錄左一個樓上租客嘈音記錄，啲片全部都係我自己屋企入面錄的。
大仔喊、細女跑、工人每日吸10次塵（冇誇張，每日都有記錄低個時間）、仲未計佢每個星期帶埋其他親戚返嚟開party大聲喧嘩，不停跳不停跑。
嘗試同樓上溝通，樓上回應：「有咩問題啊？我覺得我啲細路好靜。」「小朋友係咁㗎啦。」
向管理處投訴，每次都hea應，同樓上溝通又無效，仲可以點做呢？
人生已經很困難，自從佢搬咗嚟之後，每日不停受噪音滋擾，就連在家也沒有喘息的空間。🫩😔
絕望的人字🥹

我上去同佢嘗試溝通嘅時候，有試過俾佢聽我錄低咗嘅證據，但係佢堅決唔聽，佢話咁樣冇意思😂🤷🏻‍♀️ 之後佢show咗自己schedule俾我睇，話平時屋企冇人㗎，所以唔係佢哋嘈。（但係我幢大廈一梯兩伙，另一個單位係一個太太，冇小朋友嘅，加上佢把豆沙聲好易認，無可能唔係佢哋）
同大人溝通冇用，又試過喺lift度見到佢個細路，問吓佢 「小朋友，平時真係有啲嘈，可唔可以細聲啲🥹」，個細路唔知點演繹俾佢阿媽聽，之後佢阿媽衝落嚟撳鐘鬧我蝦細佬🙇🏻‍♀️🙇🏻‍♀️其實我都只係問咗一句，不至於吧…

我樓上都係咁，我買咗個低音喇叭，將個喇叭放喺冷氣機頂，播返俾佢聽
甚至試過播歌鬼叫聲，總之小朋友怕聽嘅聲都要播！我本來都好似你咁上去同樓上善意溝通，但根本就冇用，佢哋係由朝早七點嘈到凌晨點幾兩點～
善意溝通冇用，只能夠用呢啲方法
依家基本上佢哋唔敢嘈，因為一嘈我就會播

應聲到咁，吸塵都聽到你層樓都幾垃圾，可唔可以講係咩屋苑比大家避雷🙏🏻🙏🏻🙏🏻

我呢半年嚟都遭受到噪音嘅滋擾，搵咗律師去處理呢件事。律師嘅意見係用噪音管制條例、即係用刑事嘅角度去處理係好有難度。反而律師提出係用民事嘅角度入稟土地審裁處或者係區域法院，佢告佢哋違反大廈公契會有成效啲。

因為一般大廈公契都會有條款係約束住業主、租客，又或者係佔用人唔可以喺單位入邊製造Nuisance，而根據以往法庭判決同案例，唔少嘅案件判斷Nuisance與否嘅準則都係同持續性掛勾，未必真係需要你好似度佢幾多分貝，所以樓主你嘅影片記錄已經係一個好有力嘅證據，建議你叫大廈管理處每次都上嚟聽聲作紀錄，然後準備一個巡查紀錄俾你，到時上庭對方係一定冇得拗。

祝你早日脫離噪音滋擾嘅苦海🙌🏿

Neighborhood noise 得警察先幫到你🤷🏿‍♂️

民事訴訟嘅話一定唔係

下面兩個案件嘅Judgement都係冇警察檢控同作供：
LDBM 19/2015
HCA 1973/2012

!!!
我之前啱啱大肚嘅時候
樓上搬入黎一個單親媽媽同兩個應該要返幼稚園但冇去讀書嘅小朋友
日日樓上無論咩時間 冇規律地
有bangbang聲同dump嘢聲
我上去溝通請佢地細聲d我需要休息
個媽媽反而話我初初懷孕太敏感
我特登走去門口錄音
聽得好清楚係個小朋友坐住d車車
撞埋墻
之後我將兩個月內收集嘅錄音/影片證據post上屋苑Facebook
過幾日即刻安靜左
根本唔係冇辦法控制小朋友 係大人唔教

