📌 邊L個老豆會懶醒裝修
共 53 條紀錄
邊L個老豆會懶醒裝修間房既時候
個牆開個大窿
塞部冷氣係個廳同個房中間共用
完全無L語，日日唔係畀廳嘈醒
就係晚晚嘈到聊唔到。
連基本既私隱都冇, 真係智障
🤣我明你，我老母都係差唔多咁樣！！間房都係間薄磚，同無間有咩分別入房又唔敲門佢自己又喺度嘈人搞到我日日都冇覺好瞓，而家搬咗出去好好多！！！ 冷氣仲要裝喺廳分體式我熱撚到仆街。跟住佢喺上面牆又開個位，佢話咁等啲冷氣吹到入去喎，其實有冇腦啊根本吹唔到入去囉，因為個冷氣就裝喺我間房出邊我對門上面個頂點樣吹入去呢？
真見唔少，但要睇你點用，有個親戚屋企以前就係咁裝，但只要屋企唔齊人一定唔開冷氣，只會成家各自返晒房先捨得開。我唔知呢個措施在佢經濟規劃中起了多少作用，但佢衣家資產（就我所知）有一間舖兩層樓同兩部的士。
如果兩間房供用都仲合理
但一房一廳就真係怪d
單係使用時間唔係一齊
仲有個問題，唔係單位入面放唔落，但出面壓縮機有空間有限
但而家已經出到一部壓縮機出2到4部冷氣
有可能係會冇睇開唔知
🙈
慳錢呀嘛，一部機用兩邊，又唔係用你錢你咁口響，你係咁唔鍾意嘅咪俾錢出嚟搞囉，又唔係冇得搞嘅，好簡單咋嘛，部機改位跟住再加一部新機俾你，係冷氣佬都識得幫你搞啦，你俾錢出嚟咪得囉
因為公屋規定唔可以裝咁多部，本身我入伙時裝修師傅都叫兩間房share一部，但我冇聽，所以我個女間房自己有一部，我諗佢大過一定會感激我，我係咪一個好媽媽呢？
我個個細個個時，屋企人就係牆開左1M X 1M既窿話透光，0私隱0安靜，之後結婚間房打死都唔開窿唔家私間牆唔玻璃房，細個試過係甘樣， 唔想自己啲小朋友都一樣
講得好好
間屋一家都有份住，阿爸嘅智障搞到成家
樓主都係屋企其中一員，應該出錢封返個牆，裝返部冷氣。舊嗰部俾佢哋用，自己用部新嘅
如果冇本事，就收皮啦
以前識人住公屋, 都係裝個百葉梗窗喺間牆度, 一部冷氣裝喺大房, 漏d 冷氣去隔離細房, 唔講私隱先, 一個扯鼻寒, 3個嘈醒晒, (兩房各安置兩人),都係黑人問號.
唔洗問就知係公屋
我識一家仲fun, 一間單邊窗大房分做兩間房，一間有窗，一間黑房，冷氣喺靠窗間劏房，中間幅牆頂留條lar比冷氣吹入去黑房 。
樓主 放心 大家都係同你一樣😂見到好多人都係咁 我呢邊唔係開大窿 係成埲牆矮個冷氣機 好大空隙 都唔知喺香港地問題定係太窮問題
明喎，之前租加拿大apartment時幅牆係咁
明明房同廳都有中央冷氣出風口，真係唔知設計嗰個諗咩😇仲要呢邊興open kitchen，油煙嘈音放題
其實LEI 個整法係度縮公屋諗法
成十幾廿年有一拖二分體式冷氣
死都唔肯俾多少少
死都要間房果陣開個位
利申:我係比杲advice 果個
為咗慳少少，輸哂
我朋友都係，為咗慳 想裝少部廳冷氣，
喺個女間房吹出嚟，
個女間房門要長開…個廳又唔夠涼，
唔知慳咗啲乜
既成事實，又冇能力去改變冷氣機位置，就自己割塊膠板 封死呢個洞，留返D少少位俾冷氣出風葉上下活動。 最少有返D私隱。
深同感受 不過我係上面扇牆咁 完全唔隔音 好辛苦 依家仲要有個小朋友係度嘈 放假唯有去男朋友屋企度先清靜到
連埋板間牆裝全幅隔音𥦬簾
冷氣位亦可以裝隔音箱
