鄒重璂醫生在最新一集的<醫啲阿媽都唔知>散佈關於抗生素的誤導性資訊，包括：
1. 抗生素冇作用就可以停止服用
2. 食吃咗有作用 未食完都可以停
3. 冇足夠證明, 停服抗生素會造成抗藥性
然而，這些資訊和現時醫學界的認知大相徑庭，也和衞生署網站正確使用抗生素的指引有衝突。請問鄒醫生能否解釋他這些觀點的醫學根據？
衛生署藥物辦公室關於正確口服抗生素的專題：
https://www.drugoffice.gov.hk/eps/do/tc/consumer/news_informations/dm_09.html
正確使用抗生素*:
遵照醫生的劑量和用藥指示服用抗生素
如果你獲醫生處方抗生素，服藥後即使症狀已有所改善，也務必完成整個療程。切勿在未經醫生指示的情況下擅自停用抗生素。
https://www.chp.gov.hk/files/pdf/antibiotics_misuse_today_useless_tomorrow_pamphlet_chi.pdf
當病情轉好時，可以自行停服抗生素嗎？
不可以。請遵照醫生的建議服用抗生
素，完成整個療程。即使病情轉好，
一些致病細菌仍可能殘留於身體內。
自行停服抗生素
會增加細菌對
你所服用的抗生
素產生耐藥性
的風險。
https://www.who.int/news-room/questions-and-answers/item/antimicrobial-resistance-does-stopping-a-course-of-antibiotics-early-lead-to-antibiotic-resistance
世衞建議係盡量短
更正：應為鄒醫生也聲稱「沒有證據證明食唔曬抗生素會引致復發」
由於感覺好轉或症狀改善,並唔等於感染已完全 消失,所以#世界衛生組織 亦建議要遵循醫生嘅指示使用抗生素療程。
但係如果食咗幾日抗生素病情都冇好轉,咁就一定要再睇醫生,可能果隻抗生素未必適合你 ,等醫生可以根據返你嘅最新情況,有需要嘅時 候幫你轉抗生素!
https://www.facebook.com/share/1GQYB2NyvX/
中學唔係已經有教抗生素一定要食晒成個療程？
如果唔係淨係殺死到廢d既菌，勁啲嘅菌就會因為你冇食晒個療程不斷繁殖？
我以為係常識😨
如果驗了是細菌感染，lab test 會試埋可殺那菌的 antibiotics 就要跟醫生指示服用，直到完全殺滅，以免產生抗藥性（真的是大災難）。
我在YouTube 此影片留言頗多，但好似唔見咗。Anyways, 鄒醫生好似走火入魔，隨口噏⇒一人之境😂
其實我之前家庭醫生都同我講過 如果抗生素開得唔啱就要再嚟睇醫生要改另外一隻 因為針對唔到個細菌
確實近年係有非主流意見及研究認為短療程更好，但鄒醫生嘅講法好似自己覺得好就可以停，我覺得好容易誤導…即使短療程真係好啲，應該由醫生在開藥時就直接縮短天數（例如由以往習慣開 7 天改為開 3 或 5 天），而不是讓病人自行在中途停藥
如非必要真係唔好食抗生素，有關副作用可參考下面link. 除了抗生素本身既問題，濫用又係另一問題。下下一嚟就食抗生素，食純咗點算？到時真係無藥可救。所以，鄒醫生話抗生素無作用就可以停食是正確的，等於cancer打化療，化療無效，唔通仲繼續打？
其實如果食抗生素後對個病冇任何改善，咁停藥就冇咩問題（如果根本殺唔到菌，都唔存在產生抗藥性既問題），當然，你食左藥唔好自然要再睇醫生，到時由醫生決定係咪停呢個抗生素
不過，食左之後有好轉就唔好亂停藥，我認為你「無病徵」同「啲菌死晒」係兩樣野黎，最穩陣當然食多幾日確保真係殺晒啲菌，你「自己覺得好返」唔代表真係冇問題，要睇隻菌係咪冇晒最穩陣一定係種菌，或者由醫生診症判斷，絕對唔係你自己可以知道既野
冇足夠證據證明亂停藥會產生抗藥性，但亦都冇足夠證明係唔會，根本就係同問世上有冇鬼一樣，除非副作用大到影響身體機能，唔係最穩陣當然係食晒成個療程
所以咪話係醫生決定
假設你睇醫生開左三日藥，抗生素係一星期，除左抗生素外咩藥都食晒，但病徵冇改善過，咁再睇醫生都好正常啫，到時再問醫生意見睇下係咪停抗生素囉
我唔係指食左一日冇改善就馬上停，但7日藥如果食左一半療程以上都冇改善過既我覺得應該真係唔work多，但個人意見啦，雖然有做過呢類研究但我都唔敢講到咁死
其實好簡單，有冇醫學界人仕出黎講兩句？事實係有些西醫 真係開抗生素，然後再加益生菌 ，另外生仔前打針 係會用維他命 做預防，其實有好多人唔知 醫生係會開維他命俾病人。。 香港中大醫學 研究益生菌產品。。 其實香港舊醫療方法，有好多人未update 新野。。
唔係幫鄒醫生，亦冇賣營養品！而係知道啲西醫知道問題，都會請教外國營養自然療法醫師。。英國皇室都用自然療法，可以同西醫合併 ！
病人同街外人都冇研究。。其實好難去用標準衡量，然後出黎去話人錯。。
近排FB 官方衞生署衞生防護中心針對以下👇
【#飲食迷思FactCheck 】種籽油係咪「唔健康」？
【#飲食迷思FactCheck】- 飲水可唔可以解決便秘問題？
【#飲食迷思FactCheck】「唔食菜、唔食纖維都冇問題」？
【#世界腎臟日】— 捍衛腎臟健康，由減鹽開始！
https://www.facebook.com/share/1FPPCAftXS/
佢背後個邏輯我明
但普羅大眾 唔係個個都可自己判斷情況
所以先會有指引比大家去跟
呢條片的確令觀眾容易被誤導
抗生素要聽醫生建議 食完整個療程！🙏🏻
其實真係好麻煩，間唔中就有一啲人走出嚟，好似講到自己好認醫學、好專業
今次仲衰，一個註冊醫生講醫學，同平常聽嘅知識有唔同
唔同顧小培或者嗰個鬼佬脊醫，起碼佢哋唔係真正嘅註冊醫生。呢次真係好麻煩。
其實一早已經 有研究講呢件事要 Review 架啦。
依家講一定要食哂成個療程呢樣野本身就無足夠既科學根據。
只係好耐之前既一個假設。
呢樣野我真係唔多信啲醫生。好多醫生成日都鳩開抗生素。基本醫德都久奉。
而且醫療界不嬲都變得慢。反正唔死人，最多傷你肺。大部分人都只係會眼訓。
https://pmc.ncbi.nlm.nih.gov/articles/PMC5661683/
https://www.health.harvard.edu/blog/is-the-full-course-of-antibiotics-full-of-baloney-2017081712253
任何抗生素都有一個 spectrum 。現在用 rife 對正個頻，唔洗再食抗生素，尤其夏天尿道炎，真菌好煩。藥廠一直打擊量子治療技術，由一百年前已開始。
如果佢講既野無很大既普遍性，咁佢講出黎太不負責任⋯⋯
唔知醫務委員會等有認受性有份量的領頭人物會否出來定調一下呢？這節目太多顛覆從小到大的醫學認知了都唔知邊個先真！
請埋啲咁嘅垃圾上去散佈誤導資訊，無線而家折墮到咁😅