你哋個Facebook 群組有料到

我有講埋我住邊座邊層
之後發現原來唔係得我一家投訴
而且噪音問題一直都有
個屋苑都多d白卡住
未免千夫所指我諗佢都要收斂下

Same case
我住咗自己間屋18年，頭10幾年都冇嘈音問題，近5-6年樓上冚家白卡搬咗入嚟無日安寧，隻白痴仔早午晚都喺屋企跑來跑去冇停過，個白咭老竇又同佢一齊跑兼大嗌。
對住呢啲人理性溝通/講道理係唔work的，投訴報警做乜撚都冇用。我喺近天花板嘅位置搵木工做咗個speaker層架，樓上一發病就大聲播歌，可以冚到佢啲聲同震返佢轉頭。

另外推介個playlist俾你，冇人喺屋企嘅時候開大個喇叭播，心情會舒暢好多🙂‍↕️
https://youtube.com/playlist?list=PL2biDxkZFkiinmTWzn5U017jvH3uo6BRu&si=sNS9ak38y6QQhK8p

算噪，但似係樓宇結構唔防音呀，地板太薄啦，我地住以前新鴻基D屋苑完全冇咁既問題呀。
反而屋企人搬去D靚既私樓竟然應聲到不得了，一跳地板係震、兩個中學生都比樓下投訴。

佢啲細路一叫，你跟住大叫，好快就收皮

人地正常生活 有咩問題？ 晚上10點後有冇嘈先？

你可以在門口 不斷播低音重音樂 ／大悲咒 ／佛經 掉返轉 你投訴佢無用 佢都一樣投訴唔到你

住得私樓就忍受下啦
鬼叫你咁有錢咩
你資産同入息都申請唔到公屋咪忍受下囉

又係「小朋友係咁㗎啦」🙂‍↔️🙂‍↔️🙂‍↔️
正生蕃黎

我樓上2個小朋友係屋企跑，佢全屋都整左地台更加應聲，老人家下晝想休息下都唔得。
揾管理處去傾，佢話小朋友跑係咁嫁啦！無辦法控制小朋友唔好跑，仲要同啲街坊講我哋針對佢
點解針對佢呢？佢除左小朋友嘈音仲有廁所滲水，冷氣機滴水，去水聲問題，全部都係佢單位問題（有專業證明証實係佢）我唔揾佢解決唔通我揾樓下處理呀？
係街坊面前扮慘我哋話佢，轉過頭就做盡陰質野玩野，我都好想知點解決到……

https://www.facebook.com/share/v/1CbPY158E2/?mibextid=wwXIfr
同路人，忍咗四年噪音再搵東張西望暴露佢哋嘅惡行，再告樓上白卡黐線婆癲佬贏咗，佢哋都係超級唔忿氣㗎，逼到我忍無可忍嘅時候告去區域法院，到時就可能演變成釘契佢就冇得賣樓，又禁制令又坐監，平時冚家匿埋屋企發窮惡，報警呢就做縮頭烏龜啊，成家心地好差啦又躁狂啦又講大話啦，表演型人格。你要加油呀😊

