部門有個人，做嘢一向好認真，

file 永遠齊、deadline 永遠前一天交，仲會自動幫手 check 埋同事啲錯。

一開始，老細好欣賞佢，成日喺會上當住大家面讚佢。

一年之後，所有麻煩又趕急嘅 job，

第一時間就諗起佢。

當佢有一次話「今期真係做唔晒」，

老細竟然講咗句：「你平時咪做得掂囉，點解而家會做唔到？」

原來你做得好，會變成別人對你最低要求。

通常呢種人會做到心灰意冷直接離職，唔會同你扭扭擰擰，我最了解☺️

冇錯

我就係咁。
我辭職，3次都唔比我走。老細叫我睇住成個倉，可以，只做需要嘅部份去到last day為止。
老細又話，請左個新倉part我，咁就唔使走，我no way.
調上office去做merchandiser（我對啲產品仲熟過office),唔好，自己開爛頭自己做番唔該。
老細：做乜事走，有乜問題？
我：一言難盡
（我內心）：關你咩事，我員工黎，我都可以不滿公司，走咪走。

真，老細咁樣對佢講
應該都離佢心灰意冷離職不遠
然後啲野之後都唔知會交咗俾邊個再加邊個再慢慢做
然後老細突然又會懷念往事
「唉 如果阿邊個仲係度就好」
「以前阿邊個一定會爽手快靚正咁交俾我，你地...?」
「幫我搵下阿邊個會唔會再返嚟返工/幫手答問題/幫手做返啲野呀」

賤老細唔會懷念往事，會覺得「唔會冇左邊個唔得，宜家咪又run得幾好，走左個個扭扭擰擰」😢