咁樣應該止到啲咳
再唔係瞓覺時就戴對睡眠專用嘅隔音耳塞
其實舊式公屋一個單位，最多只可以裝三部冷氣，如果你一家四口要三間房，又要顧及埋個廳嘅話咁都冇辦法
唔明點解有人會撐你老豆話冇比租就咪嘈，真係好啱入豬欄圈養😂😂😂 基本尊重都唔識，咪就係咁上下囉
咩咪好囉，俾個理由自己發奮圖強，搵多啲錢。將來就算唔係威返俾老豆睇，都俾個好嘅生活環境自己。
有冇諗過裝多部分體，就要裝多部散熱器？你有冇研究過你窗果度未必有咁既位放多部散熱？仲要d喉要x2
老豆慳錢既行為，自己出錢封番個洞，買部一拖二既分體冷氣機換番一家人既感情同優質睡眠啦👍🏻
俾少少錢叫人搬番部冷氣出廳，自己用石屎砌番埋佢。 無冷氣都可以生活度， 我以前屋企都無冷氣。
就算封左個lone, 板間都唔會隔到音。咁你要向天龍人學野啦，全爆改建潛建到，可用實磚牆間房。
其實呢
無俾錢唔該唔好咁多野講
其實老豆可以由得你熱死的
咁你有足夠的私隱
夠膽就出去住
自己房同阿妹間房都係一模一樣擺法，結果因為呢樣嘢同老母三個人由入伙嘈到依家🙂↔️
我細個屋企都係咁…
明明兩間房，硬係要打通
無私隱、又嘈又熱又光
就係貪個小小冷氣費
做依行 用大金又裝得咁靚 成筆費用唔少 會唔會溝通下幾點熄燈？ 可能可以有更好的方案
其實同打開門真係冇分別，仲要衰過開門。
開門你仲可以隨時閂返，呢個窿係 24 小時。
有時易地而處可以體諒吓屋企環境
未必一定係最好嘅安排，重點在有冇嘗試作出安排
其實板間房一啲都唔隔到音，有冇個窿都一樣聽得一清二楚😂只係視覺上有返d私隱
有個friend間屋都係咁樣整….cls
仲要間屋都係豆膶size都唔知咁樣開窿嚟有咩意思
我以前租村屋，嗰間屋個裝修，間房又係好大個咁嘅窿，業主話等廳啲冷氣吹入去
其實咁樣會仲食電
因為如果萬一你個廳唔需要有冷氣嘅時候佢一樣都係會食緊電
都唔只懶醒嘅 都要加埋間屋細 同窮要慳錢呢兩個元素
比心機搵錢搬出嚟住囉
去文具舖買塊黑色瓦通紙𠝹返個位填返個窿遮光，隔音就痴多幾塊隔音棉先
我男朋友屋企就系甘 連住佢媽咪間房
佢媽咪仲要系隔離直接同我地傾計😅
屋細夾硬間房先會咁
有無研究過間屋根本裝唔到多部冷氣
可能唔關孤寒事
加油努力搵錢，將來唔好成為一個好似連喺間房整部冷氣都承擔唔起嘅人
唔係要分冷氣比你 使鬼開個窿 卡一半冷氣機咩
早講要私隱唔要冷氣丫嘛
Hk 第一集空間改造王咪咁
某裝修kol又好似有一間咁搞
簡直on9到一個點
其實就唔係老豆懶醒，係冇錢 。
你叻仔嘅幫手減輕吓老豆嘅負擔啦。
咁樣裝一部分體全屋用，温度永遠唔到，部機長期要行制冷仲晒電😂
我都想有一個咁有用嘅老豆 到我自己出嚟做嘢我房先有冷氣🤡🤡🤡
你估你老豆唔想住大屋？有錢日日環遊世界添啦，洗同你迫係間屋到
如果真係瞓唔到
試下戴耳塞同戴眼罩瞓
至少瞓得著先
私隱嘅嘢再諗
其實是整埋可裝拆的活門出風及閉合個開口
咁就免除這些騷擾問題
你不是孤獨的，不講私隱，隔音變得更加差，客廳朝早嘈到瞓唔到
關顧自己睡眠質素，買個3M工業用耳罩+耳塞，甚至降嘈耳機
自己買塊隔音板，界個形狀遮住個窿，隔多少少，可能無咁應聲！
我屋企都係咁 習慣左🤣
已經算開得靚 我屋企就係咁鎅開個窿