靚女我認得你呀，恭喜你贏咗官司

謝謝你☺️

老老實實真係你層樓太薄，我同屋企人住啲傳統靚料舊樓從來冇聲，搬去垃圾新樓連樓上扑野撞床板都聽到，隔晚11 點就會聽到佢兩公婆好有節奏咁bombombom

我以前都有 講完無用後 每次聽到我就用力掉籃球去天花板 佢嘈一次我就拍捉幾分鐘 終於無聲

用魔法打敗魔法🪄

到底可以開名係邊個屋苑未

點解唔開名嘅

果個喊聲係喺自己屋企嘅大聲程度喎⋯同佢溝通你播比佢聽都仲係話無事，臉皮有冇厚到咁🥲
最慘係嘈到咁你想賣都難，人地一黎睇樓聽到咁樣都即走

我上去同佢嘗試溝通嘅時候，有試過俾佢聽，但係佢堅決唔聽，佢話咁樣冇意思😂🤷🏻‍♀️ 之後佢show咗自己schedule俾我睇，話平時屋企冇人㗎，所以唔係佢哋嘈。（但係我幢大廈一梯兩伙，另一個單位係一個太太，冇小朋友嘅，加上佢把豆沙聲好易認，無可能唔係佢哋）
同大人溝通冇用，又試過喺lift度見到佢個細路，問吓佢 「小朋友，平時可唔可以細聲啲🥹」，之後佢阿媽衝落嚟撳鐘鬧我蝦細佬🙇🏻‍♀️🙇🏻‍♀️

真係好折磨人🥲 我自己都有噪音問題，都係唔係好解決到。面對呢啲人形垃圾，我諗真係要用魔法打敗魔法，但我怕對家真係癲嘅點算🥲

呢個噪音嘅程度，我哋屋企自己講笑會話其實係唔係發展商想收購所以派嚟逼遷😂

如果係就好，起碼發展商會同你買返個單位😭

樓主，如果層樓係買嘅，你唯有頂落去，錄音拍片，如果可以理性溝通就盡量溝通，如果溝通唔到，一過11pm佢嘈就報警，無論係嘈音定係懷疑家暴都係合理報警嘅理由，虐待兒童、疏忽照顧唔係小事。朝早真係無得搞，因為噪音管制係朝早七點前，夜晚11點之後。當然，如果你懷疑佢聚賭係可以嘅，畢竟搬晒傢俬，咁你唔知佢做咩㗎嘛，仲要日日咁樣搬，好人好姐點會日日搬傢俬？

搬屋啦，人地係屋入面自然有佢權利活動，你租圖書館住啦on9

我喺屋入面都有爭取寧靜嘅權利。不過搬屋確實係一個唔錯嘅提議，你可唔可以留低個地址，我搬嚟你樓上嘈住你。
最後，祝福你樓上都好似你咁諗

個人覺得樓上慘過你。。

願聞其詳

我都係咁，樓上搬左入黎到而家差唔多一年，都仲係晚晚係到跑拖嘢揼嘢聲，11，12點都仲跑緊，星期六日晏晝喺屋企又聽到啲高頻吸塵機聲，同管理處講完佢哋同上邊溝通咗，轉達返俾我聽話‘’樓上叫我同你哋講佢哋係係正常家居生活，冇咩問題，有咩你哋就報警，叫管理處唔好再敲佢哋們‘’，然後管理處同晒全部座頭講以後再投訴都唔使上去處理，真係極不負責任..
試埋1823，又話家居噪音唔關佢哋事叫我報警..
然後我試過半夜報警，警察話而家有啲案件做緊要一個鐘之後先嚟到，如果嚟到佢唔嘈我都做唔到嘢，又喺度hea我…真係好絕望

完全明白，針唔拮到肉唔知痛。俾人當係波咁踢，我都好無助，我完全唔可以正常生活到

租佢樓上再養隻狗，加個自動玩具比狗追下😂

佢嗰度已經喺頂樓😂反而係佢嚇到我隻狗匿埋

嚇到佢匿埋😮‍💨陰功，小魔怪恐怖力量

樓上溝通無效，佢細路日跑夜跑，迫到我老公頂左個重低音喇叭貼住天花板，靠近客廳一個，廚房一個，佢一嘈就放音樂，但一定要澎澎聲D歌😁，2個一齊開，唔使好大聲（太大聲連佢樓上都聽到）15分鐘起跳，最長3粒鐘，玩左佢1個月，最後我哋贏左

