身65/h

Quit佢啦…當你係替工
今日出聽日更表

做私補啦