淘返幾個天花板神器，包你幾日見效，到時佢會搵你傾返轉頭😏

咩叫小朋友係咁？家長唔係應該要教小朋友嗎？

佢應該冇考牌

你屋苑係咩發展商？ 啲牆身。。。。

吸塵機聲真係大癲

埲牆根本就係有擴音功能

我隔籬屋都係經常嘭嘭聲，每日出出入入唔知幾多次，閂門開門都係勁大力，有個小朋友都係勁嘈，
啱啱搬嚟嘅時候，仲要自己裝修逢星期六日先整又鑽牆，整到夜晚10都仲喺度整，半夜不停開門閂門掉垃圾，
整完廁所個馬桶直接掉喺後樓梯，
勁黐線🙂‍↔️
走廊後樓梯唔比燒衣，佢開住度門喺屋入面燒，跟住將啱啱燒完嘅放喺後樓梯，好撚驚火燭，我隻貓有心臟病，佢哋搬咗嚟之後都無安靜嘅環境比佢🥺

同你情況一樣，樓上2個細路跑跳尖叫直到11點。。。平日返工就算，星期日係屋企諗住休息但受罪😓

真係喺度諗自己做錯咗啲乜嘢先要受呢啲苦🫩

樓上是租客，一男一女中年，冇細路，女嘅2、3點着住唔知乜嘢鞋，kick kick kok kok 行出行入，廳又廳到，房又聽到，推拉傢俬，永遠都係夜欄人靜發生

咁似我以前樓上嗰對，個女人都係晩晚凌晨開始發出躁音

吸10次塵，好認真返工

留意咗好耐，僱主外出期間從來都唔會吸塵。僱主一返嚟，即刻開吸塵機。

之前住公屋，樓上一家三口，拎綜援。兩父子逢晚上10點後嘈，打交嘈交，揼嘢聲乜都有，家人忍咗十幾年。直到我出嚟返工，有次零晨三點有鑽嘢聲，嘈醒我，報管理處，保安去佢門口聽話無聲。過幾分鐘再嘈，我報警，警察去咗佢單位話無發現佢地整嘢。我睇住閉露電視，警察走咗五分鐘，又有鑽嘢聲，我即刻上去拍佢地門，屌鳩佢地。佢地仲話我滋擾佢地，要報警，我企住等佢地報。警察再嚟過問我一個女仔咁半夜三間去人地度唔驚咩..我話我比佢地嘈到瞓唔到，然後我一輪輸出講返呢家人嘈鳩咗十幾年！後嚟警察就入去再睇過，出嚟話佢地就真係唔見有整嘢嘅架餐，但係佢地父子認佢地睇波，會拍枱踢下櫈，吖咗佢地唔好咁嘈同埋啲櫈腳黐返啲嘢咁啦..
佢第日就惡人先告狀話管理處投訴我半夜滋擾佢。
最後解決方法係我星期六日一早七點喺窗口放個HIFI, 播最嘈嘅歌，播到我老母買完餸返嚟，然後個幾年佢地靜撚到死撚哂咁。

你顛過佢佢就驚你嫁啦 對住依啲人真係唔洗俾面佢

我啱啱又上咗去問吓佢可唔可以細聲啲，真係已經好有禮貌低聲下氣咁問。結果我講完之後佢哋仲特登大聲咗😮‍💨

我依家住緊嗰到都係，利申係西鐵站屋苑上蓋嘅私樓。
樓上每日一到早午晚食飯時間就喺房到拖拉啲重型傢俬，我估係飯枱同櫈，隔左1個鐘後應該食完飯又係拖拉返重型傢私返入房，每日都係咁，超嘈超大聲。
樓上晚晚做木工，過左夜晚11點都係咁，喺樓上唔知用錘仔揼乜嘢，喺房入邊又係咁，直程聽到錘仔擺落地下嘅聲，一係跌咗啲零件落地下嘀嘀噠噠咁。
試過夜晚就嚟凌晨12點，樓上又喺度拖拉啲重型傢俬，呢啲人完全好自私。
我估樓上應該成個垃圾崗咁，成日食飯嘅時候先搬啲食飯枱凳出嚟，跟住搬返入房。即係話連飯廳嘅地方空間都冇，一個固定位置去擺放飯枱食飯凳都冇囉。
同埋我搬咗入嚟住之後，發現有曱甴。我以前住咁耐其他屋苑，我自己單位係冇曱甴。啲曱甴喺樓上通過渠口走過嚟我哋單位，依家我哋有喺渠口裝網格阻擋咗，啲曱甴先少左，亦都係渠入邊嘅位置見到有曱甴屍體。
我樓上嗰個單位，唔單止噪音滋擾，仲有曱甴呢啲生化襲擊，我一租約嘅死約期滿即刻搬算。

同我情況差不多，不過唔係樓上，係隔離屋，2個讀小學既吵吵鬧鬧，仲要加埋佢老豆日日狂吼鬧仔女，個癲妹就不分日夜跳繩，夜晚10點幾都會跳，工人就不停出入開閂度門😑😑

呢啲一定播AV反擊。

咁激😅😅

我屋企都係咁，纏繞咗10年
有時佢哋大力跳曾經試過喺我個電視櫃跌咗支酒落嚟，啲玻璃整到我個女

咁樣同樓上講都可以唔繼續唔理
佢地會專登掠濕到倒水衫整到我地
後來大廈管理員晚晚零晨拍門話係我屋企晚晚企我門口聽到好嘈，我係床起身出來叫佢入屋，你睇下全部人訓晒點嘈，唔好咁驚好唔好呀……
我話係樓上嘈到我訓唔到，佢唔信
最後真係發現樓上，佢上樓
最後先知原來當年佢地裝修，裝修佬無鋪多層先落地板，個地面太薄喇
所以我地食晒啲音……我真係屌佢老味喇

真係辛苦，淨係聽錄音都唔掂檔。失控嘅小朋友真係會令人發惡夢

失控嘅小朋友背後都有一個差唔多嘅家長

我樓上都有個痴線仔，叫看更上去話佢，管理處出過信俾佢，依家好d
看更話係有個十幾歲仔好似有精神病咁款，叫我地唔好直接上去😅

明白你！我同層有位小姐成日半夜發個男朋友脾氣，會尖叫，會一路喊一路尖叫…報過警，但小姐要政又發爛炸，話炸就炸！男既又鬧，女既又顛！

佢哋一嘈，大聲放AV叫聲

樓主好慘，我都受隔離屋成日出入bang門聲困擾，我唔知密碼門鎖係咪真係會咁大聲，佢開門已經比常人大聲，關門更大力就更大聲，大聲到震到我有時喺客廳梳化坐緊都feel到震咗吓，佢仲要密到可以5分鐘出入3次，早就7am出入，夜可以到1am出入，日頭懷疑佢當埋屋企係office，有埋疑似員工出入，有時放假喺屋企瞓個午覺都俾佢bang門嚇醒咗

可能佢D仔女被人虐待→会吾会個外庸...
可能有情緒病→要帶去檢查，不然錯過黃金期，為佢好出發
至於經常開party →太嘈都可以叫管理處處理/忍

我朋友同你經歷一樣，但要經歷頗長幾年，等佢細路大個 / 等佢地搬, 真係好無奈

點解大家咁仁慈只教人播大悲咒？其實YouTube和Podcast好多8 Hr嘈音選擇，由電鑽聲到女人尖叫聲都有，我會選擇一種高頻率嘈音

我同你一樣都有呢啲情況遭遇
維持咗半年到依家🙂
都係鄰居噪音問題 不過係玩大力刪鐵閘同門
我嗰層唔止一個咁做 係5個唔同家庭背景
全部都係男人製造噪音玩門
每日返到屋企好似去咗演奏廳加鬼屋感覺
係會玩到人精神上崩潰加心靈創傷後遺症
你都加油 希望你投訴成功 我都努力緊

完全明白 我同你情況一樣 一到七點幾開始 拉櫈 、小朋友大叫加賽跑來回幾十次 十點幾開始就吸塵 我試過一星期投訴2次 上次我嬲到同保安一齊上去 聽住個大女話邊個跑 我冇跑喎 個樣係勁乞人憎 到我返到入屋聽住佢大跳麥幾次 勁討厭

請問係邊到？🙏🏻